Luku 15:10 - Ia Foforuna Naiungene

¹⁰ E ghua molamo e age au ghu ia va manemane ka kenudiro ira engizeli ka God, ghini kaike noni ta aui sasake ta holara hihingo.”

Luku 15:10 Iomraidhean Croise

Matiu 10:32

“Hei neto kahe kavei la ka ira noni, ta noguna ara mu manei, ara a age kahe kavei haroma ka nogu Mama ka malaunao fate, ta noguna ara noni ianimu.

Matiu 18:10

“O banabana, oka fini va hinaei la ghu hei ka rekaha teri irahi. A va kahe ghini ghau ghu ara, ira nodi engizeli maneri edi au taremehana tudu ma nogu Mama ka malaunao fate.

Matiu 18:14

Taghe iala e ghua molamo nomu Mama ka malaunao fate, ta deona ge kabai ghini ghu hei kaikeu ka rekaha teri irahi ta age ghahe va zeana.

Luku 12:8

“A toraina va kahe ghini ghau ghu ara ka ia hohoghona: Noto va kahe ghidi la ghau ira noni, ta nogu noni mala nonofoauna ara ghau, ara Ia Tuuna Noni, a age va kahe ghidi ira engizeli ka God, ta nogu nonina ara mu ghau.

Luku 12:9

Nga noto va kahe ghidi la ghau ira noni, taka nogu noni mala nonofoauna ghu ghau, ara ia Tuuna Noni a age va kahe ghidi ira engizeli ka God, taka nogu nonina ghu ara mu ghau.

Luku 13:5

!E toraina deo! A ke va kahe ghini ghau sonini ara, ta leme harona molamo ghau, noto deo la go taghuru kairi ghu ira sasakemu.”

Luku 15:11

Ianimu tuna ghe, neke va kahe ghidi nga Zisas kaike ungene talevarani: “Kaike mane neke au palu tuunamane.

Luku 15:7

!E age ghua molamo ghatu, e age au ghu ia leghahai va manemane ka malauo God fate, ghinina kaike noni ta kurui sasake ta taghuru kairi ira sasake ka manei take fihiki lao ghu ka God, fuludu laoina ia va manemane ta vanadi ira leghaha ngavuluai leghaha noni ta lotoro taka ghahe va zea ghu!

Luku 15:9

Ka ia finini manei, manei e age kudori ghatu ira nona baere, nia ira noni ta au namoi e ghua, kahe ghuana iahi ka maneri, ‘Ara na puina va ghaseghase fuludu, vununa nato ke finini ia nogu kunegele neke kakai taguo. !Aria da hilava va ghaseghase va manemane ghu!’ e age ghua.

Luku 7:47

A va kahe ghinigho ghu ara tato kai haza tanara fotati iahi ira tehi sasakena manei, vununa manei neto va fini ghinagu ara ia leghahai nona namaha. Nga ia noni ta kai haza tana ma ka birusuna sasake mu, e rekahana ma ia namaha ka manei.”

Ira Riva 11:18

Di nomohi ghu iahi maneri, dito nodo ma vari tuufuaina, dito ke helahela ghini ghu God kahe ghuana iahi, “God neto va malumuri haro ghe ira noni taka Ziu ghu, ta fihiki laona ka taghonai, ta hioina ghu ia doli soduai,” dike ghua.

Ira Riva 5:19

Ghe kaike engizeli ka ia Lod, neke meha ka redu ianimu, neke meha tobeheri ghu ira makatana ka suga pipiliga ianimu neke hio kaveri ghu. Va kahe vanadi tuna neke ghua,

2 Koriniti 7:10

Vununa God e boka va rivai mo ia muko hihingo ka ira dolida ghita mala toka ghini ghitana taghuru kairira ira sasake, ta hioina ghu ghita ia doli soduai. Ghita e deo gada boka age muko hihingo ghini ghu ianimu. Nga ia muko hihingo ta sipa meha ka malau iahi peka mu, e vanadi leme ira noni.

Filimoni 1:15

Haeba fafahakanana ghe neke ghahe kaigho nga manei birusuna fafata tei mu, o mala boka ke hio leghui ghu agho mala au taremehau fuludaina, neke ghua.

Hiburu 1:14

Ira engizeli mu ira tarunga ta riva vanani God neke tuhu mehari ghu manei mala riva toka ghidira heiri ira ta mala age hio kadoli ia hio va doli.