Luku 13:11 - Ia Foforuna Naiungene

¹¹ manei neke fini fati kaike fotati neke va magugelei ia tarunga ta muko. Ka giliona tazoi hana komuhu, manei neke to guto palu loponana, neke deo ghu ge boka tetu va lotoro ghu.

Luku 13:11 Iomraidhean Croise

Matiu 4:23

Zisas neke ghahe kamoti Galili vari va kakaheina ka ira suga mala varighara ira Ziu, tuturi beana ghinina ia Nonomoho Ta Veha ghinina ia Ravutu, nia ke va veharira ira noni dike dufuriro leghu kokolodi lelemeana nga nia fogara nga, e ghua.

Maki 9:21

“?Nihaoni mu dufuina manei iahi?” neke ghua Zisas notohina ia nona mama ia rekaha mane. “Neke tataniga ka ia rekahanani,” neke ghua nona mama.

Luku 13:12

Ne fini laoi ghu manei fotati ini, Zisas neke kudo mehai neke va kahe ghini ghu, “!Fotati agho, agho to veha gheu ka fogara nia!” neke ghua ghini.

Luku 13:16

?Heve, e deo ge tongovona ghu mu ta va kalasi ghenana ara ka ia Ravata Mala Maghoso, fotati iahi ka ia pagusu Ebarahamu, neke posi va gimaio Satana tazoi hana komuhu ka fogara?”

Luku 21:28

!Dito tatanigai dufu la leghutau irahi, tetu vona va lotoro, go mato vona nga, vununa God to namo hio va doli ghau!”

Luku 8:2

nia ira keha fotati neke va vehariro ka fogara, nia ira fotati ka neke tavusu kairiro manei ira tarunga ta muko, e ghua. Dike au taremehanana manei mu, Mere ia tanina Magidala ka neke tavusu kairiro Zisas vitu nazahi;

Luku 8:27

Ne deke kave ghu Zisas ka ia koaka, kaike manena ka ia malau leghaha neke sukuio ira nazahi, neke la kave meha mala dufuina manei. To age soduai fuludu mu au sosolena mane iahi, nia deo geke au ghu ka suga e ghua, nga neke au ma ka ira lianga mala gilui noni ta leme.

Luku 8:43

Kaike fotati ta dufui fogara kolotibo giliodi tazoi palu komuhu, neke holara haroma ka noni ta varighara iranimu. Manei neke to kai va noghari haro leghu nona rongo nga ka ira dokita, ghe e deo ma geke age veha ghu.

Ira Riva 3:2

Kaike mane neke doli paheku dike hure laoi maneri ka ia makatana ta mala haghele lao ka ia Sugana God. Leleghu ravata maneri dike la nakaini manei ka ia gheremena makatana ta va kudo ghini Vevehana Makatana, e mala boka fanga nona rongo ghu ka ira noni ta haghele lao ka ia Sugana God.

Ira Riva 4:22

Ia mane dike va riva ghinio hahaima iahi neke age veha ghenao ghu mu, to fuludi rodana ngavulu komuhuna.