Luku 12:42 - Ia Foforuna Naiungene

⁴² Ungene tughui tuna neke ghua ia Lod, “Ara na ngengene lao ka leghu maneriva ngama, ira ta avoavoho nia hohoghona ta vanadi riva ia manefaa mala are ghinina ia nona suga kamoto, nia ta mala valiharira ia butubutu ka taghona, e ghua.

Luku 12:42 Iomraidhean Croise

Matiu 13:52

Ke kahe ghuani tuna iahi neke ghua Zisas, “Leghu noni ta vari va kakahei ghini nga ia vetula beana, ta meha mane nonofoi ghu ka ia Ravutu ka malauo God fate mu, taghe ta ghua nia la ia noni ta hio kave mehari ira foforudi nia ira sesepadi leghutau ta kuru lighorodi ka giliona ia nona ringifota mala nanakai, e ghua.”

Matiu 20:8

“Ka saighona ianimu, ia mane ta kutamai nunuma gerepi, neke va kahe ghini ia mane ta kopuna ghidi maneri ta kudo haghelerira ta vanadina ghu ira tabaradi, tatanigaina ka dike riva va leleghuro ta va nonoghana ghu ka dike kusu rivaro.

Luku 12:43

Ka ia ke leghu mehana ia manefaa, ta meha finini ghu ia maneriva, riva va vehana ka ia nona riva, e age au mo ghatu kaike tabara malana manei.

Luku 7:13

Ka ia fafata fini laoi fotati ani ia Lod, manei neke puina age dudumana ghini ghena, neke kahe ghua ghu iahi, “!Oka nakele ghu!” neke ghua ghini.

Luku 7:19

neke tuhu laori ghu ka ia Lod, mala la notoho ghuana iahi, “?Agho lamu ghu mu ia Mesaea nake afa ghinio ghai, ba, kehanani mu geala ta afa ghinina ghai?”

Ira Riva 20:28

“O kopu ghini ghau va veha ghu taghomu, nia ira noni ta va hohoghona haroharo taghe sipisipi ira ta ghua e ghua, neke nai vanamu ageo ia Tarunga Ta Maduana mala kopu ghidira ghau. Taghe ira ta kopunai sipisipi la o ghua, noto kopu ghini la ia kiloau ka God, neke tabario ka ia lemena ia tuuna taghonai.

1 Timoti 3:15

mala nato mamahuge la ara agena, agho ghatu o age avohi heve e ghua au va totorongotaina ka giliona ia nona butubutu God. Iahi lamu ghu mu ia kiloau ka God ia ta doli. Taghe ira sutuna nia ia pakaraina lama ia suga verevere ka ia kiloau ia ta zuka ghini va gima, mala va ghuduvina ka ia ghaghahena e mala ghua neke ghua ghinio, e ghua molamo ira nona noni God, edi zuka ghini ghu ia nonomoho ka manei, e mala au va gima ghu va ghuduvina ka ia ghaghahena e mala ghua neke ghua ghinio God, ghe neke va mehaino nga.

1 Timoti 5:17

Ira ta babatu ka ia kiloau ta riva va veha ghu mu, geala edi heluhelu ghidi nia tabara va vehari e ghua, sughavona ghu ira ta tuturi beana nia ira ta vari va kakahei, e ghua.

2 Timoti 4:2

Tuturi beana ghini ia saorona God. Ohoꞌoho riva ghinina ka ia fafata ta kabai nonomoho ira noni nia geta ghua ka ira fafata ta pake ghedi maneri, e ghua. O au unuhu ma o va totonuri ghu ira nou noni, buruarira nia va gigimarira e ghua, ka ira ungene babatu ta veha.

Taetusi 1:7

Mane babatuna ka ia kiloau mu e au ka ia doli ta kalasa, vununa manei mu e mane pauna ka ia riva God. Manei mu e toraina eka ghua ghu hei ia ta kabai ghini ma ia au doli ka taghonai nia eka tuma hali ghu, e ghua, eka ketuhu gogosu ghu, eka tuma vari ruza ghu nia eka kabakabai rongo ghu, e ghua.

Hiburu 13:17

O nomohori ira nomu noni babatu o riva ghidi ghu ira ta va kahe ghini ghau maneri. Maneri lamu ta kopu ghidira ira dolimu ghau ka Kraes, nia maneri di avohi ta age tetuna maneri leghunana ka kenuna God, turi vananina ira nodi riva. O nomohori ghau, edi mala va manemane ghu maneri riva ghidira ira nodi riva. To deo la, maneri edi age riva ghidi ka muko hihingo, nia e deo go veha ghini ghu ghau, e ghua.

Hiburu 13:7

O ngana laori ira nomu noni babatu dike va kakahe ghini ghauro ia saorona God. O ngana laori ira leghu veha nga ka ira doli maneri, o deke leghui ghu ia va hohoghona ka maneri.

Hiburu 3:5

Mosese mu neke kaike maneriva neke riva hohoghonao ka ia suga God. Ia riva ka manei mu, neke mala tuturi ghidi ira leghutau ta mala age turi ghidi God keha nareo.

1 Pita 4:10

God neto sopai vanamu kaikadolo ka ira tehi nona kaikadolo, vununa ka ia nona varisute ta vanada kakato. O va rivari ghu ka ia veha ira kaikadolo ka ghau mala vari tokaina.