Luku 12:4 - Ia Foforuna Naiungene

⁴ “Ghau taremehagu, oka maughidi ghemu ghu ira noni ta kabai atungu ghau. Maneri edi boka atungi ma ia tini lama; nia e deo heveni ta ke boka va riva ghini ghauna, e ghua.

Luku 12:4 Iomraidhean Croise

Matiu 10:28

Oka maughidi ghemu ghu heiri ira ta boka atunguri ira tinimu, ghe taka boka atunguri ghu ira tarungamu; nga o maughini ghemu God mo, ia ta boka ngovali haro ia tinina nia ia tarungana ia noni ka ia totoina gehena.

Zone 15:13

E deo namaha ta faa fuludina ia ta vanadi agho doliu nia ira nou noni baere.

Ira Riva 20:24

Ghe ia doli ka ara mu, e deo lighorona ma ka ara, nga e tongovona ta riva ghini va hokotona ara ia riva neke vanaguo ia Lod Zisas, ia ta mala va ongahi ara ia Nonomoho Ta Veha ghinina ia nona varisute ta va meha kakatoi God.

Ira Riva 4:13

Ira ta babatu ka ira Ziu di finiri ghu Pita ghe Zone dike torai naduna ka ngengene nia dike deona gedi ke sikolu va veha ghu e ghua, maneri dike age puina nodi fere fuludu. Maneri dike age fini avohori haroma maneri palu ghu, dike au taremehana Zisas, ta ghuana.

Filipae 1:28

Oka maughidi ghemu ghu ira noni ta kana ghini ghau. Gigima iahi lamu ghu mu, kaike va ghila mala va podolina edi mala age muko ghini taghodi, ta ghuana, nia ta va podolina ka ghau ta mala age hio va doli ghauna taghonai God, e ghua.

Zemesi 2:23

Neto ke meha hohoghona ghu mu ira Kakangava Ta Maduana ta kahe ghua iahi, “Ebarahamu neke va hohoghonai God, neke kahe kavei ghu God ta lotoro ghenana manei,” ia baere ka God mu manei, dike ghua ghini ghu ira noni.

1 Pita 3:14

Geta vavahagala ghini mo riva ghinina ia ta veha ghe, God e age va beana ghau ma e lao ghu ghatu. Oka maughemu la ghu nia oka anga ghemu la ghu.

Podolo Kave 2:10

Oka maughemu ghu ka heve leghutau tato namo vavahagala ghinina ghau. Ia Faghinadi ira nazahi e age kai laori kehara ka ghau ka pipiliga mala va sisiva ghini ghauna, o age au vavahagala ghu ka giliodi tazo ravata. Ghe noto tetu va gima la ghau ka ia nomu va hohoghona, va malumu ghauna ghe taghomu ka leme, ara a age vanamu ia tabarana doli soduai.