Luku 12:21 - Ia Foforuna Naiungene

²¹ “E ghua iahi mu ta dufuna ka ia noni ta nai teghi taghotagho vanani taghonai, ghe ta deo nga ge taghotagho ghu ka ia doli manei vanani God.”

Luku 12:21 Iomraidhean Croise

Luku 12:33

O tatabara ghidi ira leghutau ta kuru ghau o tufari ghu ira ta malanga. !E ghua ianimu ghe ge age faa nia au va gima nga ia bokaboka ka ghau ka malauo God fate! Vununa ira mala sute rongo ka malauo God fate mu, edika reku ghu. Aianimu ta au va gimara ira bokaboka ka ghau, ka ia ta deo ge boka sikori ghu noni, nia ta deo ge boka ngovalari ghu fufu, e ghua.

Luku 16:11

?Noto deo la ghau go hohoghomu ghu ka ira hagete ta au ka malau iahi peka, hei ghu ta boka va hohoghona ghauna ghatu, ka ira hagete ta toraina hohoghodi?

Luku 6:24

“Ka lelemeana leghahara ka ghau ira ta taghotagho, vununa au va manemanena ka ghau mu, ghatunaina lama.

Romu 2:5

Ghe vununa agho to kaputu, nia ia hihingou ne deo ge boka taghuru kairi ghu ira sasake ka agho, no va faa vananigho laonani ghu taghoughi ia va kilasa malanana ia ravata ta age va podolo kavei God ghatu ia haala ka manei nia ia nona varifate ta lotoro, e ghua.

2 Koriniti 6:10

Geta va muko hihingo ghai ghu ghe, ghai na va manemane tudu ma. Ghai mu na kuma, ghe na va taghotaghori mo tehi noni. Na deo mo ta taghoina ghe, na kuru ghai mo vahina leghutau nga.

1 Timoti 6:9

Ghe ira noni ta kabai taghotagho mu, edi zoghu kolanga ka ira leghu kokolodi auau nga, va hakerira taghodi ka ira tehi leghutau ta kingo nia lelemeana ta hagala ghidi maneri, koroho ghidi laora taghodi ka ia doli ta toraina va mukori nia ngovalari, e ghua.

Zemesi 2:5

Vanemoho talinga meha ghau taremehaguro. God neke faeteri ira noni ta kuma ka malau iahi peka ta mala taghotaghona ka ia va hohoghona. Maneri ghu mu ta age hio kadolina ia ravutu neke naiungene ghinio God ka heiri ira ta namaha ghini manei.

Podolo Kave 2:9

Ara na avohori mo ira vavahagala nia au malanga ka ghau—!ghe ghau mu no taghotagho mo! Ara na avohori mo ira leghutau ta muko dike va kahe ghini ghauro ira ta kahei taghodi mu noni Ziu ira ta ghua ghe ta deo ma; maneri mu kaike pukuna noni ta nona Satana.