Luku 12:1 - Ia Foforuna Naiungene

¹ Ka fafata ianimu haro, ira noni dike varighara lilohio Zisas, dike to age togha, togha ghu tehidira, dike age vari dedeke ghu. Zisas neke kusu fihiki lao ka ira nona mane ta nonofoi, neke kahe ghidi va gigima ghu, “O banabana ghini ghau taghomu ka ia isi ira Farisi, ia tatangana kobiri ka maneri.

Luku 12:1 Iomraidhean Croise

Luku 11:44

“Uve, ka puina mamaghuana fuludura ghatu ka ghau. Vununa ghau mu taghe ira beku ta deo va ghilaghiladi, ta deo gedi avohori ghu ira noni, ta ghahe kalahuri ghu, e ghua.”

Luku 12:56

!Ghau ta tatangana kobiri! Ghau no puina avoho ghini, va fafahakina ia aꞌauna malau iahi peka, nia ia kolanga fate e ghua. ?Ne heve ghu ghe no zea ghini ghemu nga ia fafahakana fafata iahi ghatunaina?

Luku 5:1

Kaike ravata, ne tuturi beana ghu Zisas ka ia tapuruna Lokana Genesareti, ira leghahai varigharadi noni, dike vari bubu lao ka manei dike la nonomoho ghu ka ia saorona God.

Luku 5:15

Ne ghua mo ianimu neke kaheina Zisas ghe, neto suufu laoni ma mamagali ongahanana ia tuturina ia mana ka manei, dike to la meha ghu ira leghahai varigharadi noni, meha nonomoho nodi tuturi beanana nia ta mala va doliri ghedira ka fogara, e ghua.

Luku 6:17

Ka ia fafata hinae mehadi ka ira tabafedi vuhuku, ira mane nonomoho dike tetu taremehana Zisas ka kaike galahena leghaha ta sare, meha au lilohorira ira tehi nona noni ta nonofoi, nia ira varigharadi noni, e ghua. Tehi noni ka ira leghu pelodi nga Zudia, Zerusalemu, e dufu lao ghu pelovona mo ka ira agharadi tahi aianihi Taea nia Saedoni e ghua, dike aura aianimu.

Ira Riva 21:20

Di nomohi ghu iahi, maneri dike helahela ghini God. Ianimu tuna ghe dike kahe ghua nga iahi ka Polo, “Tahimaio, agho to avohi niha ngavulu togha noni Ziu dike to va hohoghonara, dike toraina ngana tahuina ghu ia vetula ka Mosese.

1 Koriniti 15:3

Ka heve nake hioio ara nake va kadolo vanamu agena ara ia ta tongovona fuludu lao: Kraes neke leme maladi ira sasakeda ghita, taghe ia ta kahei ka ira Kakangava Ta Maduana.

Hiburu 12:22

Ghe ghau noto la meha ka Vuhuku Zaeoni, ka ia malau leghaha God ia ta doli. Manei lamu Zerusalemuna ka malauo God fate ta au ira tehi togha engizeli.

Zemesi 3:17

Nga ira noni ta auri ia ngangana ta veha neke vari va kakahe ghinio God mu, edi toraina kalasa; kabai au tudu ka ia bule taremehadi ira keha noni; edi unuhu, ungene nonomoho, vari dudumanai nia riva va veha tudu; edika toka kaike pelo ghu ka ira noni nia edika tatangana kobiri ghu, e ghua.

1 Pita 2:1

O va kalasa ghau taghomu ka ira vahina muko nga. Oka sesebo ghu, tatangana kobiri ghu, kakabai ghu, ba turi ghidi va muko ghu ira keha noni, e ghua.