Luku 11:9 - Ia Foforuna Naiungene

⁹ “A va kahe vanamu ghu ara, o fanga ma o au ghu ghau, ghe go age hioi nga heve ta fangai nia. O hadu ma o au ghu, ghe go age finini nga. O ketaketa ma o au ghu, ghe ge tobehe vanamu nga ia makatana.

Luku 11:9 Iomraidhean Croise

Matiu 21:22

Noto va hohoghona la ghau, heve leghutau ta fangaina ghau ka ia tarai, e age vanamu mo ghatu.”

Matiu 21:31

“?Hei mo ka palu tuunamane irahi, neke nomohina nodi mama?” “Ia tuunamane ta faa mo,” dike ghua ghini. Va fafahaka vanadi tuna neke ghua Zisas, “A va kahe ghini ghau ghu ara ka ia hohoghona, ira ta hio takisi nia ira ta kikirasei tabara mo, ta kusu kenu ghauna ghau haghelena ka ia Ravutu God.

Matiu 6:29

ghe ia Ginitaukela Solomone na ka ira leghu nona poko mala va vovona nga ghe, neke deona ge dufui ghu ia ridiradangana kaike ghu ka havoro irahi ka ira leghu nona taghotagho nga.

Maki 11:24

A va kahe ghini ghau ghu ara fafahakana iahi: Noto tarai fangari la ghau keha leghutau, o va hohoghonai tato hioina ghau, o age hioi mo ghu ghatu heve leghutau noke fangaino.

Maki 13:37

Heve ta va kahe ghini ghau ini ara mu, na va kahe ghidi haroma ira noni haroharo: !O kakae ghini tudu ghu ia leghu meha ka manei!”

Luku 11:10

Vununa heiri haroharo ira ta fanga mu, edi hihio. Heiri haroharo ira ta hadu, gedi finini ghu e ghua, nia ia makatana ge tobehe ghu ka heiri haroharo ira ta ketaketa, e ghua.

Zone 14:13

Heve tei ta fangaina ghu ghau ka ia Mama mu, ara a age riva vanamu ghatu, vununa ghau mu nogu noni ta nonofoau ara, mala ia varanga ka ia Mama e age podolo ghu ka ia Tuuna.

Zone 15:16

Eka ghua ghu ghau mu noke faeteauna ara, nga ara mo nake faete ghauna ghau nake vanamuna ghu ia riva, ta mala ghahe ta la fua va pighana ghu ghau ka ia kokolona fuana ta au toghunai. Ianimu tuna ghe ge age vanamu nga nogu Mama heve leghutau ta fangaina ghau ka babaologu ini ara.

Zone 15:7

Nga noto au parekete va gima meha la ghau ka ara, nia au va gima tuna ira ngengene ka ara ka ghau neto ghua la, heve leghutau ta fangaina ghau mu, e age vanamu ghatu.

Zone 4:10

Zisas neke ungene tughui, “Goke avohi lama agho heve mu ta vanadina God ira noni, nia hei mu ta fangaigho ketuhu ini e ghua, geala agho oto ke fangau ara ato ke vananigho ketuhu ta vananigho doli ghu.”

Romu 2:7

God e age vanadi doli soduai heiri ira ta tetu va gima ta rivai veha ma ta age ghu, nia maneri di kabai hioi ia varanga nia va vonavona nia ia au toghunai ia ta va mehai God.

2 Koriniti 6:2

Vununa God ne kaheina, “Ka ia torai lotorona fafata, ara nake nomoho ghau. Ka ia dufu mehana ia ravata mala hio va doli ghau, ara nake toka ghini ghau.” !Nonomoho meha! Ghatunaina lamu fafata ne kabai toka ghini ghauna God nia fafata ne kabai hio va doli ghauna manei, e ghua.

Hiburu 11:6

Neto deo la ia va hohoghona, e deo ge boka ghu ta mala veha vananina God. Hei ta ghuana ta kabai mehana ka God, maneri edi va hohoghonai ta torai auna God, nia maneri edi va hohoghonai molamo ta vanadi tabarana God heiri ira ta kabai meha ka manei.

Hiburu 4:16

Ghita e deo ghu maughedana meha namona ka ia nonohe ginitaukela ia God ta varisute. Aianimu ta age vanadana ia nona dudumana nia hioina ia varisute ta vanada kakato God mala toka ghini ghitana ka ia fafata ta toraina malanga ghini ghita.

Zemesi 1:5

Hei ka ghau neto deoi ngangana ta veha la, agho geala o verevere fangai God e vananigho ghu, vununa God mu e tufa ka ia va manemane ka heiri haroharo, deona ge tahori ghu ira muko, nia age vananigho tuna ghatu, e ghua.

Zemesi 5:15

Tarai ta riva ghini iahi ka ia va hohoghona, e age va vehai ghatu ia noni ta fogari ghena. Ia Lod e age va vehai, nia e age kai hazari ira sasake neke riva ghidiro manei, e ghua.

1 Zone 3:22

Heve leghutau tada fangaina ghu ghita mu, da age hiori ghita ka manei, vununa ghita da leghuri ira nona ungene va gigima nia da riva ghidi heve ira ta veha vanani manei, e ghua.

Podolo Kave 2:24

Nga ka ghau haroharo ta au aiamuhu Taeataera ta deo go leghui ghu ia vari va kakahei ka Zezibolo, ta deo ghu go sikolu ghini ghu ia vari va kakahei, ‘ira toraina popoika ka Satana’ ia ta ghua ghini maneri mu, ara a kahei ka ghau ta deo auna ara heve keha leghutaurani take va hure ghini ghau agena.