Luku 11:42 - Ia Foforuna Naiungene

⁴² “!Ka puina mamaghuana fuludura ghatu ka ghau ira Farisi! Ghau no vanani God ia va tazona ka ira nomu mala va tatagafa mahai, taghe ira miniti nia ru e ghua. Ghe ghau no seke ghidi ira noni nia deo go namaha ghini ghu God, e ghua. Geala ghau o totonu nia o suteri ira keha noni, ghe go vanani tudu nga God ia va tazona ka ira ghemu nomu.

Luku 11:42 Iomraidhean Croise

Matiu 23:13

“Ka age mamaghuana fuludura ka ghau ira ta vari va kakahe ghini ia vetula beana nia ka ghau ira Farisi. !Ghau ta tatangana kobiri! Ghau ta bakisi va gimai ia makatana mala haghele ka ia Ravutu ka Malaunao God fate. Taghomu go deo ghu boka haghelemuna no ghua, ghe go va gogohari nga ira keha noni ta va sisiva haghele ghedi.

Matiu 23:23

“Ka age mamaghuana fuludura ka ghau ira ta vari va kakahe ghini ia vetula beana nia ka ghau ira Farisi. !Ghau ta tatangana kobiri! Ghau no vanani God kaikeu ka ira tazo tufa ka ira vahina leghutau ta taghori nga ghau, geta ghua ghu ka ira leghutau teri ka ia nunuma ta mala va ghanoghanori ira mahai, ghe ghau e deo go leghuri ghu ira leghutau ta tongovodi fuludu lao ka ia vetula, taghe ia va totonu, ia vari dudumanai nia ia hohoghona. Irahi mu geala o riva ghidi tudu mamu ghau, ghe oka ngana kai ghu riva ghidira ira keha leghutau ta tongovodi fuludu lao.

Matiu 23:27

“Ka age mamaghuana fuludura ka ghau ira ta vari va kakahe ghini ia vetula beana nia ka ghau ira Farisi. !Ghau ta tatangana kobiri! Ghau taghe ira lianga beku ta pedi va ghihori, ta veveha mato laorira ira peghurudi no ghua, ghe ka ira giliodi edi fouduai huma nia vahina kokolodi boe nga, e ghua.

Luku 18:12

Ara mu a filui mahai palu fafata giliona kaike kolabana, nia ka ira leghu nogu ta taghori nga ara, a vananigho kaike tufa ka leleghu tazo tufa, e ghua.’

Zone 5:42

vununa ara na avoho ghau mo ta deona ge au ghu ia namaha ka God ka hihingomu nira ghau.

1 Zone 4:20

Na namaha ghini God dato ghua la ghita, ghe kikipana ghidi tuna ira keha noni ta va hohoghona ka Kraes dato ghua la, ghita mu da sesebo. Vununa ira noni e deo gedi boka namaha ghini ghu God, ia ta deo gedi finini ghu, dito deo la maneri gedi namaha ghidi ghu ira keha noni ta va hohoghona ka Kraes ira ta finiri maneri.