Luku 11:41 - Ia Foforuna Naiungene

⁴¹ O vanadi ghu ira ta malanga heve ta aura ka giliodi panikeni nira nia disi nira e ghua, ghe go mamalahu kamoto nga.

Luku 11:41 Iomraidhean Croise

Matiu 26:11

Ira noni ta malanga mu, edi au taremehamu tudu ma ghau ghatu, nga ara mu, e deo ga age au taremehamu tudu ghu ghatu.

Matiu 5:42

Neto fangaigho la keha leghutau kaike noni, o vanani lao, nia neto kabai mala riva la kaike noni keha nou leghutau ka birusuna fafata tei, o vanani laona.”

Maki 7:19

Ghano mu eka susugoro lao ghu ka hihingomu nira, nga e haghele leghui ma ia sughaha nia ke kave ma, e ghua.” (Zisas neke kahe kavei ta fatana ka mala mahai leghu ghano nga, ghe neke kahe ghua nga iahi.)

Luku 12:33

O tatabara ghidi ira leghutau ta kuru ghau o tufari ghu ira ta malanga. !E ghua ianimu ghe ge age faa nia au va gima nga ia bokaboka ka ghau ka malauo God fate! Vununa ira mala sute rongo ka malauo God fate mu, edika reku ghu. Aianimu ta au va gimara ira bokaboka ka ghau, ka ia ta deo ge boka sikori ghu noni, nia ta deo ge boka ngovalari ghu fufu, e ghua.

Luku 16:9

A va kahe ghini ghau ghu ara ta hiorira ira hagete ka ghau ka malau iahi peka, mala toka ghidira ira keha noni, nia mala rivai baerena, e ghua. Mala ka ia age nogha maneri, e age auigho malau ghu ka malauo God fate.

Luku 18:22

Ne nomohi ghu iahi Zisas, manei neke kahe ghini lao, “Kaike leghutauni no deona nga go riva ghini ghu agho. O la tatabara ghidi ira leghu nou ta taghori nga, o tufari ghu ira rongodi ka ira ta kuma, ghe go age auigho taghotagho nga ka malauo God fate. Meha tuna go leghuau ghu ara, e ghua.”

Luku 19:8

Ghe Zakiusi neke tetu vona, ghe neke kahe ghua nga iahi ka ia Lod, “Lod, ara a fotai ia taghotagho ka ara ghatu, a vanadi ghu ira ta kuma. Nia nato ke hio takisi va fuludu lao la seborira ira noni, ara a ke vanadi leghu rodana fafata tehi fuludu laorina nake hio tadiro.”

Ira Riva 10:15

Ianimu tuna ghe neke kahe ghuani nga iahi ka manei ia leo, “Ira leghutau di kalasa nia veha mo mahairira to ghua ghidi la God, di sota nia beana, oka ke ghua ghidi ghu agho.”

Ira Riva 11:29

Ira noni ta va hohoghona aianihi Anitioko, dike nonogele ghini ta mala varighara ghidira ira sopai nodi toka ta leghuri ira boka ka maneri, ta mala vanadi laora ghu ira taremehadi noni ta leghui Zisas aianihi Zudia.

Ira Riva 24:17

“Leghudi ira tehi komuhu nake kave kainio ara Zerusalemu, ara nake leghu lao aianimu hio lao rongona ka ira Ziu ta kuma nia la rivai veala laona ka God, e ghua.

2 Koriniti 8:12

Vununa noto puina lao hihingomu la ghau ta tufana ka ira heve ta kuru ghau, e deo ge tongovona ghu mu ta tufa va tehina ghau, vununa God e kabai ghini ghau ma ta tufana ghau ka heve ia ta kuru ghau lama, eka ghua ghu ka heve ia ta deo ghau.

Efesasi 4:28

Noto ke fani sisiko la agho, oto nodo sisikona. O au hohoghou ka ia doliu, o riva va gigima e mala kuruigho ghu keha leghutau mala tufari ghedira ira keha noni ta malanga dudumana.

Taetusi 1:15

Ka heiri ta kalasa ira hihingodi ka kenuna God mu, e deo ghano ta zeana mahainina. Nga ka heiri ira noni ta muko ta deo gedi va hohoghona ghu ka Zisas mu, e deo heve ka ira ta riva ghidi maneri ta vehana. Ira nganganadi maneri mu edi sota tudu ma nia maneri edika haghava ghedi ghu dito riva ghidi la ira leghutau ta muko, e ghua.

Hiburu 13:16

Oka ngana kai ghu ta riva va vehana, nia ta vari tokaina e ghua, vununa ira veala taghe iranimu ta ghua lamu ta va manemane ghidira God.

Hiburu 6:10

God e riva ghini tudu ma heve ia ta lotoro. Manei e deo ge age ngana kaini ghu ia riva ka ghau nia ia namaha noto ke va podolo vananio ka ia toka ghidi ira keha noni ta va hohoghona, taghe ta riva ghini ma ta au nia ghu ghau.

Zemesi 1:27

Kiloau ta kalasa nia lotoro ta veha vananina God ia Mama mu: ia ta hio suteri ghita ira rekaha ta deo nodi mama nodi uke nia ira fotati ta lemekai e ghua ka ira mamarutana ta dufuri maneri, nia ka va malumi ghu malau iahi peka ta va mukoighona, e ghua.