Luku 11:22 - Ia Foforuna Naiungene

²² Nga neto meha paufi la ka magara kaike mane ta gigima fuludu laoni, manei e age hio ghahe tana haro ira vahina leghutau mala magara nga neke rangerangeriro manei, nia la tufa ghidi haro tuna heve neke sikoriro, e ghua.

Luku 11:22 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Luku 11:21

“Ia mane ta gigima neto va vonari la ira nona mala magara neto kagara ghini ghu ia nona malau, ira vahina leghutau nga aianimu e deo ta age geretena.

Luku 11:23

“Hei ia taka au ghu ka ara mo mu, ne huhau ara, nia hei ia taka toka ghinagu ghu ara varighara ghidira ira sipisipi, ge toraina riva huhau ghu ara, e ghua.

Efesasi 6:11

O va vonari ghau ira leghu mala magara ta vanamu nga God, o boka tetu va gima ghu taga tetuina ia Faghinadi ira nazahi ka ira leghu sekesekei nga manei.

Efesasi 6:13

O va vonari ghu ira leghu mala magara ta vanamu nga God ghatunaina, mala neto la meha la ka hae fafata ia muko, o boka age kagara ghini ghau mo ghu taghomughi. Mala ka ia leghuna ia magara, ghau o boka age tetu va gima soni ngama.

Kolosi 2:15

Nia aianimu lamu neke age paufina Kraes, ia mana nia kopu ka ira nazahi. God neke va haghavari ka kenudi ira noni, ka ia meha paufuri maneri ka ia hekefalahata Kraes.

1 Zone 3:8

Hei noni ta rivai sasake ma ta au ghu mu, e nona ia Faghinadi ira nazahi, vununa ia Faghinadi ira nazahi mu, neto ke rivai sasake ka ia torai tatanigainani. Ghe ia Tuuna God mu neke meha mala huarari riva irahi ka ia Faghinadi ira nazahi.

1 Zone 4:4

Nga ghau ira nogu rekaha mu nona noni God. Ghau noto ke sokei ghu ia va kakahe ka ira ta vari va kakahei sesebo, vununa ia Tarunga ta Maduana ne au ka giliomu ghau. Nia ia Tarunga ta Maduana mu e mana fuludu laoi Satana ia ta kopuna ghidi ira noni ta deo gedi avohi ghu God ka malau iahi peka.