Luku 11:2 - Ia Foforuna Naiungene

² “E ghua iahi noto tarai la,” neke ghua Zisas. “Mama, maduana ia babaolou. Ia nou ravutu e meha.

Luku 11:2 Iomraidhean Croise

Matiu 10:32

“Hei neto kahe kavei la ka ira noni, ta noguna ara mu manei, ara a age kahe kavei haroma ka nogu Mama ka malaunao fate, ta noguna ara noni ianimu.

Matiu 3:2

“Taghuru kairi ira sasakemu o fihiki lao ghu ka God, vununa ia Ravutu ka ia malau God fate to namo.”

Matiu 5:16

Taghe iala o ghua ghu molamo ghau, o va pelara kaveri ghu ira nomu fegala ka kenudi ira noni, edi mala age finiri ghu maneri ira nomu riva ta veha, edi helahela ghini ghu nomu Mama ka malaunao fate.

Luku 11:1

Kaike ravata Zisas neke la tarai ka kaike malauo. Leghuna ia tarai manei, kaike ghu ka ira nona mane ta nonofoi neke la kahe ghua iahi ka manei, “Lod, o va kakahe ghini ghai tarai ko, taghe neke ghuao la Zone neke va kakahe ghidiro ira nona mane ta nonofoi,” neke ghua ghini.

Romu 1:7

Ka ghau haroharo aiamuhu Romu ta namaha ghini ghau God, ta kudo ghau ghu ta mala nona nonina taghonai: Ara na tarai fangai God ia noda Mama nia ia Lod Zisas Kraes e vanamu ghu ia varisute ta va meha kakatoi nia bule.

Romu 8:15

Vununa ghau e deo goke hioi ghu kaike tarunga taghe kaike noni mala varituhu ta mamaghu ia ta ghua ghini ghau, nga noke hioi ia Tarunga ta Maduana no meha nona rekaha ghu ghau God, ka ia ta kudo ghua age iahi ghita ka manei, “!Mama, nogu Mama!” ta ghuana.

1 Koriniti 1:3

Ara na tarai fangai God ia noda Mama nia ia Lod Zisas Kraes e vanamu ghu ia varisute ta va meha kakatoi nia bule.

2 Koriniti 1:2

Ara na tarai fangai God ia noda Mama nia ia Lod Zisas Kraes e vanamu ghu ia varisute ta va meha kakatoi nia bule.

Galesia 1:4

Kraes neke nomohi God ia noda Mama neke vanada ghu taghonai taghe kaike veala maladira ira sasake ka ghita, mala hio va doli ghitana ka ira nganganadi nia puhidi ta muko ira noni ka malau iahi peka.

Efesasi 1:2

Ara na verevere fangai God ia noda Mama nia ia Lod Zisas Kraes mala vanamuna ia bule nia ia varisute ta vanada kakato.

Filipae 1:2

Ara na tarai fangai God ia noda Mama nia ia Lod Zisas Kraes e vanamu ghu ia varisute ta va meha kakatoi nia bule.

Filipae 4:20

Ghita da helahela ghini tudu ma God ia noda Mama. Amen.

Kolosi 1:2

Leta iahi mu e lao ka ira nona noni beana God ka ia malau leghaha aianihi Kolosi, ka ira tahida ta torai hohoghona ta leghui Kraes. Ara na tarai fangai God ia noda Mama nia ia Lod Zisas Kraes e vanamu ghu ia varisute ta va meha kakatoi nia bule.

1 Tesalonaeka 1:1

Leta iahi mu nake kangavi ara Polo, taremehadi Saelasi ghe Timoti, Vanamu ghau ira noni kiloau aiamuhu Tesalonaeka, ta nona noni haro God ia noda Mama, nia ia noda Lod Zisas Kraes, e ghua. Ghai na tarai fangai ghu God ta vanamuna ia nona varisute ta va meha kakatoi nia ia bule.

1 Tesalonaeka 1:3

Ka ira nomai tarai fanga ka God ia Mama ghini ghauna ghau, ghai na nganai ia nomu riva ta hohoghona, nia ia ghaghahena nomu riva ka ia namaha ghidi ira keha noni, e ghua. Nia ghai na nganai haro molamo ghini ia tetu va gima ka ghau ka giliodi ira ngovangovala ghau, vununa ka ia toraina va hohoghonai ghau ia leghu meha ka ia noda Lod Zisas Kraes.

2 Tesalonaeka 2:16

God ia noda Mama ne namaha ghini ghita, neke vanada ghu ia va kakapoto nia ia rangerange ta namanama ta au toghunai, vununa manei neke vanada kakato ia nona varisute.

Podolo Kave 11:15

Ianimu tuna ghe, neke ufui nga ia nona kufili ia va vituna engizeli, nake nomohori ghu ara ira leo ta faa ka malauo God fate ngengene ghuana iahi: “Ira vahina leghutau nga ka malau iahi peka, edi age au ka pekana ia kopu ia Lod God, nia ia Mesaea ka manei, edi age tetu kopu toghunai ghu,” dike ghua.

Podolo Kave 15:4

Lod leghu noni nga edi age va vonavonaigho nia va varangigho, Vununa agho lama ta maduanana. Ira leghu soloso nga edi meha va totoana ka kenuu agho, vununa ira riva ta lotoro ka agho toke va podolori.”

Podolo Kave 19:6

Ianimu tuna ghe, nake nomohi nga ara kaike leghutau taghe kudona kaike leghahai varigharana noni, ba, taghe ghoghoghona ketuhu mafara nia taghe sorukaikedi saduru ta ghuana, kudo ghuana iahi, “!Helahela ghini ia Lod! Vununa ia noda Lod God Torai Mana e kopu.

Podolo Kave 20:4

Ianimu tuna ghe, nake finiri nga ira nonohe ginitaukela, nake finiri ghu ira neke vanadi mana mala varifateo God nohedira aianimu. Nia ara nake finiri haro ira tarungadi ira noni dike kodaka kairiro ira paudi, vununa maneri dike tuturi ghidi ira leghutau ta hohoghona ghini Zisas nia ghini ia saorona God, e ghua. Maneri deo gedi ke va totoana ghini ghu ia va vuha ta mamaghuana, ba ia nguzunguzuna, nia maneri deo gedi ke hioi ghu ia zago va ghila ka manei ka ira raedi ba ka ira kamedi. Maneri dike doli leghu haroharo, dike tetu kopu taremehana ghu Kraes ka giliona kaike togha komuhu.