Luku 11:13 - Ia Foforuna Naiungene

¹³ Ghau ira noni ta muko noto avohoa ghini la vanadi leghutau ta vehana ira nomu rekaha, ge heve soni mu nomu Mama ka malaunao fate, ta vanadina heiri ira ta fangai ia Tarunga Ta Maduana.”

Luku 11:13 Iomraidhean Croise

Tatanigaina 8:21

Ia hurangina ia veala neke veha vanani Iahova, neke kahe ghua ghu iahi ka taghonai, “E deo kalasukai ke age nakaininani ara ia kava ka pekana tibiri, vununa ka ira heve leghutau ta riva ghidi ira noni, geta avohi ghu ara ka ia fafata ta foforu nga maneri tadi mukona ira nganganadi. E deo kalasukai ke age va eongorirani ara leghu va vuha dolidi nga, taghe ta riva ghini iahi ara ghatunaina.

Matiu 5:16

Taghe iala o ghua ghu molamo ghau, o va pelara kaveri ghu ira nomu fegala ka kenudi ira noni, edi mala age finiri ghu maneri ira nomu riva ta veha, edi helahela ghini ghu nomu Mama ka malaunao fate.

Matiu 5:45

O ghua ianimu ghe, go age va podoli nga ta torai nona rekahana nomu Mama ka malaunao fate. Vununa manei ne va pelara vanadi lao ia nona taunu ka ira ta muko ghe, ta veha ghu, nia vanadi nanare ira ta lotoro nia ira ta ka lotoro ghu, e ghua.

Matiu 6:14

Noto kai hazari la ghau ira sasake ka heiri dike va muko ghauro, nomu Mama ka malaunao fate e age kai hazari molamo ira sasake ka ghau.

Matiu 6:30

?Neto ghua la ianimu God ragoso va veveharira ka havoro ira galahedi kava ta sesehuri, ira ta au lao ma ka ravata iahi nia ke saligari ma tuna fugho ka ia ligoso ira ta ghua, ge heve soni mu ia kopu ka manei ghini ghauna ghau? !Ka rekahanara ia va hohoghona ka ghau!

Matiu 6:32

Vununa ira noni ta deo gedi avohi ghu God mu, ta toraina hangapuaha ghidi tudura leghutau irahi. Nomu Mama ka malaunao fate to kusu avohi ta malanga ghidira ghau leghutau irahi.

Matiu 7:11

Ghau ira ta muko noto boka tufari ghedi leghutau ta namanama la ira nomu rekaha, ge heve soni mu nomu Mama ka malaunao fate, tufari leghutau ta namanamana ira ta fangai manei.

Luku 11:12

?Ba dito fanga ghedi tediri la, ta vanadi nona uke tetehina? !Toraina deo hohoghona!

Luku 11:2

“E ghua iahi noto tarai la,” neke ghua Zisas. “Mama, maduana ia babaolou. Ia nou ravutu e meha.

Luku 18:7

?Ka ia nganganamu ghau mu e heve; God e deo ge boka vanadi ghu ia totonuna ira nona noni faetaidi ta fangai manei redu ravata, no ghua? ?Heve, manei e age mamahuge toka ghidira ghatu, no ghua?

Zone 4:10

Zisas neke ungene tughui, “Goke avohi lama agho heve mu ta vanadina God ira noni, nia hei mu ta fangaigho ketuhu ini e ghua, geala agho oto ke fangau ara ato ke vananigho ketuhu ta vananigho doli ghu.”

Ira Riva 2:38

Pita neke ungene tughuri, “Ghau haroharo o toraina taghuru kairi ira sasakemu nia o seselebeana ka ia babaolona Zisas Kraes mala kai hazadira ira muko ka ghau, e ghua. Ianimu tuna ghe go hioi nga ghau mu ia Tarunga Ta Maduana, ia kaikadolo sipana ka God.

Romu 5:17

Vununa ia mana ka ia leme neto tetu kopu la ka kaike mane ianimu ka ia sasakena ia kaike mane, e faa laoni mu ia varisute ta va meha kakatoi God nia ia nona kaikadolona au va lotoro, vununa heiri haroharo ta hioi ianimu edi age tetu kopu ka doli iahi ka ia kaike mane Zisas Kraes.

Romu 7:18

Ara na avohi ghu ta deona kaike veha ghu ta auna ka giliogu ara, ianimu ghu mu ka ira puhigu noni ta sasake ara. Vununa ia lao hihingo ta mala riva ghinina heve ia ta veha ne au mo ka ara, nga ia gigima ta mala la riva ghini mu ne deona.

Romu 8:32

Manei neke deo ghe ge posi leghui ghu ia Tuuna, nga neke va malumi ta mala veala vanadana ghita. Neto ke riva ghini la ianimu manei, da avohi ghu ghita ta age vanadana manei ghatu vahina leghutau ta veha nga.

Taetusi 3:3

Kaike fafata, ghita dake kingo molamo deona gada ke ungene nonomoho ghu ka God. Ghita dake va hohoghonari ira sesebo, dake riva ghidi tudu ghu ira vahina kokolodi leghutau ta muko nga to age paufu ghita ghu ira dake hagalai riva ghidiro, nia va ghazaghaza ghidiro riva ghidira, e ghua. Ira doli ka ghita dike foudui muko nia konokono e ghua. Ira noni dike kikipana ghini ghita nia ghita gada ke kikipana ghidi ghu maneri dake ghua.