Luku 10:7 - Ia Foforuna Naiungene

⁷ Ka ia la hagheli ghau kaike malau fafaana, oka la rizu lao meha ghu ka leghu suga nga. O au ma, o la mahai ketuhu ghu ka kaike suga mo. Oka ngana palupalu ghu hio tadira heve mahai ta vanamuna maneri, vununa ira noni ta riva mu, edi hiori tudu ma ira tabaradi.

Luku 10:7 Iomraidhean Croise

Maki 6:10

“Noto la haghele la ghau ka kaike malau, o la au ma ka kaike suga mo o vuhai ke ghahe ghu,” neke ghua ghidi.

Luku 10:6

Dito auri bule la ira noni ta au ka suga ianimu, va beana iahi e au hinae ka maneri. Nga dito deori la bule namaha maneri, va beana iahi e ke leghu age ka taghomu.

Luku 9:4

“Noto la haghele la ka ira leghu rekahadi malau nga, o la au ma ka ia suga ta malumu hio ghauna.

Ira Riva 16:15

Leghuna hioi ia seselebeana manei nia ira keha noni haroharo ka ia sugana e ghua, manei neke fanga ghai ta la au taremehadira ka sugadi ani, kahe ghuana iahi, “Noto nganai la ghau nato va hohoghona mamu ara ka ia Lod, ta ghuana, o meha o au ghu ka sugagu ini,” neke ghua ghidi. Manei neke toraina fanga va gigima ghai ghu ta la au taremehanana, nake lao ghu ghai.

Ira Riva 16:34

Ianimu tuna ghe neke hio laori nga manei Polo ghe Saelasi ka ia sugana taghonai, neke la va tana vanadi ghu keha ghano mala mahaina ka maneri palu. Taghonai nia ia suga kamoto ka manei e ghua, dike age toraina va ghazaghaza ghu, vununa maneri haroharo dike to va hohoghona ka God.

Ira Riva 16:40

Ianimu tuna ghe, dike leghu nga Polo ghe Saelasi ka ia sugana Lidia, ka dike la finiriro ira ta va hohoghona, dike la va gigimari ghu kaike fafatani, ghe dike ghahe kairi nga.

Galesia 6:6

Heiri ira ta hio ungene babatu ka ia saorona God mu, geala edi toka tufari ghedira ira noni ta rivai ungene babatu.

1 Timoti 5:13

Kehanani e ghua, maneri edi age namaha ghini ia toali nia ia liloho lao meha ka ira leghu suga nga, e ghua. Eka ghua ghu ma irahi, maneri haro edi turituri noni nia taghodi ma ta avohorira vahina leghutau nga edi la ghua haroma ka ira nodi riva ira keha noni, kaherira ira leghutau taka mala kaheri ghu maneri.

2 Timoti 2:6

Ira noni ponogara ta riva ngazuluai lamu, ta kusu hio vehadira ka ira fuadi ira nodi rigete.