Luku 10:42 - Ia Foforuna Naiungene

⁴² Kaike leghutau mo mu ta toraina tongovona fuluduna, ta mala ngana hetaina agho. Mere mo mu ne faetina leghutau ta lotoro ianimu, ia ta deo ga age hio kai tana ghu ara manei.”

Luku 10:42 Iomraidhean Croise

Maki 8:36

?Heve ghu mu veha ta age hioina agho, noto hiori la vahina leghutau nga ka malau kamoto iahi peka, ghe siana ghini tuna ia doli ta au toghunai, ta ghuana?

Luku 10:39

Mere ia tahina ghase manei, neke nohe kenuna mo ia Lod nonomoho nonana ka ira vari va kakahei manei.

Luku 11:1

Kaike ravata Zisas neke la tarai ka kaike malauo. Leghuna ia tarai manei, kaike ghu ka ira nona mane ta nonofoi neke la kahe ghua iahi ka manei, “Lod, o va kakahe ghini ghai tarai ko, taghe neke ghuao la Zone neke va kakahe ghidiro ira nona mane ta nonofoi,” neke ghua ghini.

Luku 12:20

“Ghe God neke va kahe ghini ghua iahi, ‘!Ta kaputu agho! Ghatunaina ka redu iahi lama oto leme ghu agho. ?Ianimu tuna ghe ge age taghori nga hei tuna mu, vahina leghutau irahi nga, noke sute vananighoro taghou?’

Luku 12:33

O tatabara ghidi ira leghutau ta kuru ghau o tufari ghu ira ta malanga. !E ghua ianimu ghe ge age faa nia au va gima nga ia bokaboka ka ghau ka malauo God fate! Vununa ira mala sute rongo ka malauo God fate mu, edika reku ghu. Aianimu ta au va gimara ira bokaboka ka ghau, ka ia ta deo ge boka sikori ghu noni, nia ta deo ge boka ngovalari ghu fufu, e ghua.

Luku 16:2

Tetu tuna ia mane ta taghotagho ge kudoi ghu ia nona maneriva kenuna, neke ghua. ‘?Heve mo mu ta nomoho ghinigho ini ara? Pata ghidi va veha meha ira kakangavadi ira nogu rongo, vununa agho to deo ke boka nogu maneriva kenunana ara.’

Luku 16:25

“Ghe Ebarahamu neke va kahe ghini lao, ‘Tuugu Maneo, o ke ngana laoina agho ka ia fafata doliu. Agho noke au gheu va veha, Lazarusi tuna ge deo ghu neke ghua. Ghe ghatunaina mu Lazarusi neto meha au ghena va manemane aiahi, agho tuna go au ghu ka ia vavahagala e ghua.

Luku 18:22

Ne nomohi ghu iahi Zisas, manei neke kahe ghini lao, “Kaike leghutauni no deona nga go riva ghini ghu agho. O la tatabara ghidi ira leghu nou ta taghori nga, o tufari ghu ira rongodi ka ira ta kuma, ghe go age auigho taghotagho nga ka malauo God fate. Meha tuna go leghuau ghu ara, e ghua.”

Luku 8:18

O toraina va fafahaka va veha ghu, ka heve ta nomohorira ghau. Ka ira noni ta tobehe hioina nogu vari va kakahei ini mu, e faa laoni ia avoavoho ta vanadi laona ghatu. Nga ka ira noni taka va melongo ghu mu, geta ghua ghu ira heve teri di kururi ira ta ghua maneri ghe, God e age hio kai tadi.”

Zone 11:1

Kaike mane babaolonana Lazarusi neke fogari. Manei neke au taremehadi Mere ghe Mata ira tahina ghase taghonai, ka ia rekahana malau Betani.

Zone 11:19

tehi noni Ziuni dike laora ghu aianimu mala la holara au muko hihingo taremehadira Mata ghe Mere ghinina ia tahidi mane Lazarusi neke leme ghenao.

Zone 12:3

Hioi tuna Mere kaike fotana lita sedi ta toraina vona tabarana ta riva ghini ka heke nadi kakato, ge va oranga ghini lao ghu ka ira ghahena Zisas neke ghua. Ianimu tuna ghe neke guranga va karangori nga ka ira kalana taghonai, neke ghua. Ia giliona suga kamoto neke toraina age kugumu ka ia longarana sedi.

Zone 17:3

Fafahakanana doli soduai ta ghua iahi mu, ghini ia ta avohigho agho ia kaikena God ta hohoghona, nia ia ta avohoau ara ia noke tuhu mehauo agho aiahi, e ghua.

Zone 4:14

Nga hei ia ta ketuhi ia ketuhu ta vanani ara mu, e deo kalasu kai ge age parangoso ghu ghatu. Ia ketuhu ta vanani ara mu taghe kaike futu taka nodo ghu ologhonana e ghua ka giliona manei, vananina ia doli soduai.”

Zone 5:24

“A va kahe ghini ghau ghu ia hohoghona, heiri ta nomohori nogu ngengene idi nia ta va hohoghonai God neke tuhu mehauo ara e ghua mu, e aui doli soduai. Maneri mu e deo ge age fateri ghu ghatu ka ira sasake maneri, vununa maneri dito ke kalahui ia leme to hagheli ghu ia doli.

Zone 6:27

Nga ghau geala oka ngana tahuri ghu ira leghutau ta age nogha taghe ia ghano. Nga o voriti ghini haduina ia doli soduai ta boka vanamu ara, ia Tuuna Noni. Vununa God ia Mama ne vanagu mana ara mala riva ghinina ianimu.”

1 Koriniti 13:3

Nato vanadi la ara ira ta kuma ira leghu ta taghori nga ara nia nato va malumi haro la ghe tiniguini ka ira ta kana ghinagu ta mala saligaina, ghe nato deo au la namaha, e deo ta hioina ara ka ianimu.

Galesia 5:6

Dato parekete taremehana la ghita Kraes, e deo ma heve ta hazana mu, ka ia ta hioi ia papahe va ghilaghila ghe, ta deona ghu gada papahe va ghilaghila ghu. Heve ta torai tongovonana mu, ia noda va hohoghona ta va podoli ia namaha lama.