Luku 10:3 - Ia Foforuna Naiungene

³ !O ghahe ghu ghau! Ghe o ngana avohi va ghahe ghau ini ara mu, taghe sipisipi ta tuhu laori ka ira hoataidi ira wulufu, e ghua.

Luku 10:3 Iomraidhean Croise

Matiu 10:16

!Nonomoho ko! Ara na tuhu kave ghau lao taghe ira sipisipi ka hoataidi ira wulufu. O banabana taghe ira adogho nia au taghe ira babahulu bora taka lelemeana ghu, o ghua.

Matiu 10:22

Leghu noni nga edi age kikipana ghini ghau ghatu vununa ghau no riva vanagu ara. Ghe hei ia ta au va gima ta dufu ghu ka ia va nonoghana mu, God e age hio va dolini ghatu.

Matiu 7:15

“O balau ghidi ira porofeti ta sesebo; maneri edi la meha taghe sipisipi edi ghua ka ghau, ghe ka giliodi maneri mu taghe ira wulufu ta lelemeana edi toraina ghua ma.

Luku 10:4

Oka hio taremehamu rongo ghu, mogoha nanapisi ghu, nia oka hio sadolo ghu, e ghua. Oka nodo ghu go ungene vehai ghu hei noni ta dufuina ka hangana ari.

Zone 10:12

Ia mane ta rivai tabara mu, e haza ka ia mane ta tagho sipisipi ta kopunai ghidi torai taghonai. Neto finini la manei ia wulufu mehanana, maneriva iahi, e pelo kairi ira sipisipi, e nai kakaikeri ghu leghu. La meha tuna ia wulufu, ge rapata va pirarari ghu, e ghua.

Zone 15:20

O ngana avohori ira ngengene nake va kahe ghini ghauro ara, ‘Ira noni mala varituhu mu eka varanga fuludi ghu ia nona faghina,’ nake ghuao. Dito ke ngovalau la ara ia faghinamu, maneri edi age ngovala ghau molamo ghau ghatu. Nia dito ke leghuri la maneri ira vari va kakahei ka ara ia faghinamu, maneri edi age leghuri haro molamo ira tau ka ghau.

Zone 16:2

Maneri ghatu edi age nakai kave ghau ka ira suga mala varighara ira Ziu, nia ia fafata e la meha mo ghatu ta age atungu ghauna ira noni, ta age nganai ghu maneri di riva vanani God, ta ghuana.

Ira Riva 20:29

Leghuna ghahe kai ghau ara, ara na avohi mo ta age haghele mehana ka hoatamu ghau, ira ta vari va kakahei ta sesebo, va sisiva ngovalarira ira nona noni God, taghe ta ghua ira wulufu ta lelemeana, ta rapati kaike totopa sipisipi.

Ira Riva 9:16

Ara ta va podolo vananina ghatu taghe niha ghu ta toraina mala age vavahagala vanaguna manei ghatu.”

Ira Riva 9:2

ge la fangari ghu ira leta ta mala hio laori ka ira ta babatu ka ira suga mala varighara ira Ziu, ka ia malau leghaha Damasikasi, neke ghua. Leta iranimu neke vanani mana Solo, mala neto la finiri la keha mane, ba ghase ta leghuina ia Lod, manei e boka sakomo hio leghu laori mo Zerusalemu, e la nakairi ghu ka pipiliga aianimu.