Luku 10:22 - Ia Foforuna Naiungene

²² “Nogu Mama to vanagu ara ia gigima mala mana kaputurira vahina leghutau nga. E deo hei ta torai avohina mu ia Tuuna, nga ia Mama lama. Nia e deo hei ta torai avohina mu ia Mama, nga ia Tuuna nia heiri ira ta faeteri ia Tuuna mala va podolina God ka maneri, e ghua lama.”

Luku 10:22 Iomraidhean Croise

Matiu 11:25

Ianimu tuna ghe neke tarai ghua nga iahi Zisas ka fafata ianimu: “Mama, agho ia Lod kakaputuna ia kolanga fate nia malau iahi peka, ara na kudo vehaigho agho vununa agho noke va podolo vanadi ira tare noni ghedi mo, ira leghutau noke va poika ghidiro ira noni ta auri vahina kokolodi avoavoho nga.

Matiu 11:27

“Nogu Mama neto vanagu meha ara vahina mana nga nia avoavoho nga e ghua. E deo ghu hei ta torai avohina mu ia Tuuna, nga ia Mama lama, nia e deo haro hei ta torai avohina ia Mama e ghua, nga ia Tuuna nia heiri neke faeteriro ia Tuuna mala avohina ia Mama, e ghua lama.”

Matiu 28:18

Ghahe namo lao tuna ge va kahe ghidi ghu neke ghua Zisas, “Leghu mana nga ka malauo God fate nia ka malau iahi peka e ghua mu, to ke vanagu ara.

Zone 1:18

E deo nga hei neto ke fini fatina mu God. Ia kaikena Tuuna ia ta torai God haro taghona nia ia ta torai namo ka ia Mama e ghua lama neto ke va podolo vanadana God.

Zone 10:15

taghe nogu Mama la ta avohoau ini ara, nia ara ta avohi ini nogu Mama, e ghua. Ara mu na ohoꞌoho ghu ta leme vanadina ira nogu sipisipi.

Zone 13:3

Zisas neke avohi ia Mama neke to vananina ia mana mala kopu ghidira vahina leghutau nga, nia manei neke avohi haro molamo neke to sipa mehana ka God taghonai, nia take mala leghu laona manei ka God, e ghua.

Zone 17:10

Ira leghu noni ta taghori nga ara mu nou agho, nia ira leghu noni ta taghori nga agho mu nogu ara. Ia varanga ka ara mu, e podolo ghu ka maneri.

Zone 17:2

Taghe noke vanaguo la ia mana mala kopu ka fatedi leghu noni nga a ghua, a boka ghu molamo ara ta vanadi doli soduaina, heiri haroharo noke vanaguo agho.

Zone 17:26

Ara nato ke va podoligho agho ka maneri, nia age riva ghini ma a lao ghu ianimu ghatu e ghua, mala ia namaha ka agho malagu ara e boka au ghu ka maneri, nia mala taghogu haro molamo a boka au ghu ka maneri, e ghua.”

Zone 17:5

Nia ghatunaina tuna Mama, oke vanagu mehani ia varanga, ia varanga dake vari tufa ghinio, ghe neke va vuhaio nga malau iahi peka.

Zone 3:35

Ia Mama ne namaha ghini ia Tuuna, neto ke nai laori ghu vahina leghutau nga ka ira kamena manei.

1 Koriniti 15:24

Leghuna ianimu e la meha ia va nonoghana, ka ia va kadolo vanani lao manei God ia Mama ia ravutu, leghuna paufuri manei ira leghu engizeli ta muko nga nia tarunga ta muko nga nia ira leghu ta kururi mana mala kopu nga, e ghua.

2 Koriniti 4:6

Ka ia va vuhai malau iahi peka God, manei neke kahei, “Va pelara kavei ia fegala ka giliona ia nagoromo,” neke ghua. Nia ghatunaina God ne va rivai ia nona fegala ta mala pelara haghelena ka ira hihingoda ghita, e mala vanada ghu ia avoavohona ia pelarana varanga ka God ia ta finini ghita ka ia hihilina Zisas Kraes.

Efesasi 1:21

Kraes ka malauo God fate, e mana kaputuri ira engizeli nia ira nazahi ta muko nia ira vahina kokolodi mana nga, e ghua. Nia ia babaolona manei tuna ge toraina tongovona fuludu laori ghu ira babaolodi heiri haroharo ira ta auri mana, e ghua. Iahi mu e hohoghona ghatunaina nia e age hohoghona toghunai, e ghua.

Hiburu 2:8

nia agho noke nakairi vahina leghutau nga ka pekana ia mana manei.” Ka ia nakairi vahina leghutau nga ka pekana ia mana manei, e deo kaike leghutau ghu neke nakai kaveina God. Ghe ghatunaina ghita e deo nga gada finiri ghu vahina leghutau nga ta auna ka pekana ia mana hei noni.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.

2 Zone 1:9

Hei neto nanakai nona lao ngangana la taghonai, neto ghahe kaini ghu ia vari va kakahei ka Kraes, manei e deo ge age au parekete taremehana ghu God. Nga neto posi va gima la manei ka heve neke va kakahe ghinio, manei e age au parekete taremehana ghatu ia Mama nia ia Tuuna, e ghua.