Luku 10:21 - Ia Foforuna Naiungene

²¹ Ka fafata ianimu, Zisas neke toraina va ghazaghaza fuludu ka ia Tarunga Ta Maduana, neke kahe ghua ghu iahi, “Mama, Agho ia Lod ka nou malauo fate nia ka malau iahi peka, ara na kudo vehaigho ta poikaina agho ia hohoghona ka ira noni ta va varangari taghodi ka ia avoavoho, ta va podolo vanadina ghu ira noni ta au taghe rekaha ira ta ghua. Uve Mama, riva ghua ghinina iahi mo, ne veha vananighona agho.

Luku 10:21 Iomraidhean Croise

Matiu 16:17

“Ka beana gheura agho Saemoni, ia tuunamane Zona,” neke ghua Zisas, “vununa iahi mu, e deo geke va podolo vananigho ghu ia noni, nga neke va podolo vananigho nogu Mama ka malaunao fate.

Matiu 21:16

Notohi tuna Zisas dike ghua, “?No nomohi mo agho heve dike kaherira rekaha irahi?” dike ghua. “Uve,” neke ghua Zisas. “?E deo ngama go izumi ghu ghau mu ia Kakangava ta Maduana ta kahe ghua iahi? ‘Agho noto ke va kakahe ghidi ira rekaha nia ira rekaha gogoso, ta helahela ghinighona,’ ” ia ta ghua.

Matiu 3:7

Ghe ne finiri ghu manei laodira ira tehi noni ka ia butubutu Farisi nia ka ia butubutu Sadiusi e ghua ta mala la seselebeanana, manei neke kahe ghua iahi, “!Ghau ira toraina tuudi adogho minga! ?Hei neke va kahe ghini ghauna ta boka pelo kainina ia varifate ta la meha ka God?

Maki 10:15

A toraina va kahe ghini ghau ghu ara, hei neto deoi la ia kokolona va hohoghona ta au ka ira rekaha, e deo kalasu kai ge boka age hagheli ghu ia Ravutu ka God.”

Luku 15:5

Ka ia la fini fatiu agho ghatu, agho o va manemane o hure surai ghu ka rafau nira.

Luku 15:9

Ka ia finini manei, manei e age kudori ghatu ira nona baere, nia ira noni ta au namoi e ghua, kahe ghuana iahi ka maneri, ‘Ara na puina va ghaseghase fuludu, vununa nato ke finini ia nogu kunegele neke kakai taguo. !Aria da hilava va ghaseghase va manemane ghu!’ e age ghua.

Zone 11:41

Va pidu laoi tuna ghereme mo ia ghahipa dike ghua. Ianimu tuna ghe neke mato vona nga Zisas ka kolangana fate tarai ghuana iahi, “Mama, ara na kudo vehaigho ta nomohoau ini agho.

2 Koriniti 4:3

Neto poika la ia Nonomoho ta Veha ta tuturi beana ghini ghai ka hei noni, e poika ma ka heiri ira ta leghui ia hangana ta lao ka ia leme fuludai.

Efesasi 1:11

Vahina leghutau nga mu e riva ghidi va hokoto leghuina ia vatovato nia ia ngangana ka God. Manei neke faete ghai ghu, ghai ira noni Ziu, ta mala meha nona nonina taghonai ka ia parekete taremehana Kraes, vununa ka ia ghini ia nona vatovato taghona ia ta va dedeke ka heve neke to va puhinio manei ka ia torai tatanigaina mehani.

Efesasi 1:5

God neke to kusu nai hihingona ta mala meha va nona rekaha ghitana taghonai ka heve neke to riva ghini va noghao Zisas Kraes. Neke riva ghini nga God iahi mu, vununa manei neke veha vanani neke kabai riva ghini ghu.