Luku 10:2 - Ia Foforuna Naiungene

² Va kahe ghidi tuna neke ghua Zisas, “Ira ghano ta mala hio varighara ghidi ka ira galahedi nunuma to puina tehi fuludu, ghe ira maneriva e deo gedi tehi ghu. Tarai fangai ghu ia Lod ta kutadi ghano irahi, e tuhu laori ghu manei keha manerivarani ka ira nona galahedi nunuma.

Luku 10:2 Iomraidhean Croise

Matiu 20:1

“Ia Ravutu ka malauo God fate mu, taghe ia ta kutamai kava neke magali kave fufugho la hadu noni mala rivai tabarao ka ia nona nunuma gerepi, e ghua.

Maki 13:34

“Ia meha ka ia Tuuna Noni mu, taghe ta ghua nia lama ia mane ta ghahe kaini ia malauna, ta lao ghu ka kaike ghaghaheo. Manei neke sopai va kahe ghidi ira nona maneriva heve geala ta mala riva ghidira maneri, nia va kahe ghini tuna ia ta kopui makatana ta kakae ghini tuduna ia leghu meha ka taghonai, neke ghua.

Maki 16:15

Ianimu tuna ghe neke va kahe ghidi nga, “O lao ka ira leghu malau nga ka malau iahi peka, o la tuturi ghini ghu ia Nonomoho Ta Veha ka ira noni haroharo hae ghe hae ghu.

Maki 16:20

Ira mane ta nonofoi dike lao hae ghe hae ghu dike la tuturi beana ghu, au taremehadina ia Lod ka ia Tarunga Ta Maduana, neke va podoli ghu, ta hohoghonana ia nodi nonomoho ka ira hahaima dike riva ghidiro.

Luku 9:1

Kaike ravata Zisas neke kudo varighara ghidi ira tazoi palu nona mane nonomoho, neke vanadi ghu ia gigima nia ia mana, ta mala tavusu kairira leghu nazahi nga, nia ta mala va veha fogarana, e ghua.

Ira Riva 11:19

Ka fafata iahi, ira ta va hohoghona ka ia Lod dike va pirarariro ka giliona ia vari ngovangovala leghuna ia atungi maneri Sitivini, dike ghahe hauai lao ka ia babarana Fonisia, ka ia ghizuna Saeparasi nia ka ia malau leghaha Anitioko e ghua, tuturi ghinina ia nonomohona Zisas ka ira noni Ziu lama.

Ira Riva 13:2

Ka ia fafata va totoana ghini ia Lod nia au filui mahai e ghua mane irahi, ia Tarunga Ta Maduana neke kahe ghua iahi, “O taofiri Banabasi ghe Solo ta mala riva ghinina ia riva nake kudo laorio ara,” neke ghua ghidi.

Ira Riva 13:4

Ka ia va ghaheri ia Tarunga Ta Maduana, Banabasi ghe Solo dike ghahe rauru lao ka ia malau leghaha Seleusia. Sipadina aianimu, maneri palu dike tepetepe dike lao ghu ka ia ghizuna Saeparasi.

Ira Riva 20:28

“O kopu ghini ghau va veha ghu taghomu, nia ira noni ta va hohoghona haroharo taghe sipisipi ira ta ghua e ghua, neke nai vanamu ageo ia Tarunga Ta Maduana mala kopu ghidira ghau. Taghe ira ta kopunai sipisipi la o ghua, noto kopu ghini la ia kiloau ka God, neke tabario ka ia lemena ia tuuna taghonai.

Ira Riva 22:21

“Ghe ia Lod neke kahe ghuani iahi ka ara, ‘!Ghahe kaini Zerusalemu, vununa ara a va ghahe laoigho ghatu varihauni ka ira noni taka Ziu ghu, mala la tuturi ghinaguna ara!’ ”

Ira Riva 8:4

Ghe ira noni ta va hohoghona dike pirararo, dike age tuturi beana ghini ia Nonomoho Ta Veha ghini Zisas hae ghe hae ghu ka dike laoro maneri.

1 Koriniti 12:28

Nia ka giliona ia kiloau mu, God neto ke sopai nakairi ira noni haroharo ka ira riva maneri: ta kenuna ka maneri haroharo mu ira mane nonomoho, leghudi maneri mu ira noni ta kahe kaveri ira nonomoho ta hioi maneri ka God, va litonana ka maneri mu ira noni ta vari va kakahei, nia meha tuna ira ta rivai hahaima, ira ta kururi kaikadolona mana mala va veha fogara, ira ta boka toka ghidi ira keha noni, ira ta kururi kaikadolo mala babatu, nia ira ta ngengene ka ira keha kokolodi ngengene haza.

1 Koriniti 15:10

Ghe ka ia nona varisute ta va meha kakatoi God, na meha kaike mane nonomoho ghu ara, nia ia nona varisute ta vanagu kakato manei neke kuru lighorona, e ghua. Vununa ara nake torai ziifi ka ia riva, fuludurira ira leghu mane nonomoho nga, geta deo ghu ka ia gigima taghogughi nake rivana ara, nga ia nona varisute God ta vanagu kakato neke riva taremehaguna.

2 Koriniti 6:1

Ka ia riva varighara taremehana God ghai, na fanga va gigima ghau ghu ghau ira noto ke hioio ia nona varisute God ta vanada kakato taka pepesana ghinina ghu.

Filipae 2:21

Ira keha leghu noni nga mu, edi rugusi ghidi ma ira ta ngana tahuri taghodi lama, nga e deo mu ka ira heve ta ngana tahuri Zisas Kraes.

Filipae 2:25

Ka nganganagu ini ara, e veha ta ke toraina va leghu vanamu agena ara Epaforodaetasi. Manei mu kaike tahigu mane ta hohoghona ta riva taremehagu ara, nia toraina kaike mane magara ka ia va hohoghona, e ghua. Ka ia fafata hagalai toka ara, ghau noke tuhu mehai manei ka ara, taghe kaike nomu mane mala hio nonomoho, noke ghua ghini.

Filipae 2:30

vununa manei neke bini leme mo ka ia riva vanani Kraes, mala vanaguna ara ia toka, noke deono ghau go boka vanagu ghu.

Kolosi 1:29

Mala va hokotina iahi mu, ara na riva va gigima va ghighiuna ka ia mana leghaha Kraes ta riva ka giliogu ini ara.

Kolosi 4:12

Epafarasi, ia nona noniriva Zisas Kraes ta au ka pukuna nia ghau, ne va ghahe age nona ungene veha haro molamo. Manei e tarai toka ghini ghau va gigima tudu ma, ta mala tetu va gimana ghau, ta kodolo va zeolona ghu ka ia tarunga, nia ta toraina age va hohoghonana ghatu ghidira ira vahina ta kabai ghini ghau nga God ta riva ghidira. Manei ne kabai ghini ghau ghu ta riva ghidira ka ia ungene nonomoho.

1 Tesalonaeka 2:9

?Ghau tahimairo, e deo ma ghe go ngana leghuri ghu ira rigete nake age riva ghidiro ka ia fafata age au taremehamu? Redu ravata ghai nake riva mala hio rongo mala toka ghini ghaina taghomai, e mala deo ghu ga va rugusi ghau ghu ka ia fafata tuturi beana vanamu ia Nonomoho Ta Veha ka God, nake ghua.

1 Tesalonaeka 5:12

Ghau tahimairo, o va vonavonari heiri ira ta babatu ghini ghau ka ia nona riva ia Lod. Maneri di riva va gigima vari hoataimu ghau, kahe ghini ghau va gigimana taka riva ghidira ghu ira ta muko.

2 Tesalonaeka 3:1

Va nonoghanana ghau tahimairo, ghai a fanga ghau ta tarai toka ghini ghaina. O kusu tarai ghini ia nona nonomoho ia Lod, e mala ongaha mamagali ghu, nia edi va vonavonai ghu e ghua hae ghe hae ghu, taghe neke ghuao la ka ghau.

1 Timoti 4:10

Ghita da riva va ngazuluai nia ghorevaha e ghua, edi mala va hohoghonai ghu ia hohoghona ira noni, vununa ia rangerange ka ghita mu e lao ka ia God ta au toghunai, ia Va Doli ka ira noni haroharo, sughavona ghu ka heiri ira ta va hohoghona.

2 Timoti 4:5

Ghe agho o torai au leghu ghinigho taghou ka ira vahina leghutau ta dufu nga. Oka maughini gheu ghu ta vavahagala vananina ia Lod. O riva va gigima mala hio haghelerira ka Kraes ira keha noni. O va hokoti ia riva neke vananighono God.

Filimoni 1:1

Leta iahi mu na kangavi ara Polo. Ara mu na au ghu aiahi ka pipiliga, vununa ka ia tuturi ghini beana ia Nonomoho Ta Veha ghinina Kraes Zisas. Leta iahi mu sipana haroma ka Timoti ia tahida mane ka Kraes. Ghai palu na ungene vehaigho agho Filimoni ia nomai mane baere kenuna ta riva varighara taremehamai ghai palu vanani God.

Hiburu 3:6

Nga Kraes mu neke kaike Tuuna ta riva hohoghona ka fatena ia suga God. Ghita ghu mu sugana ka God dato posi va gima la ka ia noda va hohoghona nia rangerange ghidira ira naiungene ka Kraes ta avohori ghita age hiorira ghatu.

Podolo Kave 2:1

Ia mane neke kahe ghuani iahi, “Agho o kangava laoi leta iahi ka ia engizelina ia suga taraina Efesasi. Iahi mu ia nonomoho ka ia ta posiri ira vitu babaghunu ka ia kame mautuna, ia ta ghaghahe ka vari hoataidi ira vitu leghutau ta golu mala va nohedi zuta: