Luku 1:7 - Ia Foforuna Naiungene

⁷ Palu noni irahi mu, dike deori ghu rekaha, vununa Lisabeti neke sasahaka, nia dike to age ghaghasekusu, mamanekusu ghedi haro molamo, e ghua.

Luku 1:7 Iomraidhean Croise

Tatanigaina 17:17

Ebarahamu neke maimanihi tala hinae ka kavao, ghe neke pagho nga, deona geke va hohoghona ghu. “?E boka nai rekaha mo mu ia mane ta 100 komuhuna? ?E boka mo Sera nai rekahana ka ta 90 komuhuna ini manei?”

Tatanigaina 18:11

Ebarahamu ghe Sera mu dike to puina mamanekusu nia ghaghasekusu neke to fuludi ghu ia komuhu mala nai rekaha mu Sera.

Tatanigaina 25:21

Aesake neke verevere lao ka Iahova mala toka ghinina Rebeka ia ghaseborona, vununa manei neke sasahaka. God Iahova neke nomohi ia verevere ka manei neke meha pote ghu Rebeka ia ghaseborona manei.

Tatanigaina 30:1

Ne finini ghu Reseli neke deona taghona ge nai vanani rekaha ghu Zekopu, manei neke age kakabai ghini ia tahina ghase. Neke kahe ghua ghu iahi manei ka Zekopu, “!Vanagu rekaha, to deo la to veha ma ta leme gheguna!”

Luku 1:5

Ka ia fafata tetu mane ginitaukelana Herodi aianihi Zudia, kaike hiama ka ia butubutu hiama Abiza, babaolonana Zakaraea neke auna aianimu. Lisabeti ia ghaseborona manei mu, neke meha haroma ka ia butubutu hiama Eroni.

Luku 1:6

Zakaraea ghe Lisabeti mu dike noni lotorodi ka ira va fifinina God, dike au banabana ghidi ghu taghodi palu, leghurira ira leghu ungene va gigima nga nia ungene tatangana nga ka ia Lod.

Luku 1:8

Kaike ravata Zakaraea neke riva taghe kaike hiama vanani God ka ia Sugana God, vununa neke to dufu ia fafata mala ke riva leghu ka ia pukuna hiama manei ka kolabana ianimu.

Romu 4:19

Nia ia va hohoghona ka Ebarahamu e deo geke paeke ghu, geta avohi mo ghu manei neke torai mamanekusuna taghonai mala meha kaike mama na ka neke to namo kaike ghobi komuhunao nia ka neke to au sasahakao Sera, e ghua.

Hiburu 11:11

Geta to manekusu mo Ebarahamu, nia Sera geke sasahaka haro ghu dike ghua mo ghe, maneri palu dike boka age nai rekaha mo, vununa Ebarahamu neke va hohoghonai God ta va ghuduvina manei ia nona naiungene.