Luku 1:41 - Ia Foforuna Naiungene

⁴¹ Ne nomohori ghu Lisabeti ira ungene veha ka Mere, ia rekaha ka tianao Lisabeti neke rugata, nia Lisabeti tuna geke to foudi ghu ia Tarunga Ta Maduana, neke ghua.

Luku 1:41 Iomraidhean Croise

Tatanigaina 25:22

Ira palu rekaha ta sua dike vari ghiripai ka tianani manei, neke kahe ghua ghu iahi manei, “?Ne heve ghe ne dufuau nga ara kokolona leghutau iahi?” neke ghua. Manei neke notohi ghu Iahova mala vanani ungene tughuna.

Luku 1:15

vununa manei e puina age varanga ka ia nahalina ia Lod. Manei e toraina deo kalasu kai ge ketuhu waeni ghu, ba hio ketuhu ta gigima ghu. Nia manei e age foudi ia Tarunga Ta Maduana, geta deo nga ge uraha ghu manei.

Luku 1:40

ka neke auno Zakaraea, neke la haghele ghu ka ia suga, la ungene vehaina Lisabeti.

Luku 1:42

Ianimu tuna ghe neke kahe ghua nga iahi Lisabeti ka Mere ka ia leona ta faa, “God neto va beanigho agho fuludurira ira keha fotati nia neto va beani rekaha ta age va urahi nia agho ghatu, e ghua.

Luku 1:44

!Ka ia fafata haghele mehau agho ta ungene vehau ghu ara, tuugu ini ka tiaguna neke rugata ka ia va manemane, ka ia fafata nake torai nomohighono ara leou nia!

Luku 1:67

Zakaraea, ia nona mama Zone, neke foudi ia Tarunga Ta Maduana neke kusu kahe ghua ghu iahi:

Luku 4:1

Ka ia fafata sipana ka ia Ketuhu Zodani ta ke leghu ghu Zisas, manei neke foudi ia Tarunga Ta Maduana. Ia Tarunga neke babatu ghini kave lao manei ka ia malau koroghana ta karango,

Ira Riva 2:4

Maneri haroharo dike auro aianimu, dike fouduri ia Tarunga Ta Maduana dike tatanigai ngengene ghu ka ira sopai kokolodi ngengene, leghuina ia babatu ka ia Tarunga Ta Maduana.

Ira Riva 4:8

Ghe Pita ka ia foudi ia Tarunga Ta Maduana, neke va kahe ghidi lao, “Ghau ira ta babatu nia ira manefaadi ira noni:

Ira Riva 6:3

“Ghau tahiguro, o mato liloho ka vari hoataimu taghomu, o faeteri ghu vitu mane ta toraina va vonavonari ta foudu ka ia Tarunga Ta Maduana nia ta avoavoho, e ghua. Maneri lamu ta age nairira ghai ghatu mala posinina riva iahi ghatu.

Ira Riva 7:55

Ghe Sitivini ka ia foudi ia Tarunga Ta Maduana, neke mato vona ka malauo God fate neke finini ghu ia pelara ta la meha ka God, nia Zisas ta tetuna ka ia kame mautuna God, ka ia malau ta toraina heheluana nia mana.

Ira Riva 9:17

Lao tuna neke ghua Ananaeasi, ge la finini ghu Solo ka ia suga ta au ani manei. Manei ne va fara laori ira kamena ka Solo, ghe neke kahe ghua nga iahi, “Tahigu mane Solo; ia Lod Zisas neke podolo ghinighono agho ka hanganao, neke tuhu au mehana ara, o mala ke vovoho fifini leghu ghu agho, nia va foudighona ka ia Tarunga Ta Maduana, e ghua.”

Efesasi 5:18

Oka ketuhu gogosu la ghu ka waeni, vununa ianimu e toraina age ngovali ia doli ka ghau. Nga o va malumi ia Tarunga Ta Maduana ta va foudu ghauna nia ta babatu ghini ghauna, e ghua.

Podolo Kave 1:10

Ka ia nona Ravata ia Lod, ia Tarunga ta Maduana neke batu ghinagu nake nomohi ghu ara leghugu mo kaike leo ta faa taghe nakelena kaike kufili ta ghua,