Luku 1:20 - Ia Foforuna Naiungene

²⁰ Ghe vununa agho noke deo goke va hohoghonai ghu heve nake kaheio ara, e deo ghu boka age ngengeneuna agho, e vuhai age doli ghu ia rekaha. Vununa ngengene irahi ka ara, edi age ghorevura ka ia toraina fafatana.”

Luku 1:20 Iomraidhean Croise

Maki 16:14

Leghuna iahi, ka ia fafata mahai varighara ta au ghu ira tazoi kaike mane ta nonofoi, Zisas neke la podolo ghidi. Manei neke buruari ka ira nganganadi ta va kioto maneri, vununa dike pake ghedi va hohoghonarira ira noni dike fininio manei, ka leghuna neke to tetuleghuo manei.

Maki 9:19

Kahe ghua ghidi tuna iahi, neke ghua Zisas, “!Ghau noni ta deo ghau va hohoghona! ?Niha nare ta au vanemoho ghinina ara deo va hohoghona iamu ka ghau? O hio mehai ko rekaha mane nia ka ara,” neke ghua ghidi Zisas.

Luku 1:19

Ianimu tuna ghe, neke kahe ghua nga iahi ia engizeli, “!Ara mu Gabereli! Ara a tetu ka kenuna God. Manei lamu neke tuhu mehauna ara, mala hio mehaina ka agho nonomoho ta veha iahi.

Luku 1:21

Ka fafata ianimu, ira hiama dike afa ghinio Zakaraea ke la kave mehanana, dike hadu ghini ngangana heve mo neke la au ghini soduaina manei ka ia ringifota ta maduana ta mala saliga inisenisi ka giliona ia Sugana God.

Luku 1:22

Ka ia la kave mehana, manei neke to deo ge boka ngengeneri ghu maneri. Ka neke ngengene kame laono manei ghe, dike ngana avohi nga tuna maneri neke la finini manei kaike hahaima ka ia ringifota ta maduana ta mala saliga inisenisi, ta ghuana.

Luku 1:45

Agho no au ka ia va beana manei, vununa agho noke va hohoghonai ta va ghorevurarira ia Lod, heve neke kaheriro.”

Luku 1:64

Ka fafata ianimu lama neto ke boka ngengene leghu ghu Zakaraea, neke tatanigai helahela ghini ghu God.

Romu 3:3

E hohoghona mu dike naiungenena ira noni Ziu mala leghurira ira ngengene ka God, ghe kehara ka maneri deo gedi ke riva ghini ghu ianimu. ?Heve ghu? ?Vununa ne ghua ianimu, heve, God deo ge age riva ghini ghu heve neke naiungene ghinio?

2 Timoti 2:13

Geta ka suteri ghu ghita ira noda naiungene ghe, manei e suteri tudu ma ira nona naiungene, vununa manei e deo ge boka huhai ghu ia nona naiungene taghonai.

Taetusi 1:2

Hohoghona iahi e vanadi rangerange ghinina ia doli soduai, neke naiungene ghinio God vanadina maneri, ghe neke tatanigao nga malau iahi peka. Ghita da avohi mo ta hohoghonana mu naiungene iahi, vununa God mu eka sesebo ghu.

Hiburu 6:18

God neke riva ghidi palu leghutau mala deona ge age holari ghu manei ia nganganana nia ka ia ta deo ge boka sesebo ghu manei, e ghua. Va kenunana manei neke naiungene ka Ebarahamu, nia va palunana ge va bebereana ghu manei ka ia babaolona taghonai mala zagoina naiungene ianimu, neke ghua. Ghita dake pelo ageno mala sorona ka manei mu, da posi va gima lao ghu ka ia rangerange neke vanadao manei.

Podolo Kave 3:19

Ara a buruari nia va kilasari heiri haroharo ta namaha ghidi ara. Ghau o ngana tahuau ghu ara o taghuru kairi ghu ira sasakemu.