Luku 1:2 - Ia Foforuna Naiungene

² Maneri dike hiori ira tuturi dike va kahe ghini ghitaro ira noni dike kusu au meharo ka ia tatanigaina dike fini hibadiro ghu ka heve neke riva ghidi va hokotoro God va ghorevurarira ira nona naiungene, dike va podolio ghu ia nonomoho.

Luku 1:2 Iomraidhean Croise

Maki 1:1

Aiahi e tataniga ghu ia Nonomoho Ta Veha ghini Zisas Kraes, ia Tuuna God.

Maki 16:20

Ira mane ta nonofoi dike lao hae ghe hae ghu dike la tuturi beana ghu, au taremehadina ia Lod ka ia Tarunga Ta Maduana, neke va podoli ghu, ta hohoghonana ia nodi nonomoho ka ira hahaima dike riva ghidiro.

Maki 4:14

Heve neke fusa ghidiro ia mane ponogara mu ia torai saorona God.

Luku 24:48

Ghau o toraina mala kahe kaveri leghutau dike dufu irahi.

Zone 15:27

Ghau tuna, go age turi vanadi haro ghu molamo ira keha noni ghinaguna ara e ghua, vununa ghau noto ke au taremehagu noke meha ghu ara ka ia torai tatanigainani.”

Zone 16:4

Uve, ara ato va kahe ghini ghau leghutau irahi ghatunaina, mala neto dufu meha la ia fafata ta mala riva ghidi maneri leghutau irahi, ghau ghatu oke age ngana leghuri mo heve nake to va kahe ghini ghauro ara ghidira maneri. Ara e deo gake va kahe ghini ghau ghu iahi ka ia tatanigaina, vununa ara nake au taremehamu ghau.

Ira Riva 1:3

Ka ira rodana ngavulu ravata leghuna ia vavahagala, ta leme ghu Zisas ka ia hekefalahata, manei neke podolo ghidi ira mane nonomoho tehi fafatani, ka ira ghaghahedi ta toraina mala hio va hohoghona maneri ghinina ia doli leghu ka taghona. Ka fafata iranimu manei neke tuturi vanadi ghinina ia Ravutu ka God.

Ira Riva 1:8

“Ghe ghau o age kuru ghau mana ghatu, ka ia meha suku ghau ia Tarunga Ta Maduana, o age va kahe ghidi ghu leghu noni nga ghinaguna ara aiani Zerusalemu, ka ia babarana kamoto Zudia, ka ia babarana Samaria gheremena mo, nia hae ghe hae ghu ka ira va nonoghana malau iahi peka, e ghua.”

Ira Riva 14:25

Aianimu maneri palu dike la tuturi beana ghinini ia nonomoho aianihi Periga, ghe dike ghahe rauru lao nga tuna Atalia.

Ira Riva 16:6

Polo nia ira ta leghui manei e ghua, dike ghahe fuludu gilio ka ira babaradi Firizia nia Galesia e ghua, vununa ia Tarunga Ta Maduana, neke deo ge va malumuri ghu ta la tuturi beana ghinina ia Nonomoho Ta Veha ka ia babarana Esia ka fafata ianimu.

Ira Riva 17:11

Ira noni Ziudi Berea mu, edi ohoꞌohoi nonomoho fuluduri ira noni Ziu aianihi Tesalonaeka, dike toraina lao hihingodi fuludu ghu ta nonomohona ka ira tuturi Polo ghe Saelasi. Leleghu ravata maneri dike hadu va gigima ka ira Kakangava Ta Maduana, mala fininina di hohoghodi mo, ba deo, ta ghuana ira tuturi ka Polo.

Ira Riva 26:16

‘!Lao, tetu vona ka ghaheu nira! Ara na podolo ghinigho agho mala faetighona, ta mala nogu nonirivana ghu. Agho o va kahe ghidi ira keha noni heve no fininina agho ghatunaina ka ara, nia heve ta age va podolo vananighona ara ghatu, e ghua.

Ira Riva 4:20

“Ghai palu mu, e deo ga boka nodo ghu tuturi ghidira ira leghutau ta namanama nake finiriro nia nomohoriro.”

Ira Riva 8:4

Ghe ira noni ta va hohoghona dike pirararo, dike age tuturi beana ghini ia Nonomoho Ta Veha ghini Zisas hae ghe hae ghu ka dike laoro maneri.

Romu 15:16

ta mala kaike nona nonirivana Kraes Zisas vanadira ira noni taka Ziu ghu. Ara mu na riva taghe kaike hiama na ghua, mala tuturi beana ghinina ia Nonomoho Ta Veha ka God, mala ira noni taka Ziu ghu edi boka meha taghe kaike veala ta veha vanani God edi ghua ghu, vununa ia Tarunga ta Maduana ne va maduanarira.

1 Koriniti 4:1

Ghau o va ngana ghini ghai meha taghe nona noniriva Kraes neto ke va posi ghini ghaio ia riva ta mala va fafahaki ia popoikana hohoghona ka God, o ghua ghini ghai.

Hiburu 2:3

?Heve, da boka peloho ghini mo ghita ia va kilasa, dato deo la gada va ghunaghunai ghu ia leghahaina ghaghahena mala hio va doli ghita? Ghaghahena mala hio va doli ghita iahi mu neke kusu kahe kavei taghona ia Lod Zisas, ghe dike va kahe ghini ghita nga ira dike nomohio.

1 Pita 5:1

Ghatunaina ara na kuruau leghutau ta mala kahe vanamuna ghau ira ta babatu ka ia suga tarai. Taghe ghau la a ghua mu ara, a mane babatu haroma ghu. Ara mu nato finiri ghu ira vavahagala ka Kraes. Nia ara a age hioi ghatu ia tufagu ka ia varanga God ka malaunao fate ia ta age va podolo vanada. Ara na fanga ghau ghu,

2 Pita 1:16

Ghai e deo gake suna va vuvuha turi ma ghu, ka ia fafata turi vanamu ghinina ia mana ka ia noda Lod Zisas Kraes nia ghinina eke la leghu meha keha ravatara ia ta ghua, e ghua. Ghai nake toraina fini hibamai ghinina ia varanga ta namanama ka manei.