Luku 1:17 - Ia Foforuna Naiungene

¹⁷ Manei mu ia mane ta age kurui tarunga nia mana taghe neke ghuao la Ilaiza ia porofeti sepa. Manei mo ta kusu kenu mehana ka ia Lod va tanarira ira noni, ghe ge la dufu meha nga manei. Manei ghatu e ke age hio varighara ghidi ira mama nia ira nodi rekaha, edi ke vari namahai ghu, nia manei e ke age holarari haroma ira noni ta huhughu, edi ke hioi ghu ia avoavoho ta lotoro ka ia nahalina God.”

Luku 1:17 Iomraidhean Croise

Matiu 11:14

Nia noto lao hihingomu la ta va hohoghonaina nonomoho ani ka maneri, Zone lamu Ilaiza na, ia mane e mala meha dike ghua ghinio ira porofeti.

Matiu 14:4

Zone neke va kahe ghini tudu ma neke au ghu Herodi, “E deo ge lotoro ghu ka ia vetula ta varihiona agho ka Herodiasi,” e fani ghua ghini.

Matiu 3:3

Zone lamu neke turi ghinio porofeti Aesaea kahe ghuana iahi, “Manei mu ia leo ta kudo ka ia malau koroghana ta karango: Va tanai ia hangana mala mehana ia Lod, Riva vanani ia hangana ta lotoro.”

Matiu 3:4

Ira poko ka Zone mu dike fifihu ka kalana kamele, nia neke va vona lilihiti ta riva ghini ka kafuna popohi e ghua; ghena ghanora manei mu kupo nia mizuana mauke e ghua.

Luku 1:16

Manei e age batu ghidi tehi nonini ani Isiraeli mala ke fihiki leghuna ka ia Lod ia nodi God.

Luku 1:76

“Nia agho ia tuugu mane tei, edi va kudo ghinigho ia porofeti ka God ta Varanga Sughavona, vununa agho lamu ta va tanaina ia hangana malana ia Lod.

Zone 1:13

Maneri mu deo gedi ke meha nona rekaha ghu God leghuina ia uraha ka ia vilahi, ia ta doli meha ka mama ghe uke, ba ka ia lao hihingo ia tini. Taghonai God lama neke nodi Mamana maneri, neke vanadi doli foforu ghu.

Zone 1:34

A va kahe ghini ghau ghu ta toraina Tuunana mamu God manei, vununa ara nake torai finini neke dufuna iahi ka Zisas”

Zone 3:28

Ghau taghomu to avohi nake toraina kahe ghini ghau va vehana ara ghinina eka ghua ghu ia Mesaea mu ara, ta ghuana. God neke tuhu kenu mehau ka manei mala va tanarira ira noni malana ia meha ka manei.

Ira Riva 10:33

Magali ma tuna, gato ka va ghahe ghinigho age ngengene ghu nake ghua, neke puina veha fuludu ghu la mehana agho. Ghai haroharo nato au ghu aiahi ka kenuna God mala nomohorira ira vahina leghutau nga neke ungene va gigimaighono ia Lod ta mala va kahe ghini ghaina ghai.”

Romu 9:23

Manei ne riva ghini iahi mala va pelara fegala laoinani ia taghotaghona nona varanga ka heiri ta va podolo vanadi manei ia dudumana; ira neke kusu va tanario taghonai mala hioina ia nona pelarana varanga.

Kolosi 1:12

kudo vehai ia Mama neto ke fihiki ghauno tato age fata nia ghu ghau hio kadolo tufana ka ira vahina neto ke va tana vanadiro nga manei ira nona noni taghonai ka ia nona Ravutuna fegala.

2 Timoti 2:21

Noto sute va mamalahuigho la taghou ka ira leghutau ta muko, agho lamu disi ta boka mala rivana God ka ira nona riva ta tongovodi. Ia doli ka agho e age mamalahu nia maduana e ghua, va tana riva vananina ia Faghina ka ira leghu riva ta veha nga.

1 Pita 2:9

Ghe ghau mu e deo go ghua ghu ianimu, vununa ghau mu ira noni faetaidi. Ghau mu ia ravutuna ira hiama, ira noni beana ka God ta torai taghori taghonai. Iahi mu, o boka mala kahe va podoli ghu ghau ira veha ka God ka ira keha noni, vununa manei neke kudo kaveigho ka ia nagoromo, noke haghele ghu gilio agho ka ia nona fegala ta namanama. Ira Kakangava sepa Ta Maduana di kaheina,

1 Zone 2:28

Uve ghau tuguro, o au parekete taremehana ma au ghu Kraes, mala ka ia ke la leghu mehana manei, o age toraina kuru ghau gigima ghu, deona go age poika ghini ghu manei ka ia haghava ghemu.

Podolo Kave 20:4

Ianimu tuna ghe, nake finiri nga ira nonohe ginitaukela, nake finiri ghu ira neke vanadi mana mala varifateo God nohedira aianimu. Nia ara nake finiri haro ira tarungadi ira noni dike kodaka kairiro ira paudi, vununa maneri dike tuturi ghidi ira leghutau ta hohoghona ghini Zisas nia ghini ia saorona God, e ghua. Maneri deo gedi ke va totoana ghini ghu ia va vuha ta mamaghuana, ba ia nguzunguzuna, nia maneri deo gedi ke hioi ghu ia zago va ghila ka manei ka ira raedi ba ka ira kamedi. Maneri dike doli leghu haroharo, dike tetu kopu taremehana ghu Kraes ka giliona kaike togha komuhu.