Hiburu 8:3 - Ia Foforuna Naiungene

³ Vununa leghu hiama paudi nga mu edi toraina mala rivai veala nia kudoveha, e toraina riva ghini haro ghu molamo Hiama Pauna iahi kaike veala.

Hiburu 8:3 Iomraidhean Croise

Zone 6:51

Ara mu ia bereti ta vanamu doli neke hinae mehao ka malauo God fate. Hei ia ta mahaini bereti iahi mu, e age doli toghunai. Ia bereti ta age vanamu ara malanana ia dolina malau iahi peka mu, ia vilahigu.”

Romu 4:25

Vununa ka ira sasakeda ghita, God neke vanada meha Zisas mala lemena, nia manei neke va tetu doli leghui e ghua, mala nai va lotoro ghitana ka ia nahalina God.

Romu 5:6

Ka ia dake deo ghita gigimano nga ghita, neke leme vanada ghu Kraes ghita ira noni dake deono gada leghui ghu God.

Romu 5:8

Ghe God neke va podolo vanada ia nona namaha taghonai vanadana ghita ka iahi: Ka ia dake au ghita sasakeo ngama ghita, neke leme vanada ghu Kraes.

Galesia 2:20

Eka ara la ghu mu ta doli ini, nga Kraes mo mu ta doli ini ka ara. Ghatunaina mu ara na au ghu ka ia doli ta va hohoghona lao ka ia Tuuna God, neke namaha ghinaguo, neke vanaguo ghu ia dolina taghonai.

Efesasi 5:2

Au ka ia doli ta foudu ka ia namaha, leghuina ia nai malaba ka Kraes. Manei neke namaha ghini ghita neke vanada ghu taghonai taghe kaike veala ta longara veveha ta veha vanani God, neke ghua.

Taetusi 2:14

Manei neke va malumi taghona ta mala leme vanadana ta hio va doli ghitana ghu ka ira leghu muko nga, nia ta mala va kalasa ghitana e ghua. Manei neke riva ghini iahi mala meha va nona noni ghitana taghonai, ta torai kuhana ghini hohoghonana ghu ia riva ta lotoro.

Hiburu 2:17

Ianimu la ghe, neke torai tongovona nga ta toraina meha noni taghe maneri ta ghuana manei ka ira leghu ghaghahedi nga, mala boka meha kaike Hiama Pauna ta kurui dudumanana nia ta mala au hohoghonana ka ia riva vanani God e ghua. E ghua ghe ge boka riva ghini nga manei ia veala ta boka hio kairi ira sasakedi ira noni.

Hiburu 3:1

E ghua ghu ghau taremehagu noni kiloau ta holara taremehadi heiri neke faeteriro God ta mala auna ka malaunao fate, o va hoto laori ghu ira nganganamu ka Zisas ia ta va hohoghonai ghita taghe noda mane nonomoho nia Hiama Pauna neke tuhu mehaino God, ta ghuana.

Hiburu 5:1

Leghu hiama paudi nga mu, God e faete kaveri ka ira noni, mala tetu vanadira ira noni ka ira leghutau ta susugoro lao ka God. Manei e vanani lao God ira nodi kudoveha ira noni nia e rivai veala mala hio kai tadira ira sasakedi, e ghua.

Hiburu 7:27

Manei mu taghe ira keha hiama paudi ta rivai veala leleghu ravata eka ghua ghu. Maneri edi kusu rivai veala maladi ira sasakedi taghodi ghe gedi ke rivai veala maladi nga ira sasakedi ira noni. Nga Zisas mu neke veala ghini taghonai kaike fafata mo malanana ia kamotona fafata mala hio kairira ira sasakedi leghu noni nga.

Hiburu 8:4

Geke au la Zisas ghatunaina ka malau iahi peka, manei geala e deo ge boka meha kaike hiama ghu, vununa ghatunaina to kusu au ira hiama mala riva ghidira ira veala ta leghui ia vetula ka Mosese.

Hiburu 9:14

Nga ge heve soni mu mana fuludu laona ia busakana Kraes. Ka ia mana ia Tarunga ta Maduana ta au toghunai, Kraes neke vanani lao God ia dolina taghonai taghe kaike veala ta toraina veha fuludu lao, ta ghuana. Nia ia busakana manei ge va mamalahuri ghu ira nganganada ghita mala deona ke haghava ghedana, nia nai kairi tuna ira puhi ta muko ta boka leme ghidi ghita ta ghuana, da mala riva vanani ghu ia God ta doli.