Hiburu 7:3 - Ia Foforuna Naiungene

³ E deo tuturi ta auna mu ghinina hei mo nona mama nona ukena manei nia heiri mo faanara manei, e ghua. E deo haro ge avohi mu nihao neke dolina nia neke lemena manei. Manei mu taghe ia Tuuna God neke ghua ghu, e kaike hiama toghunai ghu.

Hiburu 7:3 Iomraidhean Croise

Matiu 4:3

Lao tuna ka Zisas ge la kahe ghua ghu iahi neke ghua Satana, “Noto Tuuna la agho God, fihikiri ghahipa irahi ka bereti,” neke la ghua ghini.

Hiburu 4:14

Ghita da posi va gima ghu ka ia va hohoghona ta turi ghini tudu ghita. Vununa ghita mu da kuru ghita kaike hiama pauna ta varanga mala toka ghini ghitana. Hiama pauna iahi mu, Zisas ia Tuuna God neto ke vona laono ka malauo God fate.

Hiburu 7:1

Melekizedeki iahi mu neke mane ginitaukelana Salemu, nia neke nona hiama God ia ta varanga sugha vona, e ghua. Ka ia ke leghuna Ebarahamu neke sipanao ka ia magara neke la paufuriro manei ira rodana mane ginitaukela taremehadi ira punugara ka maneri, Melekizedeki neke la dufui manei neke va beani ghu.

Hiburu 7:17

Vununa ne kahe ghua iahi ka ira Kakangava ta Maduana, “Agho mu kaike hiama toghunaina ta leghui ia kokolona hiama taghe neke ghuao la Melekizedeki.”

Hiburu 7:2

Tetu tuna Ebarahamu ge vanani ghu Melekizedeki kaikeu ka leleghu tazo leghutau ka ira heve neke hioriro manei ka ia magara, neke ghua. Fafahakanana babaolo Melekizedeki ta ghua iahi mu, “mane ginitaukelana lotoro,” e ghua. Nia mane ginitaukelana Salemu ta ghua iahi tuna mu fafahakanana “mane ginitaukelana bule,” ge ghua ghu, e ghua.

Hiburu 7:6

Nga Melekizedeki mu neke hioi ka Ebarahamu kaikeu ka leleghu tazo leghutau, geta deo mo manei geke pagusuna meha ghu Livae. Melekizedeki neke va beani molamo Ebarahamu, ia neke kusu hiorio ira naiungene ka God.