Hiburu 4:3 - Ia Foforuna Naiungene

³ Ghita ira ta va hohoghona lama mu, ta boka haghelina ghu ia maghoso ka God. Nga ka ira ta deo gedi va hohoghona ghu mu, God neke kahe ghua iahi, “Ara nake halau nake va bebereana ghu: ‘Maneri e deo kalasu kai gedi age hagheli ghu ia maghoso ka ara,’ ” neke ghua. God neke kahe ghua ianimu geta toke nogha mo ira leghu nona riva nga ka ia fafata va vuhaini malau iahi peka.

Hiburu 4:3 Iomraidhean Croise

Tatanigaina 1:31

God neke finiri ira leghu neke va vuhariro nga taghonai, dike torai vehana. Fuludu age ia saighona nia au meha ia fufugho—iahi mu neke va onomona ravata.

Matiu 13:35

Iahi mu neke age va ghuduvi ghu heve neke kahe ghua ghinio iahi ia porofeti, “Ara a age ngengene ka ira noni ka ungene talevara. Ara a va kahe vanadi ghatu ira leghutau dike poikaro ka ia vuhana mehaoni malau iahi peka.”

Matiu 25:34

“Ianimu tuna ghe, ge age kahe ghua nga iahi ghatu ia mane ginitaukela, ka ira ta au mautuna mo, ‘!Meha, ghau ira ta va beana ghau nogu Mama! Meha o hioi ghu ia hio kadolona ia ravutu neke va tana vanamuo ka ia tataniga vuha mehanaoni malau iahi peka.

Efesasi 1:4

Sepao laoni, ghe neke va vuhai nga malau iahi peka God, manei neke to kusu faete ghita ta mala nona nonina taghonai ka ia parekete taremehana ghita Kraes, mala age noni beanana nia mamalahuna ghita ka nahalinaro taghonai. Nia vununa ka ia nona namaha vanada ghita,

Hiburu 3:11

Nake va bebereana ghu ara vununa nake halau: ‘Maneri e deo kalasu kai gedi age hagheli ghu ia maghoso ka ara.’”

Hiburu 3:14

Ghita da age parekete taremehana Kraes ghatu, dato hohoghoda la posi va gimai ta dufuna ghu ka ia va nonoghana ia noda va hohoghona ka God dake kusu kuru ghitao.

Hiburu 9:26

Taghe ianimu geke ghua la manei, geala manei e toke mala vavahagala tehi fafatani ka ia tatanigaina va vuhaini God malau iahi peka dufu ghu ghatunaina. Ghe deo geke ghua ghu ianimu. Vununa Kraes neke podolo ma kaike fafata mo ka fafata iahi ghe neke nogha nga malau iahi peka mala hio kai sasakena ka ia veala ghini taghonai.

1 Pita 1:20

God neke nai hihingona sepaoni ta mala tuhu mehaina Kraes malana mamu riva iahi, ghe neke va vuhai nga malau iahi peka. Nga ghatunaina ka va nonoghadi ravata irahi mu, manei neto tuhu mehai malana ia veha ka ghau ka malau iahi peka.