Hiburu 4:2 - Ia Foforuna Naiungene

² Vununa ghita haro dake nomohi mo Nonomoho ta Veha ianimu, taghe dike ghuaro la ira faada ghita. Ghe dike nomohi mo maneri nonomoho ani ghe, e deo ghe geke toka ghidi ghu, vununa ka ia fafata nomohi maneri, e deo gedi ke va hohoghonai ghu.

Hiburu 4:2 Iomraidhean Croise

Ira Riva 13:46

Ghe Polo ghe Banabasi dike hioi hetadina, dike ngengene ghua ghu iahi, “Ghai mu nake kusu mala tuturi ghini ia saorona God ka ghau, ghe ghau noke sokei noke deo ghu ngana ghauna taghomu ta fatai hioina ia doli soduai, nato fihiki lao ghu ghai ghatunaina, ka ira noni taka Ziu ghu.

Ira Riva 3:26

Ianimu la ghe, neke va tetu leghui nga God ia nona noniriva, neke kusu tuhu agei ghu ka ghau ira nonidi Isiraeli, mala va beana ghauna, ta fihiki kairira ghu ira sasake ka ghau.”

Romu 2:25

Ia papahe va ghilaghila mu e kuru lighorona ma noto leghui la ghau ia vetula, vununa ne va podoli ta nona nonina God ghau ira Ziu, nga noto huhughi la ghau ia vetula mu, ghau mu taghe noke to deo ma goke papahe va ghilaghila ghu, e ghua.

Romu 3:3

E hohoghona mu dike naiungenena ira noni Ziu mala leghurira ira ngengene ka God, ghe kehara ka maneri deo gedi ke riva ghini ghu ianimu. ?Heve ghu? ?Vununa ne ghua ianimu, heve, God deo ge age riva ghini ghu heve neke naiungene ghinio?

1 Koriniti 13:3

Nato vanadi la ara ira ta kuma ira leghu ta taghori nga ara nia nato va malumi haro la ghe tiniguini ka ira ta kana ghinagu ta mala saligaina, ghe nato deo au la namaha, e deo ta hioina ara ka ianimu.

Galesia 3:2

Kaike leghutau ma na kabai avohina ara. ?Noke hioi mo ghau ia Tarunga Ta Maduana ka ia leghui ia vetula ka Mosese? !Toraina deo! Noke hioi nga ghau ia Tarunga Ta Maduana mu, vununa ghau noke va hohoghonai ia nonomoho ghinina Kraes noke nomohio.

Galesia 3:8

Sepaoni neke kahei ghu God ka ira Kakangava Ta Maduana mu, ta mala nai va lotororira taghonai ira noni taka Ziu ghu, vununa ka ia nodi va hohoghona. God neke naiungene vanani ghu Ebarahamu Nonomoho Ta Veha iahi kahe ghuana iahi, “Ara a age va beanari ghatu ira leghu noni nga, vununa ka ia ghinigho agho,” neke ghua ghini.

Galesia 4:13

Taghe tato kusu avohi niala ghau, ara ka ia va kenuna fafata nake au taremehamu ghau sepaoni, vununa nake fogara. Ghe ianimu lamu ghe, nake to kuruau nga ara ia vehana fafata mala tuturi beana ghinina ia Nonomoho Ta Veha.

1 Tesalonaeka 1:5

Vununa ka ia fafata hio agei ghai ia Nonomoho Ta Veha ka ghau, eka meha mo ka ia ngengene kakato, nga neke taremehana mana haro, vununa ia Tarunga Ta Maduana neke toraina va avoavoho ghauna, ghe noke avohi nga ta hohoghonana heve nake kaheriro ghai. Nia ghau to avohi ia aꞌauna doli ka ghai, vari hoataimu ghau ne va podoli ta hohoghonana ia nonomoho ka ghai.

1 Tesalonaeka 2:13

Ghai na kudo vehai tudu ma God, vununa ka ia fafata age tuturi beana ghini ghai ia nona nonomoho manei ka ghau, ghau noke nomohi, noke hioi ghu tuturi iahi, taghe taka tuturina ghu ka ira noni, nga taghe nona nonomoho God mo, e toraina hohoghona ghu mamu, e ghua. Ghatunaina mu nonomoho iahi e riva tudu ma ghu ka ghau ira ta va hohoghona.

1 Timoti 4:8

Agho geala o riva ghini iahi, vununa to avohi agho, ira noni edi fani kahe ghua iahi: “E veha ta va gigimari tudura ghita tinida idi, ghe e tongovona laoni ta va gigimarira ghita ira dolida ka ia tarunga, vununa e age toka ghini ghita ka vahina leghutau nga. E naiungene vanada leghutau ta veha ka ia doli ghatunaina, nia ka ia doli ta la meha ghatu, e ghua.”

Hiburu 11:6

Neto deo la ia va hohoghona, e deo ge boka ghu ta mala veha vananina God. Hei ta ghuana ta kabai mehana ka God, maneri edi va hohoghonai ta torai auna God, nia maneri edi va hohoghonai molamo ta vanadi tabarana God heiri ira ta kabai meha ka manei.

Hiburu 3:12

Ghau taremehagu noni kiloau, o banabana, e deo ghu auna ka ghau ia hihingo ta muko nia ta deo ge va hohoghona ghu, ia ta va fihiki ghahe ghau ka ia God ta doli.

Hiburu 4:6

Ia maghoso ka God mu to au ghu aianimu mala haghelena ka ira noni. Ghe heiri ira dike kusu nomohio ia Nonomoho Ta Veha mu dike deo hagheledina, vununa maneri dike huhughi God.

Zemesi 1:21

O kai hazari ghu ira sare sota nia muko ta au ka ira dolimu, hioi ghu ka ia unuhu ia nonomoho neke numa ghinio God ka hihingomu nira, mala hio va doli ghauna.

1 Pita 1:12

God neke va podolo vanadi ira porofeti ghidira ira leghutau dike to kaheriro mu, eka maladi ghu ma ira veha ka taghodi, nga neke malamu ghau mo. Heve dike to kaheriro ira porofeti mu, to va podolo vanamu ghau ghatunaina ira dike va ongahio ia Nonomoho Ta Veha vari hoataimu ghau ka ia Tarunga Ta Maduana neke tuhu hinae mehaio ka malauo God fate. Irahi mu ira leghutau geta ghua ghu ira engizeli ghe edi kuhana ghini mala matori ta va fafahakina ghu.