Hiburu 3:3 - Ia Foforuna Naiungene

³ Geta ghua mo ianimu ghe, Zisas mo mu ta torai varanga fuludu laoina Mosese, taghe ta ghua la ia noni ta rivai suga, ia ta varanga fuludu laori suga iranimu.

Hiburu 3:3 Iomraidhean Croise

Matiu 16:18

A va kudo ghinigho Pita ghu ara ghatunaina babaolouna agho; fafahakanana mu ‘ghahipa mafara toghunai’ e ghua ghu. Ka fatena ghahipa mafara iahi, ta age va tetuina ghu ara ghatu ia nogu kiloau. Geta ghua ghu ia leme ghe, e deo ge boka age paufi ghu.

1 Koriniti 3:9

Vununa ghai palu mu nona noni riva ta riva varighara vanani ma God; ghau mu nona galahena nunuma God nia nona tolima God, e ghua.

2 Koriniti 3:7

Ia vetula neke kangava hinaeio God ka ira palu kipedi ghahipa tetepele mu neke va meha leme ka noni. Geta ghua mo ianimu ghe, ia vetula neke meha taremehana ia pelarana varanga ka God neke va pelario ia hihilina Mosese. Nia geta toke age vai hinae mo ia pelarana ia hihilina Mosese ghe, ira nonidi Isiraeli dike deo gedi boka mato va sepa laoi ghu manei.

Kolosi 1:18

Kraes mu paunana ia tinina taghonai, ia kiloau. Manei lamu ta vanani dolina ia tini. Manei lamu ta kusu tetu leghuna ka ia leme taremehana ia doli soduai, mala manei e toraina age kenu va avoho ghu ka ira vahina leghutau nga.

Hiburu 2:9

Nga ghita mu da finini Zisas, ia neke nai va hinaeio birusuna fafata tei ka pekadi ira engizeli. Nia ghatunaina God ne vanani ia varanga nia va vonavona, vununa manei neke hioi ia vavahagalana leme. God neke va podoli ia nona varisute ta vanada kakato ka ia lemena Zisas vanadira ira noni haroharo.

Hiburu 3:4

Vununa ira leghu suga nga mu, e au mo hei neke riva ghidira, nga vahina leghutau nga mu God neke riva ghidira.

Hiburu 3:6

Nga Kraes mu neke kaike Tuuna ta riva hohoghona ka fatena ia suga God. Ghita ghu mu sugana ka God dato posi va gima la ka ia noda va hohoghona nia rangerange ghidira ira naiungene ka Kraes ta avohori ghita age hiorira ghatu.