Hiburu 3:2 - Ia Foforuna Naiungene

² Zisas neke riva hohoghona vanani God ia neke faetio manei, taghe neke ghuao la Mosese neke riva hohoghonao ka ia sugana God.

Hiburu 3:2 Iomraidhean Croise

Zone 15:10

Noto leghuri la ghau nogu ungene va gigima idi, ghau o age au va gima ka namaha ini ara ghatu, taghe nato ke leghuri idi la ara ira ungene va gigima ka nogu Mama, ta au va gima ini ghu ka ia nona namaha manei.

Zone 17:4

Ara nato ke va podoli ia nou varanga ka malau iahi peka, ka ia riva ghini va hokoto ia riva noke vanaguo agho, mala riva ghinina ara.

Zone 7:18

Heiri ira ta va podolori ira nodi ngangana taghodi mu edi hadu va vonavona maladi taghodi, nga hei ta hadu mala va vonavonaina hei neke tuhu laoio mu, e turi ghini ia hohoghona, e deo sesebo ghu ta auna ka manei.

Zone 8:29

Manei neke tuhu mehauo ara mu, e au tagu tudu ma ara. Manei e deo geke ghahe kaiau ghu ara, vununa ara na riva ghidi tudu ma ira leghutau ta veha vanani manei.”

Efesasi 2:22

Ka ia parekete varighara taremehana Kraes, ghau ira noni taka Ziu ghu mu, o meha kaike taremehadi haro ghu molamo ira keha noni ta va hohoghona, taghe kaike malau ka God ta mala au ia nona Tarunga, ta ghuana.

1 Timoti 1:12

Ara na kudo vehai Kraes Zisas ia noda Lod, neke vanaguo ia gigima malana nogu riva ini. Ara na kudo vehai manei na fata mo ara ta ghua ini ta faeteau ini ghu mala riva vananina,

1 Timoti 3:15

mala nato mamahuge la ara agena, agho ghatu o age avohi heve e ghua au va totorongotaina ka giliona ia nona butubutu God. Iahi lamu ghu mu ia kiloau ka God ia ta doli. Taghe ira sutuna nia ia pakaraina lama ia suga verevere ka ia kiloau ia ta zuka ghini va gima, mala va ghuduvina ka ia ghaghahena e mala ghua neke ghua ghinio, e ghua molamo ira nona noni God, edi zuka ghini ghu ia nonomoho ka manei, e mala au va gima ghu va ghuduvina ka ia ghaghahena e mala ghua neke ghua ghinio God, ghe neke va mehaino nga.

Hiburu 2:17

Ianimu la ghe, neke torai tongovona nga ta toraina meha noni taghe maneri ta ghuana manei ka ira leghu ghaghahedi nga, mala boka meha kaike Hiama Pauna ta kurui dudumanana nia ta mala au hohoghonana ka ia riva vanani God e ghua. E ghua ghe ge boka riva ghini nga manei ia veala ta boka hio kairi ira sasakedi ira noni.