Hiburu 3:1 - Ia Foforuna Naiungene

¹ E ghua ghu ghau taremehagu noni kiloau ta holara taremehadi heiri neke faeteriro God ta mala auna ka malaunao fate, o va hoto laori ghu ira nganganamu ka Zisas ia ta va hohoghonai ghita taghe noda mane nonomoho nia Hiama Pauna neke tuhu mehaino God, ta ghuana.

Hiburu 3:1 Iomraidhean Croise

Zone 17:3

Fafahakanana doli soduai ta ghua iahi mu, ghini ia ta avohigho agho ia kaikena God ta hohoghona, nia ia ta avohoau ara ia noke tuhu mehauo agho aiahi, e ghua.

Zone 20:21

Zisas neke va kahe ghidini, “!Bule e au ka ghau!” neke ghua ghidi. “!Taghe neto ke tuhu mehauo la ia Mama a ghua, a tuhu ghahe ghau ghu ara!”

Zone 20:27

Ianimu tuna ghe, neke kahe ghua lao nga iahi ka Tomasi, “!O finiri tuna kamegu idi, o nai mehai ghu kilou nia aiahi! Va tuhu kave mehai tuna kameu nia go nai haghele mehai ghu ka ghaghahogu ini, e ghua! !Nodo ngana palupalu iamu ka agho, o va hohoghona ghu!”

Ira Riva 1:15

Kaike ravata ka fafata ianimu, haeba e kaike ghobi varadaki noni ta va hohoghona bana nga dike varigharara. Tetu vona tuna Pita ge ngengene ghu, neke ghua,

Romu 11:17

Ira noni Ziu mu taghe kaike heke olivi ia ta numa ghini God e ghua. Nia ira noni Ziu ta deo gedi va hohoghona ghu tuna mu, taghe ira hobodi ta kodaka kaveri God ka heke ianimu edi ghua. Ghau ira taka Ziu ghu mu, taghe ira hobona kaike heke olivi mauke o ghua. God neke numa va kapata ghau lao ghu ka ira malau neke kodaka kaveriro manei ira hobodi. Ianimu lamu ghe no hiori nga ghau ira leghutau neke naiungene ghidiro God ka Ebarahamu nia ia pagusu ka manei e ghua.

Romu 15:27

Maneri dike puina veha vanadi riva ghinina, vununa maneri mu geala edi mala toka ghidi mamu maneri. Vununa ira noni taka Ziu ghu dito ke hio kakatoi ia Nonomoho Ta Veha ka ira Ziu, maneri geala edi fata mo ghu ta toka ghidira ira Ziu ka nodi kakai iranimu.

Romu 15:8

Vununa ara a va kahe ghini ghau ghu neke meha kaike manerivana Kraes ka ira noni Ziu, mala va podolina ia hohoghona ka God, va ghuduvurira ira nona naiungene neke vanadiro manei Ebarahamu, Aesake nia Zekopu, e ghua,

Romu 9:24

Ghita mu da au haro ghu ka giliodi ira noni neke faeteriro manei ka ira Ziu nia ka ira taka Ziu ghu, e ghua.

1 Koriniti 1:2

Ghai palu na kakangava vanani age ia kiloau ka God aiamu Koriniti, ka heiri neke va beanario ka ia parekete taremehana Kraes Zisas nia neto ke kudoriro God ta mala nona noni beanana taghonai, varighara taremehadira ira leghu noni nga hae ghe hae ghu ira ta va totoana lao ka ia noda Lod Zisas Kraes, ia Lod ka maneri nia ghita, e ghua.

1 Koriniti 10:17

Vununa ghita da mahai varighara ghini kaike bereti mo, ghita mu kaike tini mo, geta tehi ghu ghita.

1 Koriniti 9:23

Ara na riva ghidi leghu irahi nga mala va ongahina ia Nonomoho ta Veha, mala hio tufana ka ira va beana ta meha ka ia Nonomoho ta Veha.

2 Koriniti 1:7

Nia ghai na va hohoghonai fuludu ta au va gimana ghau, vununa ghai na avohi taghe ta holara taremehamai niala ghau ka ia vavahagala e ghua, o holara taremehamai ghu molamo ghau ka va kakapoto ta hioini ghai.

2 Koriniti 9:13

Leleghonana kakai ta vanadi ianimu ghau mu, maneri edi age va varangi God. Vununa ia varisute ka ghau ta vanadi maneri nia ira keha leghu noni ta va hohoghona nga e ghua e age va podoli ta leghuina ghau ia Nonomoho ta Veha ka Kraes.

Efesasi 3:6

Iahi lamu popoikana vatovatona ka God: Ira noni taka Ziu ghu nia ira noni Ziu e ghua, ta va hohoghona ka ia Nonomoho Ta Veha mu, edi varifata ma heve tufa ta hioina ka ira leghu taghotagho ta mala hio kadolori nga ira nona rekaha God. Palu butubutu haro irahi edi taremehana haroma ghu kaike tini iahi, edi au va ghazaghaza haroma ghu ka ira naiungenedi va beana neke riva ghidiro God ka Kraes Zisas.

Efesasi 4:1

Ghe na au nga ara ka pipiliga mu, vununa ara na riva vanani Kraes. Ara na papada ghau ghu ta leghuina ia hangana ta lotoro ta fata ka heiri neke faeteriro God ta mala nona nonina taghonai.

Efesasi 4:4

Ghita haroharo mu kaike tini mo nia kaike Tarunga ma ta au ghitana. Taghe iala molamo e ghua, da au ghita ghu kaike rangerange mo mala hiorira ira veha neke naiungene ghidi vanadaro God ka ia fafata kudo ghita.

Filipae 3:14

Ara na toraina purudu lotoro lao ghu ka ia mala sabara, mala hioina ia tabara ka malauo God fate. Tabarana ghu mu, God ne kudo vona laoau ka nona malauo fate, vununa Kraes Zisas neke leme vanagu ara.

Kolosi 1:12

kudo vehai ia Mama neto ke fihiki ghauno tato age fata nia ghu ghau hio kadolo tufana ka ira vahina neto ke va tana vanadiro nga manei ira nona noni taghonai ka ia nona Ravutuna fegala.

Kolosi 1:22

Noke ghua mo ianimu ghau sepao ghe, ghatunaina God neto ke hio ghau ta mala auna ka ia bule taremehana taghonai ka ia va meha nonini ia Tuuna, ta leme ghu ka ia hekefalahata. God neke riva ghini iahi, mala neto hio ghau la manei mala auna ka ta au ani taghonai, o age kalasa ghu, deo ghauna muko nia age deo ghau tuna va tapata, e ghua.

Kolosi 3:12

Ghau mu nona noni ghu God; manei neke namaha ghini ghau neke faete ghau ghu mala nona nonina taghonai. O toraina va poko ghau ghu taghomu ka vari dudumanai, varisute, au unuhu, va totoke, nia au vanemoho.

1 Tesalonaeka 2:12

Ghai nake va gigimari ira nganganamu, va vehari ira hihingomu, nia nake va kahe ghini ghau tudu ma e ghua, ta mala auna ghau ka ia kokolona doli ta veha vanani God, ia ta kudo haghele ghau ka ia nona Ravutu, mala hio tufana ka ia nona pelarana varanga.

1 Tesalonaeka 5:27

Ara a torai va kahe ghini ghau ghu ka ia babaolona ia Lod, ta izumina ghau leta iahi ka ira leghu tahida haroharo nga.

2 Tesalonaeka 1:11

Ne ghua mamu ghe, na tarai toka ghini ghau tudu nga ghai, e mala kahei ghu ia noda God ta fatana ghau ka ia doli neke kudo ghauno manei. Nia ghai na tarai fangai God ka ia nona mana, e mala toka ghini ghau ghu riva ghidira ira leghu riva ta veha nga ta nganai riva ghidi ghau, nia ira leghutau haroharo ta kabai riva ghidi ghau ka ia nomu va hohoghona ka Zisas, e ghua.

2 Tesalonaeka 2:14

Manei neke kudo ghau lao ka ia hio va doli ka God ka ia fafata va kahe ghini ghau ghai ia Nonomoho Ta Veha; ghatunaina mu, ghau o boka hio tufa haroma ghu, ka ia pelarana varanga ia noda Lod Zisas Kraes.

1 Timoti 6:12

Magara ghini va veha ia ta va hohoghonai ghita. O poposi va gima ka ia doli soduai neke vananighono God, ka ia fafata kahe kave va vehai agho ia nou va hohoghona ka kenudi ira tehi noni.

1 Timoti 6:2

Dito noni kiloau haro la ira ta taghori ira noni mala varituhu, ira noni mala varituhu edi toraina heluhelu ghidi haroma, nga edika ungene va mukori ghu, ngangana ghuana iahi, “Ghai mu varifata haroma ka maneri a tatahina haroma ghu ka Kraes,” ta ghuana. Nga geala edi riva va gigima vanadi laoni, vununa maneri di toka ghidi haro molamo ira ta va hohoghona nia ira ta namaha ghidi maneri, e ghua. Agho o vari va kakahe ghidi leghutau irahi nia va kahe ghidi ira ta va hohoghona ta riva ghidira, e ghua.

2 Timoti 1:9

God lamu neke hio va doli ghitana, nia neke faete ghitana e ghua, ta mala auna ka ia doli ta maduana. Ghe neke riva ghini nga manei iahi mu, ghita da puina fata ma ta ghua ghini ghitana eka ghua mo, nga vununa manei neto ke kusu pakara ghini meha sepaoni ia nona vatovato, ghe neke vuha nga malau iahi peka, mala va podolo vanadana ia nona namaha nia varisute ka Kraes Zisas.

2 Timoti 2:7

Noto suteri la agho ka ia nganganau heve nake va kahe ghinighoro ara, ia Lod e toka ghinigho ta toraina va ziloina zomona ka vahina leghutau irahi nga.

Hiburu 10:19

E ghua ghu ghau taremehagu noni kiloau, ghita da boka haghele mo ka ia Malau ta Maduana Fuludu Lao ka malauo God fate deona gada maugheda ghu vununa ka ia busakana Zisas neke oraha vanadao.

Hiburu 10:21

Nia vununa ghita dato kuru ghita kaike Hiama Pauna ta mala kopu ghidira ira noni ka God,

Hiburu 10:23

Ghita da toraina posi va gima ghu deona gada ngana palupalu ghu ka ia rangerange ta kahe kave va gigimai ghita, vununa ghita da va hohoghonai God ta suteina ia nona naiungene.

Hiburu 13:22

Ghau taremehagu noni kiloau, ara na va ohiohi ghau ta nonomoho va vehana ka ponoena vari va kakahei ta kangavi iahi ara mala va gigimaina ia ngangana ka ghau.

Hiburu 2:11

Hei ia ta va kalasari ira keha ka ira sasakedi nia heiri ira ta kalasa ghedi e ghua mu, edi meha ka kaike kokolona noni mo. Zisas e deo ghu ge haghava ghena ghu va kudo ghidi tahinara.

Hiburu 2:17

Ianimu la ghe, neke torai tongovona nga ta toraina meha noni taghe maneri ta ghuana manei ka ira leghu ghaghahedi nga, mala boka meha kaike Hiama Pauna ta kurui dudumanana nia ta mala au hohoghonana ka ia riva vanani God e ghua. E ghua ghe ge boka riva ghini nga manei ia veala ta boka hio kairi ira sasakedi ira noni.

Hiburu 3:12

Ghau taremehagu noni kiloau, o banabana, e deo ghu auna ka ghau ia hihingo ta muko nia ta deo ge va hohoghona ghu, ia ta va fihiki ghahe ghau ka ia God ta doli.

Hiburu 3:14

Ghita da age parekete taremehana Kraes ghatu, dato hohoghoda la posi va gimai ta dufuna ghu ka ia va nonoghana ia noda va hohoghona ka God dake kusu kuru ghitao.

Hiburu 6:20

Zisas to kusu la haghele aianimu vanada ghita. Manei neto ke meha noda Hiama Pauna leghuina ia kokolona hiama taghe neke ghuao la Melekizedeki, e age kaike hiama toghunaina ghu.

Hiburu 7:26

Zisas lamu kokolona Hiama Pauna ta boka vanadana ira ta malanga ghidi ghita. Vununa manei mu e maduana, e deo sasakena nia e deo muko ta boka va zutu ghinina, e ghua. Nia ghatunaina manei e au va ilolo ka ira ta sasake, nia God neke nai va vonai manei ka malaunao fate.

Hiburu 7:28

Ia vetula ka Mosese mu neke faeteri ira noni ta sasake mala meha hiama paudira. Nga ia va bebereana ka God neke mehao leghuna ia vetula mu, neke faetina ia Tuuna mala meha kaike Hiama Pauna ta toraina lotoro fuludaina.

Hiburu 9:11

Ghe ka ia mehana Kraes ta meha kaike hiama paudi ghu manei ira leghutau ta veha tato au aiahi ghatunaina mu, manei neke la hagheli ia suga tapole ta maduana nia veha fuludu lao ta deo ge riva ghini ghu ka kamena noni, ia taka nona ghu malau iahi peka.

Hiburu 9:15

Ne ghua mamu ghe neke hio mehai nga Kraes ia foforuna varivehai ka God taremehadira ira nona noni, mala ira noni neke kudoriro God edi boka hioi ghu ia hio kadolo ta toghunai ta hohoghona neto ke naiungene ghinio God. Vununa Kraes neke leme mala va kalasarira ka ira sasake dike riva ghidiro maneri ka ia fafata au nga maneri ka pekana ia kusu varivehai.

1 Pita 2:9

Ghe ghau mu e deo go ghua ghu ianimu, vununa ghau mu ira noni faetaidi. Ghau mu ia ravutuna ira hiama, ira noni beana ka God ta torai taghori taghonai. Iahi mu, o boka mala kahe va podoli ghu ghau ira veha ka God ka ira keha noni, vununa manei neke kudo kaveigho ka ia nagoromo, noke haghele ghu gilio agho ka ia nona fegala ta namanama. Ira Kakangava sepa Ta Maduana di kaheina,

1 Pita 3:5

Ka ghaghahena ianimu dike va veveharira taghodi ira fotati beanadi sepao laoni. Maneri dike rangerange ka God dike nomohori ghu ira babatu ka ira keradiau taghodi.

1 Pita 5:1

Ghatunaina ara na kuruau leghutau ta mala kahe vanamuna ghau ira ta babatu ka ia suga tarai. Taghe ghau la a ghua mu ara, a mane babatu haroma ghu. Ara mu nato finiri ghu ira vavahagala ka Kraes. Nia ara a age hioi ghatu ia tufagu ka ia varanga God ka malaunao fate ia ta age va podolo vanada. Ara na fanga ghau ghu,

1 Pita 5:10

Leghuna ia vavahagala ka ghau ka birusuna fafata tei ma, God e age va foforu ghau, va gigima ghau, va nadui ia nomu va hohoghona nia e age va tetu nadu ghau, e ghua. Ka ia nona varisute ta vanada kakato, God neke kudo ghau ta mala hio tufana ka ia nona varanga, vununa ka ia au vari parekete varighara taremehana Kraes ghau. !Ia varanga ka manei mu e deo va nonoghana,

1 Zone 1:3

Ghai na va kahe ghini ghau heve nato ke finina nia nomohina, mala ghau o age holara taremehamai ghu ka ia kaike au vari parekete varighara taremehana ia Mama nia taremehana Zisas Kraes ia Tuuna, e ghua.

Zudi 1:1

Leta iahi mu sipana ka ara Zudi ia mane mala varituhu ka Zisas Kraes nia ia tahina mane Zemesi e ghua. Ara na kakangava age ka ghau neto ke kudo ghauno God. Ghau mu no vari parekete taremehana God ia Mama, vununa manei ne namaha ghini ghau nia Zisas Kraes ne kopu ghini ghau va veha, e ghua.

Podolo Kave 17:14

Maneri edi age varighara mala magarina ia Rekahana Sipisipi, ghe ia Rekahana Sipisipi e age paufuri maneri, vununa manei mu ia Lod fatedi ira leghu Lod nga, nia ia mane ginitaukela ka fatedi ira leghu mane ginitaukela nga, e ghua. Nia heiri tadi au taremehana manei ka ia magara mu ira ta kudori, faeteri manei nia edi va hohoghona edi leghui tudu ghu manei, e ghua.”

Podolo Kave 18:20

“!Ghau ira ta au ka malauo God fate, o va ghazaghaza! !Ghau ira nona noni God, o va ghazaghaza haro! !Ghau ira mane nonomoho nia ira porofeti, o va ghazaghaza haro! Vununa God neto fatei manei ka ira leghutau neke va riva ghini ghauro manei.”