Hiburu 2:3 - Ia Foforuna Naiungene

³ ?Heve, da boka peloho ghini mo ghita ia va kilasa, dato deo la gada va ghunaghunai ghu ia leghahaina ghaghahena mala hio va doli ghita? Ghaghahena mala hio va doli ghita iahi mu neke kusu kahe kavei taghona ia Lod Zisas, ghe dike va kahe ghini ghita nga ira dike nomohio.

Hiburu 2:3 Iomraidhean Croise

Matiu 23:33

!Ghau adogho minga, nia ira tuudi ira adogho! ?Heve o ghua ghe, go boka peholo ghini nga ghu ia vavahagalana gehena?

Matiu 4:17

Ka ia fafata rizu ta la au ghu Zisas ani Kapaniumu, manei neke to tatanigai tuturi beana, kahe ghuana iahi, “Taghuru kairi ira sasakemu, o fihiki lao ghu ka God, vununa ia Ravutu ka malauo God fate to namo meha.”

Maki 1:14

Leghuna Herodi Anitipasi ia Mane Ginitaukela sakomo hioina Zone, Zisas neke lao aianihi Galili, neke la va ongahi ghu ia Nonomoho Ta Veha.

Luku 1:2

Maneri dike hiori ira tuturi dike va kahe ghini ghitaro ira noni dike kusu au meharo ka ia tatanigaina dike fini hibadiro ghu ka heve neke riva ghidi va hokotoro God va ghorevurarira ira nona naiungene, dike va podolio ghu ia nonomoho.

Luku 1:69

Manei neto ke vanada meha ia Va Doli ta torai mana ka ia pagusu ginitau Deveti, ia nona maneriva,

Luku 24:19

“?Leghutau heve?” neke ghua notohona Zisas. “Ira leghutau neke dufuro ka Zisas, ia manena Nazareti. Manei mu kaike mane porofeti, neke riva ghidiro ira hahaima ta namanama. Manei mu kaike mane vari va kakahei ta toraina mana ta va hesini God, nia ira noni haroharo, e ghua.

Zone 15:27

Ghau tuna, go age turi vanadi haro ghu molamo ira keha noni ghinaguna ara e ghua, vununa ghau noto ke au taremehagu noke meha ghu ara ka ia torai tatanigainani.”

Ira Riva 1:22

tataniga ka ia seselebeana manei ka Zone, ta dufu ghu ka ia ravata neke hio vona tamai laono ka malauo God fate. Hei ia ta faeti ghai mu e toraina mala riva taremehamai ghai mala turi vanadira ira keha noni ghinina ia tetuleghu ka Zisas.”

Ira Riva 2:22

“!Ghau noni Isiraeli, o nonomoho meha ka iahi! God neto ke va podoli neke va meha vanamuna Zisas na Nazareti ka ira hahaima nia ira ghila ta namanama neke riva ghidiro manei ka ia mana neke vananio God mala riva ghidira manei. Ghau mu o avohi haroma ghu iahi taghomu.

Ira Riva 4:12

Kaikena ma Zisas ta boka hio va dolirira ira noni. Ia babaolona manei lama mu ta manana ka malau iahi peka neto ke vanada mehana God mala hio va dolirira ira noni. Ka manei lamu ta toraina mala age hio va doli ghitana ghita.”

Romu 11:14

ara na kabai ghini ta va kakabairira ira noni Isiraeli ka ia foforuna doli ta taghoi ghau ira noni taka Ziu ghu, a boka mala hio va doliri ghu kehara ka maneri.

Romu 2:3

?Taghe agho ta kaike noni ma ta fateri maneri, ghe ta riva ghidi haro nga tuna taghou leghutau iranimu ghu mu, o boka peloho ghini mo ia varifate ka God, no ghua?

1 Koriniti 1:21

Vununa God ka ia avoavoho taghona e deo geke va malumuri ghu ira noni ka malau iahi peka ta mala rivana ia avoavoho ka maneri mala hio avoavoho ghinina taghonai God. Nga God neke veha vanani ta mala hio va dolirira heiri ira ta va hohoghonai ia nonomoho ta tuturi beana ghini ghai, ne kingo ia ta ghua ghini ira noni ka malau iahi peka.

1 Tesalonaeka 5:3

Ka ia ta kahe ghua iahi ira noni, “Vahina leghutau nga mu to puina veha nia bule e ghua,” ka ia ta ghuao maneri ghe, pakata, ge age ghua nga dufurina ia fafata mala va mukori, taghe ta ghua niala ia karatana va doli rekaha ka ia fotati ta zezeana. E deo ghu boka pelo ghinina.

1 Timoti 1:15

Ngengene iahi mu e hohoghona, geala ghita haroharo da va hohoghonai ghu: Kraes Zisas neke meha ka malau iahi peka mala hio va dolirira ira ta kururi muko. Ara lamu nake toraina muko fuludu laona ghu ka maneri haroharo.

Taetusi 2:11

Heiri ira ta va hohoghona mu edi toraina au ka ghaghahena iahi, vununa God neto ke va podoli ia nona varisute ta va meha kakatoi, ka ia riva ghini ia ghaghahena mala hio va doliri ira leghu noni nga ka ira muko maneri.

Hiburu 1:1

Sepao laoni God neke va ghahe laori ira porofeti mala la turina ka ira faada tehi fafatani nia ka tehi ghaghahedini, e ghua.

Hiburu 1:14

Ira engizeli mu ira tarunga ta riva vanani God neke tuhu mehari ghu manei mala riva toka ghidira heiri ira ta mala age hio kadoli ia hio va doli.

Hiburu 1:2

Nga ka va nonoghadi ravata irahi mu, manei neto va mehai ia Tuuna mala meha turina ka ghita. God neke faeti ia Tuuna ta mala hio kadolorira vahina leghutau nga nia manei neke riva taremehanana ia Tuuna va vuharira vahina leghutau nga ka kolangana fate nia ka malau iahi peka.

Hiburu 12:25

O balau, oka pake ghemu ghu nomohina God ta ngengene ghaunia. Ira nonidi sepao dike deoro gedi nomohi ghu ka ia fafata kahe ghidi va gigima meha ka malau iahi peka, dike deo gedi boka peloho ghini ghu ia vari va kilasa ka God. ?Heve da ghua ghu ngaini gada boka pelo kaini nga ia vari va kilasa, dato huhughi la ghita manei ka ia fafata ngengene va gigima ghita meha manei ka malaunao fate?

Hiburu 4:1

Ia naiungene ka God ta mala age hagheli ira noni ia maghoso ka manei ia ta ghua, e tobehe vanada nga ghita. Ianimu la ghe gada puina banabana nga ghita, ghatu e ghua mo, o age deo ghu hioimuna kehara ka ghau maghoso ianimu.

Hiburu 4:11

Da toraina riva va gigima ghu ghita mala haghelina maghoso ianimu. Vununa ghatu da deo gada age hagheli ghu, taghe dike ghuaro ira noni Isiraeli dike huhughuro dike deoro ghu haghelidina.

Hiburu 5:9

Nia vununa manei neke leghui God, neke faeti ghu God ta meha fatana manei mala hio va dolirira ta vanadina ghu ia doli soduai heiri haroharo ta leghui God.

Hiburu 9:28

Kraes mu neke leme ghu kaike fafata mo malanana ia kamotona fafata taghe veala ta ghuana, mala hio kairira ira sasakedi ira leghu noni nga, nia manei eke va paluna fafata mehani, ghe e deo ke meha leme mala hio kai sasakena, nga mala meha hio va doliri ira noni ta au afa ghini manei.

1 Zone 1:1

Ara na kakangava vanamu age ghau ghinina ia Saoro ta va meha doli ta hohoghona ka ghita. Zisas Kraes mu ia Saorona Doli. Manei neke to kusu au ghe neke va vuhai nga God malau iahi peka. Ghai nato ke nomohi nia ghai nato ke finini manei ka hibamai idi taghomai; uve, ghai nato ke finini nia nato ke posini manei ka kamemai idi haro.

Zudi 1:17

Ghe ghau ira nogu baere ta namaha ghini ghau ara, o toraina ngana leghuri heve dike va kahe ghini ghauro sepao ira mane nonomoho ka ia noda Lod Zisas Kraes.

Podolo Kave 7:10

Maneri dike kudo va fafaa ghua iahi, “Ia hio va doli e meha ka ia noda God ta nohe ka ia nonohe ginitaukela nia e meha ka ia Rekahana Sipisipi, e ghua!”