Hiburu 13:3 - Ia Foforuna Naiungene

³ O ngana laori ghedi ira noni kiloau ta au ka pipiliga taghe ta au harona taghomu ka pipiliga ta ghuana. Nia o ngana laori haro ira ta ngovala va mukori taghe ta va ghilaghilai harona taghomu vavahagala ani ka maneri ta ghuana.

Hiburu 13:3 Iomraidhean Croise

Tatanigaina 40:23

Ghe ia manefaana kopui waeni deo ghe ke nganaina Zosepu, nga toke nganakaini ghena ma.

Matiu 25:36

Ara nake poko pereu, noke tufau poko ghu ghau. Ara nake fogarau, noke hio suteau ghu ghau. Ara nake au ka pipiliga, noke sigho ghinagu ghu ghau.’

Matiu 25:43

Ara nake noni mehagu, ghe ghau e deo goke hio hagheleau ghu ka ira sugamu. Ara nake poko pereu, ghe ghau e deo goke tufau poko ghu. Ara nake fogarau nia nake au ka pipiliga, ghe ghau e deo goke hio suteau ghu.’

Ira Riva 24:23

Ianimu tuna ghe neke kahe ghini va gigima nga manei kaike manefaadi ira mane magara ta mala kopu ghinina manei, ghe neke va malumi mo tuna ta ghahe ghena lao mehana keha fafatara nia neke va malumuri haro ira nona baere ta la sigho ghinina, ta toka ghinina ghu ka ira ta malanga ghidi manei, neke ghua.

Ira Riva 27:3

Ka ia keha ravata, ghai nake la nodo kaina ka ia malau leghaha Saedoni. Mane Zuliasi iahi neke puina sutei Polo, neke va malumi ghu ta kalae la ghaherira manei ira nona baere, gedi boka la mo maneri ta tufai ghenana ka ira heve ta malanga ghidi manei, neke ghua.

Romu 12:15

Va ghazaghaza taremehadi ira ta va ghazaghaza; muko hihingo taremehadi ira ta muko hihingodi.

1 Koriniti 12:26

Neto vavahagala la kaike pelona ia tini, ira keha leghu pelona nga edi va vavahagala taremehana manei; neto va vonavonai la kaike pelona ka ia tini, ira keha leghu pelona nga edi va ghazaghaza taremehana manei.

Efesasi 4:1

Ghe na au nga ara ka pipiliga mu, vununa ara na riva vanani Kraes. Ara na papada ghau ghu ta leghuina ia hangana ta lotoro ta fata ka heiri neke faeteriro God ta mala nona nonina taghonai.

Kolosi 4:18

Kehara neke kangava vanagu hinaena leta iahi, ghe ara Polo na kangavina mu ungene veha iahi ka kamegu ini taghogu, o mala age avohi ghu ghau leta iahi mu neka toraina sipa meha mamu ka ara ta ghuana. Go ngana kaini la ta au ini ara ka pipiliga. Ara na tarai e age vanamu ghu God ia varisute ta vanada kakato.

Hiburu 10:34

Ghau noke holara vavahagala taremehadi haro ira dike kai laoriro ka pipiliga. Ka ia hio tamu maneri ira vahina nomu ta taghori nga ghau, ghau noke au va manemane ma, vununa noke avohi ta kuru ghauna nga keha leghutau ta veha ta veha fuludu laoni, ira ta age au toghunai.

Hiburu 11:37

Kehara mu dike fera va lemeri ka ghahipa, kehara gedi ke kodaka paluri ghu ira tinidi, nia kehara gedi atunguri ghu ka leboto sisilufu mala magara, dike ghua. Maneri dike kuma dike va vona kafudi sipisipi, ba gouti ma ghu, ghe dike ghahe lao meha nga. Ira kana ka maneri dike kikipana ghidi nia ngovangovalari ghedi maneri.

1 Pita 3:8

Va nonoghanana, ghau haroharo ta va hohoghona ka Kraes geala o kaike nganganamu ma foudu ghauna vari dudumanai, vari namahai taghe tatahina ta ghuana ka hihingo ta varisute.