Hiburu 11:3 - Ia Foforuna Naiungene

³ Ka ia noda va hohoghona lamu da va fafahakina ghita malau iahi peka mu neke vuha ka ia ungene va gigima God, ta ghuana. Heve ia ta finini ghu ghita mu neke riva ghini ka heve ia ta deo gada boka fini ghu ghita.

Hiburu 11:3 Iomraidhean Croise

Tatanigaina 1:1

Ka ia tatanigaina, God neke va vuhai ia kolanga nia malau iahi peka nia ira vahina leghutau nga ka ira giliodi.

Zone 1:3

Ira vahina leghutau nga mu manei neke va vuharira. E deo kaike leghutau va vuha ghu, neke deona ge riva ghini ghu manei.

Ira Riva 14:15

“?Ghatomane, heve ghe no riva ghini nga iahi ghau? !Ghai mu noni taghe ghau lama! Ghai mu na hio mehai ia Nonomoho Ta Veha, o mala taghuru kairi ghu ghau leghutau ta deo lighorodi irahi, o ke fihiki lao ghu ka ia God neke va vuhaio ia kolanga, ia kava, ia tahi nia ira leghutau haroharo ka ira giliodi, e ghua.

Ira Riva 17:24

“Ia God neke va vuhaio malau kamoto iahi peka nia ira vahina leghutau nga ka ia giliona e ghua mu, ia Lod na ia kava nia ia kolanga e ghua, eka au la ghu ka giliodi ira Ringifota ta Maduana ka God ta riva ghidi ira noni.

Romu 4:17

Taghe ia ta au la ka ira Kakangava ta Maduana, “Ara nato nakaigho ta mala kaike nodi mamana ira tehi soloso,” ia ta ghua. Manei mu noda mamana ghita ka ia nahalina God, ka ia ta va hohoghonai manei- ia God ta vanadi doli ira ta leme nia neke va vuhariro ira leghutau dike deoro gedi au ghu sepao, e ghua.

1 Koriniti 2:7

Deo, ghai mu na tuturi ghini ia popoikana avoavoho ka God, kaike avoavoho neto ke poika ma neke mehao ghu kusu nakai ghini puhi ta gigimana God malanana ia veha ka ghita ghe neke tatanigao nga malau iahi peka.

1 Timoti 4:5

Vununa God neke kaheina ka ira Kakangava Ta Maduana mu, ia varihio nia ira leghu ghano nga e ghua mu edi vehadi haroma. Dato kudo vehai la ghu God ghita ghidira leghutau irahi, ghita da kaike hihingo taremehana God ta vehadira, ta mala hiorira ghu ghita.

Hiburu 1:2

Nga ka va nonoghadi ravata irahi mu, manei neto va mehai ia Tuuna mala meha turina ka ghita. God neke faeti ia Tuuna ta mala hio kadolorira vahina leghutau nga nia manei neke riva taremehanana ia Tuuna va vuharira vahina leghutau nga ka kolangana fate nia ka malau iahi peka.

Hiburu 6:5

Maneri dike hadu kave vanadi taghodighi ta vehana ia saorona God, dike finini ghu ia mana ta age va podolo kave kamoti manei keha nareo.

2 Pita 3:5

Taghe ianimu edi ghua kabai velavela ghini ghauna, vununa maneri edi deo gedi kabai nganai ghu neke va vuhaio sepao laoni God kolanga ani fate nia malau iahi peka e ghua ka ia nona saoro. Manei neke va podolo vonai malau iahi peka ka ia kolo va kolo lilohina.

Podolo Kave 4:11

“E fatau mo agho Lod nomai God, ta hio varangana, va vonavonana nia gigimana. Vununa agho noke va vuharira vahina leghutau nga dike vuha ghu ka ia nou lao nanafa, vanadina ia au nia doli.”