Hiburu 10:1 - Ia Foforuna Naiungene

¹ Ia vetula ka Mosese mu taghe mamaeludi ma ira leghutau ta veha tadi la meha nga, eka ghua ghu ira torai nonidi leghutau. Ira kokolodi veala ta au ka ia vetula Mosese ta mala riva ghidi leleghu komuhu mu e deo ge boka va mamalahuri ghu ira noni ta va totoana lao ka God.

Hiburu 10:1 Iomraidhean Croise

Romu 8:3

Ia vetula ka ira Ziu neke deo ge boka hio va doli ghita ghu, vununa ka ira puhida ghita noni ta sasake. God neke hio va doli ghita ghu ka ia tuhu mehai ia Tuuna taghonai ka ia tini ta varifata ka tinida ta sasake idi ghita, malana kaike veala maladira ira sasakedi ira noni, neke hio kave ghita ghu manei ka ia mana ia sasake ka ghaghahena ianimu.

Kolosi 2:17

Leghutau irahi mu taghe kaike mamaelu dike ghua ma ghidira ira leghutau dike la meharo kenu mo. Toraina ghanonana mu taghonai Kraes.

Hiburu 10:22

da haghele lotoro age ghu ghita ka kenuna God ka hihingo ta toraina lotoro nia ta toraina va hohoghonai manei. Vununa ira nganganada ghita dike mukoro mu, to va kefuruai ghidi ka ia busakana Kraes mala va mamalahu ghitana, nia ira tinida geto ke va sesele ghidi ghu ka kolo ta mailo, e ghua.

Hiburu 7:11

Ka ia vetula Mosese mu, ira hiama mu edi pagusudi meha ma ka Livae lama, ghe hiama iranimu e deo gedi ke fata ghu ta mala va lotororira ira noni ka ira nahalina God. Ne ghua mamu ghe neke tongovona fuludu nga ka God take va mehainani kaike hiama ta haza ta leghui ia kokolona hiama taghe neke ghuao la Melekizedeki, ta deo ge leghui ghu ia kokolona hiama taghe neke ghuao Eroni.

Hiburu 8:5

Maneri dike riva ka giliona kaike galahena ta maduana ta kaike totoghalena heve ta auna ka malauo God fate. Neke ghua mamu God ghe, neke kahe ghini va gigima nga Mosese ka ia fafata va tanai riva ghini manei ia Suga Tapole ta Maduana ka ngengene irahi: “O toraina riva ghidi agho ira vahina leghutauna nga Suga Tapole ta Maduana nia, leghuina ia totoghalena nake va podolo vananighono ara ka vuhuku ani.”

Hiburu 9:11

Ghe ka ia mehana Kraes ta meha kaike hiama paudi ghu manei ira leghutau ta veha tato au aiahi ghatunaina mu, manei neke la hagheli ia suga tapole ta maduana nia veha fuludu lao ta deo ge riva ghini ghu ka kamena noni, ia taka nona ghu malau iahi peka.

Hiburu 9:23

Ne ghua mamu ghe dike toraina va mamalahui nga maneri ka busaka ia suga tapole mala va totoana, nia ira vahina leghutau nga ka ia giliona e ghua, neke totoghalediro ira leghutau ka malauo God fate. Nga ira toraina leghutau ka malauo God fate mu, dike toraina mala va mamalahuri maneri ka kaike veala ta veha fuludu laori ira veala ta riva ghidi ka malau iahi peka.

Hiburu 9:25

Nia manei e deo geke la haghele tehi fafata ghu ka malauo God fate, taghe ka ia ghaghahena ta la haghele taremehana busakana bulumakau leleghu komuhu ia hiama pauna ka ia Malau ta Maduana Fuludu Lao.