Hiburu 1:9 - Ia Foforuna Naiungene

⁹ Agho e veha vananigho ira riva ta lotoro nia o sokeri ira riva ta muko. Ianimu la ghe neke faetigho nga God ia nou God, neke vananigho ghu ia va ghazaghazana va vonavona, fuludu laoina ia neke vanadio manei ira keha leghu noni nga.”

Hiburu 1:9 Iomraidhean Croise

Luku 4:18

“Ia Tarungana ia Lod ne au ka ara, vununa God neke faeteau ara mala tuturi ghinina ia Nonomoho Ta Veha ka ira ta malanga. Manei neke tuhu mehau ara mala va ongahina ia ta ke age kalasa ghedi ghatu ira ta au pipiliga, ta ke age vovoho fifinina ghatu ira ta melu fifini, ta ke age kalasa ghedira ira ta au ka pekana ia mana ira keha noni,

Zone 1:41

Ka fafata ianimu lama, neke lao ghu Aduru la dufuina Saemoni ia tahina mane taghonai, neke la kahe ghua ghu iahi ka manei, “Ghai nato ke dufui ia Mesaea,” neke la ghua ghini (fafahakanana mu “Kraes” e ghua).

Zone 10:17

“Ia Mama e namaha ghinagu ara, vununa ara na va malumuau taghogu ta mala lemena, a mala boka ke hio leghui ghu ia doligu.

Zone 20:17

“!Oka posiau ghu go au ghu!” neke ghua Zisas, “vununa ara e deo nga gake vona leghu lao ghu ka ia Mama. !Nga o lao ka ira nogu mane ta nonofoau, o la va kahe ghidi ghu, ta leghu lao ini ara ka manei ia nogu Mama ara nia nomu Mama ghau, ia nogu God ara nia nomu God ghau e ghua!”

Zone 3:34

Ia neke tuhu mehaio God mu, e turi ka ira ngengenena God, vununa God ne vanani ia kamotona mana ka ia nona Tarunga.

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 4:26

Ira mane ginitaukela ka malau iahi peka dike va tanai magara; dike vato varighara ghu ira ta babatu mala taga tetuina ia Lod God nia ia nona Mesaea.

Ira Riva 4:27

“!Toraina hohoghona mamu, Herodi ghe Ponitiusi Paelati ia gavana, dike haedu varighara taremehadi mamu ira noni taka Ziu ghu nia ira noni Isiraeli e ghua ka malau leghaha iahi Zerusalemu mala taga tetuina Zisas ia nou Mesaea noke faetio.

Romu 12:9

Ghau o toraina namaha ghidi ira keha ka ia hohoghona. O hakohako ghini heve ia ta muko; o posi va gima ka heve ia ta veha.

Romu 15:13

Nai vanani ia God ia ta va rangerange ghau, e va foudu ghau ghu ka leghu va ghazaghaza nga nia bule nga, ka ia fafata va hohoghonai ghau manei, mala go boka la mo go foudu luavura taremehana rangerange ghu ka ia mana ia Tarunga ta Maduana.

1 Koriniti 1:9

God mu e hohoghona, nia manei lamu neke kudo ghauno ghau mala parekete taremehanana ia noda Lod Zisas Kraes ia Tuuna.

2 Koriniti 11:31

God ia nona Mama ia noda Lod Zisas ia ta mala helahela ghini fuludai, e avohi mo taghona ta turi hohoghoguna ara.

Galesia 5:22

Nga fuanana ia Tarunga Ta Maduana mu irahi: namaha, va ghazaghaza, bule, au afa, varisute, veha, au ka ia hohoghona,

Efesasi 1:3

Ghita da helahela ghini God ia nona Mama ia noda Lod Zisas Kraes, ia ta va beana ghita ka vahina leghutau ta veha nga ka malauo God fate, mala toka ghidira ira tarungada, vununa ghita mu nona noni Kraes.

Filipae 2:9

Ianimu la ghe, neke nai vonai nga God manei, ka ia papala va nonoghana fateni, neke vanani ghu ia babaolo ta varanga fuludu laorira ira keha leghu babaolo nga.

Hiburu 2:11

Hei ia ta va kalasari ira keha ka ira sasakedi nia heiri ira ta kalasa ghedi e ghua mu, edi meha ka kaike kokolona noni mo. Zisas e deo ghu ge haghava ghena ghu va kudo ghidi tahinara.

Hiburu 2:9

Nga ghita mu da finini Zisas, ia neke nai va hinaeio birusuna fafata tei ka pekadi ira engizeli. Nia ghatunaina God ne vanani ia varanga nia va vonavona, vununa manei neke hioi ia vavahagalana leme. God neke va podoli ia nona varisute ta vanada kakato ka ia lemena Zisas vanadira ira noni haroharo.

Hiburu 7:26

Zisas lamu kokolona Hiama Pauna ta boka vanadana ira ta malanga ghidi ghita. Vununa manei mu e maduana, e deo sasakena nia e deo muko ta boka va zutu ghinina, e ghua. Nia ghatunaina manei e au va ilolo ka ira ta sasake, nia God neke nai va vonai manei ka malaunao fate.

1 Pita 1:3

Helahela ghini God, ia nona Mama noda Lod Zisas Kraes. Vununa ka ia nona dudumana leghaha taghonai neke vanada ghu ghita ia doli foforu ka ia va tetuleghui Zisas Kraes ka ia leme. Iahi lama mu, ne va foudu ghitana ka ia rangerange ta au toghunaina,

1 Zone 1:3

Ghai na va kahe ghini ghau heve nato ke finina nia nomohina, mala ghau o age holara taremehamai ghu ka ia kaike au vari parekete varighara taremehana ia Mama nia taremehana Zisas Kraes ia Tuuna, e ghua.

Podolo Kave 2:15

Taghe iala molamo, keha nonira ka varihoataimu ghau no leghui ia vari va kakahei ka ia pukuna noni Nikolasi.