Hiburu 1:6 - Ia Foforuna Naiungene

⁶ Nia ka ia fafata tuhu mehai God ia va kenuna Tuuna ka malau iahi peka, manei neke kahe ghua iahi, “Ira leghu engizeli nga ka God, edi toraina va totoana ghini manei.”

Hiburu 1:6 Iomraidhean Croise

Matiu 24:14

Nonomoho Ta Veha ghinina Ravutu iahi mu, e age tuturi ghini beana ghu ghatu ka malau kamoto iahi peka, edi nomohi haro ghu ira leghu soloso nga; ianimu tuna ghe ge la meha nga tuna ghatu ia va nonoghana.

Zone 1:14

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Zone 1:18

E deo nga hei neto ke fini fatina mu God. Ia kaikena Tuuna ia ta torai God haro taghona nia ia ta torai namo ka ia Mama e ghua lama neto ke va podolo vanadana God.

Zone 3:16

Vununa God neke puina namaha ghidi fuludu ira noni ka malau iahi peka, neke tuhu hinae mehai ghu ia Tuuna kaikena, mala heiri haroharo ta va hohoghona ka manei e deo ghu boka age lemedira, nga edi age hioi ia doli ta au toghunai.

Romu 8:29

Ka heiri neke kusu avohoriro God ka ia tatanigaina, manei neke faete nenemari molamo ta mala meha taghe ia Tuuna ta ghuana maneri, mala ia Tuuna e mala meha doli kenuna ghu ka ira leghu tatahina nga ka giliona kaike butubutu.

Kolosi 1:15

Kraes mu ia totoghalena ta podolo ia God taka podolo ghu. Manei mu e au ka ia papala ta vona fuludu lao, e mana kaputuri ghu ira leghu neto ke va vuhariro nga God.

Kolosi 1:18

Kraes mu paunana ia tinina taghonai, ia kiloau. Manei lamu ta vanani dolina ia tini. Manei lamu ta kusu tetu leghuna ka ia leme taremehana ia doli soduai, mala manei e toraina age kenu va avoho ghu ka ira vahina leghutau nga.

Hiburu 1:5

Vununa God e deo ghe geke kahei ghu ka kaike engizeli ghu, heve neke kahei iahi manei ka Zisas: “Agho mu Tuugu ara, Ravata iahi ara nato meha nou mama agho.” God neke kahei molamo, “Ara a age nona mama manei ghatu. Nia manei e age Tuugu ara, e ghua.”

Hiburu 10:5

Neke ghua mamu ghe, neke kahe ghua nga iahi Kraes ka God, ka ia mehana manei ka malau iahi peka, “Ira veala nia kudoveha, e deo goke lao nanafa ghidi ghu agho, nga agho noke vanagu tiniguini mo, mala veala ghinina ara.

1 Pita 3:22

Ghatunaina mu Kraes neto lao ka malauo God fate. Nia manei ne nohe gheremena God ka ia nonohe papala ta mana. Nia ira leghu engizeli nga, nia ira ta auri mana mala babatu nia ira ta gigima e ghua, edi au haro ka pekana ia mana mala kopu manei.

1 Zone 4:9

God neke va fini ghini ghita ghu ia nona namaha vanada ghita, ka ia tuhu mehai manei ia Tuuna kaikena ka malau iahi peka, mala gada boka la hioina ghita ia doli soduai, ka heve neke riva ghinio manei.

Podolo Kave 1:5

nia neke mehao ka Zisas Kraes e ghua. Manei mu ia ta turi kave va lotori ia hohoghona ghini God ta boka mala va hohoghonai, ia va kenuna noni neke tetu leghuo ka leme, nia ia ta mane ginitaukela kaputuri ira leghu mane ginitaukela nga ka malau iahi peka, e ghua. Manei ne namaha ghini ghita neke va kalasa ghita ghu ka ira sasakeda, ka ia leme neke veala ghinio taghonai.