Hiburu 1:3 - Ia Foforuna Naiungene

³ Ia Tuuna mu ia pelarana varanga ka God nia manei mu e toraina varifata ka God, e ghua. Manei ne posi varighara ghidi va gima vahina leghutau nga ta au ka ia ngengenena ta toraina mana. Leghuna tihi kairi manei ira sasakedi noni, manei neke la nohe hinae ka ia nonohe va vonavona ka ia kame mautuna ia God ta varanga sugha vona, ka malaunao fate.

Hiburu 1:3 Iomraidhean Croise

Matiu 22:24

“Mane Vari Va Kakahei Agho,” dike ghua ghini, “Mosese neke va kahe ghini ghaina mu, ia mane neto deoi rekaha la neto age leme ghu, ia tahina mane manei ta ke age hioina ia fotati ta lemekai edi boka age nai vanani rekaha ghu maneri palu ia kusu keranau neke lemeo, neke ghua.

Maki 16:19

Ne nogha ghu ia Lod Zisas turi taremehadina maneri, neke to hio vonai ma ka malauo God fate, neke la nohe ghu ka ia nonohe va vonavona ka ia kame mautuna God.

Zone 1:14

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Zone 1:29

Ia keha ravata Zone neke finini Zisas la ghahe vai mehana ka taghonai, neke kahe ghua ghu iahi, “!Fini! !Ianihi ia Rekahana Sipisipi ka God mala veala, ia ta hio kairi ira sasake ka malau iahi peka!

Zone 1:4

Ka manei e au ia doli, nia doli ianimu tuna ge va meha fegala ghu ka ira noni haroharo, e ghua.

Ira Riva 2:33

Ghatunaina mu, manei ne nohe ghu ka ia kame mautuna God ia nona Mama fate, ka ia malau ta toraina heheluana nia mana, e ghua. Ia Mama neto vanani Zisas ia Tarunga Ta Maduana leghuina taghe neke naiungene ghinio taghona. Zisas neto ghasolo mehai ghu ka ghita Tarunga ianimu, taghe ta finini nia nomohi nia la ghau ghatunaina.

Ira Riva 7:56

“!Fini!” neke ghua Sitivini, “!Ara na finini ia malauna God fate ne tobehe na finini ghu ia Tuuna Noni, tetuna ka ia kame mautuna God!”

Romu 1:16

Ara mu e deo ga haghava ghini ghegu ghu ia Nonomoho Ta Veha, vununa ia Nonomoho Ta Veha mu ia mana ka God malana ia hio va doliri ira leghu noni ta va hohoghona nga: ghai ira Ziu nake kusu nomohina, ianimu tuna ghe neke ghua nga ghau ira noni taka Ziu ghu.

Romu 8:34

?Hei ghu mu ta age makutu ghita ta va kilasa ghitana ghu? E deo hei, vununa Zisas Kraes neke leme vanada ghita neke va tetu doli leghui ghu maladana ghita, ne nohe ghu ka ia malau va vonavona ka ia kame mautuna God tarai fanga mala toka ghini ghitana.

2 Koriniti 4:4

Satana ia god na malau ta muko iahi peka neto ke va nagoromori ira nganganadi heiri ira taka va hohoghona ghu, mala bara kaputina ia pelarana varanga ka ia Nonomoho ta Veha ta pelara laona ka fatedi maneri. Maneri e deo gedi va fafahaki ghu ia nonomoho ta tuturi beana ghini ghai ghinina ia pelarana varanga ka Kraes ia torai totoghalena taghonai God.

Kolosi 3:1

Vununa ghau neto ke va tetu leghu ghau ka ia foforuna doli taremehana Kraes, o nai laori ghu hihingomu nira ka ira leghutau ta au ka malauo God fate, ka ia ta nohe Kraes ka ia nona nonohe ginitaukela ka mautunao God.

Taetusi 2:14

Manei neke va malumi taghona ta mala leme vanadana ta hio va doli ghitana ghu ka ira leghu muko nga, nia ta mala va kalasa ghitana e ghua. Manei neke riva ghini iahi mala meha va nona noni ghitana taghonai, ta torai kuhana ghini hohoghonana ghu ia riva ta lotoro.

Hiburu 1:13

Nia God e deo kalasu kai geke kahei ghu ka kaike engizeli ghu, “Nohe ka kame mautugu ini, a vuhai nakairi ghu ara ira ta kana ghinigho, ka pekana ia mana mala kopu agho,” ta ghuana.

Hiburu 10:12

Nga Kraes ia noda Hiama Pauna mu neke veala ghini lao taghona ka God kaike fafata mo malana ia kamotona fafata maladira ira sasakedi ira noni. Ka ianimu tuna ghe, neke la nohe nga manei ka ia nonohe va vonavona, ka kame mautunao mo God.

Hiburu 12:2

Mala riva ghinina ghu iahi mu, ghita da nai va gima ageri ira hibada ka Zisas, ka ia ta tataniga nia hokoto ia va hohoghona ka ghita. Manei neke va malumi taghona ta va vavahagalana ta lemena ghu ka ia hekefalahata, deona ge nganai ghu ia haghava ta au ka kokolona leme iahi, vununa manei neke mato vai kenui ia va ghazaghaza ta age hioi taghona ghatu. Ghatunaina mu manei neto nohe ghu ka mautunao mo ia nonohe ginitaukela ka God.

Hiburu 4:14

Ghita da posi va gima ghu ka ia va hohoghona ta turi ghini tudu ghita. Vununa ghita mu da kuru ghita kaike hiama pauna ta varanga mala toka ghini ghitana. Hiama pauna iahi mu, Zisas ia Tuuna God neto ke vona laono ka malauo God fate.

Hiburu 7:27

Manei mu taghe ira keha hiama paudi ta rivai veala leleghu ravata eka ghua ghu. Maneri edi kusu rivai veala maladi ira sasakedi taghodi ghe gedi ke rivai veala maladi nga ira sasakedi ira noni. Nga Zisas mu neke veala ghini taghonai kaike fafata mo malanana ia kamotona fafata mala hio kairira ira sasakedi leghu noni nga.

Hiburu 8:1

Iahi ghu mu torai ghanonana ta turi ghini iahi ghai: Ghita mu e kuru ghita kaike Hiama Pauna ta nohe hinae ka ia malau va vonavona ka mautunao mo God ka malaunao fate.

Hiburu 9:16

Ka ia va vuvuirina varivehai mu, ia noni neke riva ghinio ia va vuvuirina varivehai e leme ghe ge boka age riva nga va vuvuirina varivehai ianimu.

Hiburu 9:26

Taghe ianimu geke ghua la manei, geala manei e toke mala vavahagala tehi fafatani ka ia tatanigaina va vuhaini God malau iahi peka dufu ghu ghatunaina. Ghe deo geke ghua ghu ianimu. Vununa Kraes neke podolo ma kaike fafata mo ka fafata iahi ghe neke nogha nga malau iahi peka mala hio kai sasakena ka ia veala ghini taghonai.

1 Pita 1:21

Ka Kraes noto meha va ghighiu lao ghu ghau ka God. Nia vununa God neke va tetu leghui Kraes ka ia leme nia vanani varanga leghaha neke ghua, o boka nai laori mo ghu ghau ka God ia nomu va hohoghona nia rangerange, e ghua.

1 Pita 3:22

Ghatunaina mu Kraes neto lao ka malauo God fate. Nia manei ne nohe gheremena God ka ia nonohe papala ta mana. Nia ira leghu engizeli nga, nia ira ta auri mana mala babatu nia ira ta gigima e ghua, edi au haro ka pekana ia mana mala kopu manei.

2 Pita 1:16

Ghai e deo gake suna va vuvuha turi ma ghu, ka ia fafata turi vanamu ghinina ia mana ka ia noda Lod Zisas Kraes nia ghinina eke la leghu meha keha ravatara ia ta ghua, e ghua. Ghai nake toraina fini hibamai ghinina ia varanga ta namanama ka manei.

2 Pita 1:17

Ghai nake au taremehana Zisas ka ia vuhuku beana. Ka fafata ianimu God ia nona mama neke ungene va vonavonai Zisas nia neke vanani ia varanga ta pelara, e ghua, neke nomohi ghu Zisas ngengene iahi sipana ka God kahe ghua laona iahi ka manei, “Iahi mu torai Tuugu Mane ia ta namaha ghini ara. Ara na puina va manemane ghini manei,” ia ta ghua. Nia ghai taghomai nake nomohi ngengene ani ka God ia ta puina varanga sughavona neke ngengene mehao ka kolangana fate.

1 Zone 1:7

Nga dato au la ghita ka ia fegala, taghe God la, ia ta au ka ia fegala ta ghuana, iamu tuna ghe gada kaike nga, ka ia parekete vari namo varighara taremehadira ira keha, va mamalahu ghitana ka ira leghu sasake nga ka ia busakana Zisas ia Tuuna God.

1 Zone 3:5

Nia ghau go avohi ghu neke meha mala hio kairira ira sasake ka ghita mu Zisas, e deo ghu sasake ta auna mu ka manei.

Zudi 1:25

Varanga ka manei ia kaikena God ia ta hio va doli ghita ka heve neke riva vanadao Zisas Kraes ia noda Lod. Uve, ia nona varanga, ia nona heluhelu, ia nona mana nia ia nona mana mala kopu, e nona ma manei lama ka ia tatanigaina, dufu ghu ghatunaina nia e au toghunai ghu. Amen.

Podolo Kave 3:21

Heiri ta posi va gima ta paufuri ghu ira muko, ara a va malumi manei ta mala nohena ka gheremegu ini ka ia nogu nonohe ginitaukela, taghe nake ghuao la ara nake posi va gimao ka ia nogu va hohoghona fihiki kairira ira muko, nake nohe hinaeo ghu ka gheremena nogu Mama ka ia nona nonohe ginitaukela.

Podolo Kave 4:11

“E fatau mo agho Lod nomai God, ta hio varangana, va vonavonana nia gigimana. Vununa agho noke va vuharira vahina leghutau nga dike vuha ghu ka ia nou lao nanafa, vanadina ia au nia doli.”