Hiburu 1:2 - Ia Foforuna Naiungene

² Nga ka va nonoghadi ravata irahi mu, manei neto va mehai ia Tuuna mala meha turina ka ghita. God neke faeti ia Tuuna ta mala hio kadolorira vahina leghutau nga nia manei neke riva taremehanana ia Tuuna va vuharira vahina leghutau nga ka kolangana fate nia ka malau iahi peka.

Hiburu 1:2 Iomraidhean Croise

Tatanigaina 49:1

Ianimu tuna ghe neke kudo varighara ghidi nga Zekopu ira tuunamane neke kahe ghua ghu iahi, “Au varighara lilohoau, a va kahe ghini ghau ghu heve ta sopai age dufuna ka ghau keha nareo:

Matiu 13:39

Ia kana neke numa ghidiro ira sesehu mu ia Faghinadi ira nazahi. Ia haharui tuna mu ia va nonoghanana malau iahi peka, nia ira ta mala haharui tuna mu ira engizeli, e ghua.

Matiu 17:5

Ghe ne kahe ghua ngama manei ianimu, to la meha toufu hinaeri ghu fatedi ia toba ta pelara. Ianimu tuna ghe, neke la kahe ghua meha nga tuna iahi ia leo ka tobana, “Iahi mu toraina Tuugu ara, na toraina va manemane ghini ghu. !O nonomoho ka manei!”

Matiu 21:38

“Ghe ira ta kopunai nunuma gerepi, di fini laoi ghu ia tuunamane mehanana, dike kahe ghua iahi, ‘!Ta meha ani ia ta mala ke hio kadoli kava iahi. Meha da atungi gheda ghu, e noda ghu tuna taghodai kava hio kadolo iahi ka manei!’ dike ghua.

Matiu 26:63

Ghe Zisas neke vanemoho ma neke au ghu. Kahe ghua lao tuna iahi neke ghua ia hiama pauna, “Ka ia babaolona ia God ta doli, agho o toraina va kahe ghini ghai meha ka ia va bebereana, neto agho la mamu ia Mesaea, ia Tuuna God,” neke ghua ghini.

Matiu 28:18

Ghahe namo lao tuna ge va kahe ghidi ghu neke ghua Zisas, “Leghu mana nga ka malauo God fate nia ka malau iahi peka e ghua mu, to ke vanagu ara.

Matiu 3:17

Ianimu tuna ghe neke la meha nga ia leo ka malauo God fate, kahe ghuana iahi, “Iahi mu ia Tuugu ta namaha ghini ara, na toraina va manemane ghini fuludu ghu.”

Maki 1:1

Aiahi e tataniga ghu ia Nonomoho Ta Veha ghini Zisas Kraes, ia Tuuna God.

Maki 12:6

Kaike va nonoghana noni neke auna nga mala va ghahe laoina manei, ia torai tuunamane ta puina namaha ghini taghonai lama. Ka ia nganganana manei mu neke ghua iahi, ‘Maneri edi toraina heluhelu ghini mo tuugu mane ini ghatu,’ neke ghua.

Maki 12:7

“Ghe ira mane ta kopunai nunuma dike kaheina, ‘To meha iahi tuna ia torai tuunamane ta ke mala hio kadoli malau iahi. !Aria da atungi ghu, e mala noda ghu taghodai kava hio kadolo ini!’ dike ghua.

Zone 1:10

Ia Saoro mu neke au mo ka giliona malau iahi peka, ghe malau iahi peka deo geke fini avohi ghu manei, geta neke riva ghini mo God malau iahi peka taremehana manei.

Zone 1:14

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Zone 1:3

Ira vahina leghutau nga mu manei neke va vuharira. E deo kaike leghutau va vuha ghu, neke deona ge riva ghini ghu manei.

Zone 13:3

Zisas neke avohi ia Mama neke to vananina ia mana mala kopu ghidira vahina leghutau nga, nia manei neke avohi haro molamo neke to sipa mehana ka God taghonai, nia take mala leghu laona manei ka God, e ghua.

Zone 13:32

Nia ara ia Tuuna Noni nato va podoli la ia varanga ka manei, taghonai God e age va podoli ghatu ia varanga ka ara. E deo ghu manei ge age mamahuge ghu riva ghinina ianimu.

Zone 15:15

Ara mu, e deo ghu ga va kudo ghini ghau noni mala varituhu ghu, vununa ira noni mala varituhu mu edika avohi ghedi ghu heve ne riva ghinina ia faghinadi. Nga ghau mu, ira baere a ghua ta va kudo ghini ghauna ara, vununa ara nato ke va kahe ghini ghau ira leghu turi neke va kahe ghinaguro nga nogu Mama.

Zone 16:15

Ira leghu ta nona nga ia Mama mu, nogu ara. Ne ghua mamu ghe, na kahei nga ara mu, ia Tarunga e meha va podolo vanamu ghau ira turi ta hiori manei ka ara, na ghua nga.

Zone 17:2

Taghe noke vanaguo la ia mana mala kopu ka fatedi leghu noni nga a ghua, a boka ghu molamo ara ta vanadi doli soduaina, heiri haroharo noke vanaguo agho.

Zone 3:16

Vununa God neke puina namaha ghidi fuludu ira noni ka malau iahi peka, neke tuhu hinae mehai ghu ia Tuuna kaikena, mala heiri haroharo ta va hohoghona ka manei e deo ghu boka age lemedira, nga edi age hioi ia doli ta au toghunai.

Zone 3:25

Kaike mane Ziu neke tatanigai vari tuufuai taremehadi ira mane ta nonofoi Zone ghinina ia ghaghahena mala seseleri ira tinidi leghurira ira puhi mala leghuri ka ira Ziu.

Zone 5:26

Ia Mama e aui mana mala vanadi doli soduaina ira noni. Nia manei neto ke vanagu mana ara ia Tuuna ta mala vanadi doli soduaina molamo ira noni.

Zone 5:27

Ia Mama neke vanagu molamo ara ia mana ta mala faterina ira noni, vununa ara mu ia Tuuna Noni nake sipa mehao ka taghonai God.

Zone 9:29

Ta avohina ghai mu, God neke turi ka Mosese, nga mane iahi mu, ghai e deo ghe ga avohi ghu hae mo neke la sipa mehana.”

Ira Riva 10:36

Ghau to avohi ia nonomoho neke va ghahe laoio God ka ira nonidi Isiraeli, tuturi ghinina ia Nonomoho Ta Veha ghinina ia bule ka Zisas Kraes ia Lod ka ghita haroharo.

Ira Riva 2:17

“‘Iahi mu ta age riva ghinina ara ghatu ka ira va nonoghadi ravata, ne ghua God: ara a ghasolo vanadi lao ghatu ira noni haroharo ia nogu Tarunga. Ira tuumu mane nia ira tuumu ghase, edi age tuturi ghini kave ghatu ia nogu nonomoho, ira mane foforu ka ghau edi age fini hahaima ghatu, ira mane kusu ka ghau edi age fini epu baghunai ghatu.

Romu 1:4

Nia ia Tarunga Ta Maduana haro, neke kahe kave va gigimai ta Tuunana God mu Zisas ka ia tetuleghu manei ka ia leme: Zisas Kraes ia noda Lod.

Romu 8:17

Nia vununa ghita mu da nona rekaha manei, da age taghori ghu ghita mu ira veha ta suteri manei maladira ira nona noni, nia ghita da age tagho taremehana haro molamo Kraes heve neto ke nai vananina manei God, e ghua; vununa dato holara va vavahagala taremehana la ghita Kraes, ghita da age holara taremehana molamo manei ka ia nona pelarana varanga.

1 Koriniti 2:7

Deo, ghai mu na tuturi ghini ia popoikana avoavoho ka God, kaike avoavoho neto ke poika ma neke mehao ghu kusu nakai ghini puhi ta gigimana God malanana ia veha ka ghita ghe neke tatanigao nga malau iahi peka.

1 Koriniti 8:6

ghe ghita da avohi mo mu ta auna kaike God mo; ia Mama neke va vuhariro vahina leghutau nga, ia ta au vanani ghita; nia kaike Faghina mo mu ta auna. Manei mu Zisas Kraes ka neke va vuhariro God vahina leghutau nga nia ka manei neke vanadana God ia doli, e ghua.

Galesia 4:4

Ghe ne dufu ghu ia torai lotorona fafata, God neke tuhu mehai ia Tuuna, neke doli ghu ka kaike fotati, ka pekana ia vetula ira Ziu,

Efesasi 1:10

Iahi ghu mu vatovatona ka manei: Ka ia lotorona fafata ta naini taghona, manei e age hio varighara ghidi ghatu ka pekana ia mana mala kopu Kraes ira vahina leghutau nga ka malauo God fate nia ka malau iahi peka, e ghua.

Efesasi 3:9

God neke va vuhariro vahina leghutau nga, neke kabai ghinagu ta va podolo vanadina ara ira noni haroharo ia popoikana vatovato neke poikai ma neke mehao ghu manei ka ia tatanigainani.

Hiburu 1:5

Vununa God e deo ghe geke kahei ghu ka kaike engizeli ghu, heve neke kahei iahi manei ka Zisas: “Agho mu Tuugu ara, Ravata iahi ara nato meha nou mama agho.” God neke kahei molamo, “Ara a age nona mama manei ghatu. Nia manei e age Tuugu ara, e ghua.”

Hiburu 1:8

Nga ka ia Tuuna mu, ia saoro ne kahe ghua iahi, “God, ia nou ravutu e age au toghunai. Ia ghaghahena nou kopu agho ka ira nou noni e lotoro.

Hiburu 11:3

Ka ia noda va hohoghona lamu da va fafahakina ghita malau iahi peka mu neke vuha ka ia ungene va gigima God, ta ghuana. Heve ia ta finini ghu ghita mu neke riva ghini ka heve ia ta deo gada boka fini ghu ghita.

Hiburu 2:3

?Heve, da boka peloho ghini mo ghita ia va kilasa, dato deo la gada va ghunaghunai ghu ia leghahaina ghaghahena mala hio va doli ghita? Ghaghahena mala hio va doli ghita iahi mu neke kusu kahe kavei taghona ia Lod Zisas, ghe dike va kahe ghini ghita nga ira dike nomohio.

Hiburu 3:6

Nga Kraes mu neke kaike Tuuna ta riva hohoghona ka fatena ia suga God. Ghita ghu mu sugana ka God dato posi va gima la ka ia noda va hohoghona nia rangerange ghidira ira naiungene ka Kraes ta avohori ghita age hiorira ghatu.

Hiburu 4:14

Ghita da posi va gima ghu ka ia va hohoghona ta turi ghini tudu ghita. Vununa ghita mu da kuru ghita kaike hiama pauna ta varanga mala toka ghini ghitana. Hiama pauna iahi mu, Zisas ia Tuuna God neto ke vona laono ka malauo God fate.

Hiburu 5:8

Neke Tuuna mo God manei ghe, ia vavahagala neke daparino manei neke toka ghini mala avohina ia hangana mala torai leghuina God.

Hiburu 7:28

Ia vetula ka Mosese mu neke faeteri ira noni ta sasake mala meha hiama paudira. Nga ia va bebereana ka God neke mehao leghuna ia vetula mu, neke faetina ia Tuuna mala meha kaike Hiama Pauna ta toraina lotoro fuludaina.

Hiburu 7:3

E deo tuturi ta auna mu ghinina hei mo nona mama nona ukena manei nia heiri mo faanara manei, e ghua. E deo haro ge avohi mu nihao neke dolina nia neke lemena manei. Manei mu taghe ia Tuuna God neke ghua ghu, e kaike hiama toghunai ghu.

Hiburu 9:26

Taghe ianimu geke ghua la manei, geala manei e toke mala vavahagala tehi fafatani ka ia tatanigaina va vuhaini God malau iahi peka dufu ghu ghatunaina. Ghe deo geke ghua ghu ianimu. Vununa Kraes neke podolo ma kaike fafata mo ka fafata iahi ghe neke nogha nga malau iahi peka mala hio kai sasakena ka ia veala ghini taghonai.

1 Pita 1:20

God neke nai hihingona sepaoni ta mala tuhu mehaina Kraes malana mamu riva iahi, ghe neke va vuhai nga malau iahi peka. Nga ghatunaina ka va nonoghadi ravata irahi mu, manei neto tuhu mehai malana ia veha ka ghau ka malau iahi peka.

2 Pita 3:3

Va kenunana mu ghau o toraina va fafahaki ta age aura ka ira va nonoghadi ravata, ira noni ta leghuri ma ira nodi lao hihingo taghodi ghatunaina ta vuhai ke la leghu meha ghu Zisas. Noni taka va vonavona irahi ghu mu, edi age vela ghini ia naiungene ka Kraes.

Zudi 1:18

Maneri dike kahe ghua iahi ka ghau, “Ghe geke la leghu meha nga Zisas ka ira va nonoghadi fafata, keha nonira edi age vela ghini ia Lod nia ira nona noni e ghua nia edi age leghuri haro ira lao hihingo ta muko ka taghodi, e ghua,” dike ghua.