Hiburu 1:1 - Ia Foforuna Naiungene

¹ Sepao laoni God neke va ghahe laori ira porofeti mala la turina ka ira faada tehi fafatani nia ka tehi ghaghahedini, e ghua.

Hiburu 1:1 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Tatanigaina 6:3

Kahe ghua tuna iahi neke ghua Iahova, “Ara e deo ga age va malumuri ghu ira noni ta age doli toghunaina, vununa maneri mu di vilahi ma. Ghatunaina e vai vona ghu maneri deo gedi boka age au fuludu laoi ghu 120 komuhu.”

Luku 1:55

Vununa manei neke naiungene vanadi Ebarahamu nia ira nona rekaha e ghua, ira faada, ta mala dudumana ghidi toghunaina.”

Luku 1:72

Manei neke dudumana ghidi ma neke meha ghu ira faada ka ia sutei ia nona varivehai ta maduana taremehadi maneri,

Luku 24:27

Ianimu tuna ghe neke va kahe ghidi nga Zisas ira tuturi ka ira kakangava Mosese, nia ira leghu porofeti nga e ghua, va fafahakarira leghu neke kaheriro nga ka ira Kakangava Ta Maduana, ghininana taghonai.

Luku 24:44

Ianimu tuna ghe neke kahe ghua nga iahi Zisas, “Ka ia au taremehamu ara sepao, ara nake va kahe ghini ghau ta torai meha hohoghodira ghatu ira leghu neke kangavariro nga Mosese, ira porofeti, nia ka ira Samu e ghua, ghinaguna ara.”

Zone 16:13

Ka ia la mehana ia Tarunga ta va podoli ia hohoghona ghinina God, manei e age babatu ghini ghau mala avohorira vahina leghutau ta hohoghodi nga. Manei e deo ge age ngengene ghu ka ia nona mana mala kopu taghonai, nga manei e age kahe ghini ghau heve neto ke nomohoriro ka God nia e age va kahe ghini ghau ira heve leghutau ta la meha nga, e ghua.

Zone 7:22

“Ghe ghau no riva molamo ka ia Ravata Mala Maghoso leghuina ia ungene va gigima ka Mosese ghinina ia papahe va ghilaghila. Ghe eka Mosese ghu mu neke vanamuna ungene va gigima iahi nga ira faamu ghau mo.

Zone 9:29

Ta avohina ghai mu, God neke turi ka Mosese, nga mane iahi mu, ghai e deo ghe ga avohi ghu hae mo neke la sipa mehana.”

Ira Riva 13:32

“Ghatunaina mu ghai palu Banabasi ghu, na hio mehaina ia Nonomoho Ta Veha ka ghau ghinina ia naiungene ka God neke vanadio ira faada meha.

Ira Riva 2:30

Ghe Deveti mu neke mane porofeti, neke avohi ghu ta naiungenena God ka ia va bebereana vananina taghonai Deveti, ghinina kaike ghu ka ia pagusu taghonai Deveti e ke meha mane ginitaukela ghatu, neke ghuao.

Ira Riva 28:23

Nakaini tuna kaike ravata mala ke meha dufuina Polo, gedi la meha ghu tuna ka ravata ianimu ira tehi noni ka malau neke auno manei, dike ghua. Tatanigai ka ia fufughona dufu ghu ka ia saighona, manei neke va fafahaka vanadi ia Ravutu ka God va dedekena ka ia vetula Mosese nia ka ira buka ira porofeti e ghua, mala va sisiva fihikirina maneri ta va hohoghonaina ghu Zisas.

Ira Riva 3:21

Manei e toraina au tudu ma e au ghu ka malauo God fate, e vuhai dufu ghu ia fafata ta ke age va foforu leghuri God ira sare leghutau haroharo, taghe neke naiungene ghinio manei sepaoni mala kahe kaveina ira porofeti ka ira noni. Iahi mu e mala va tana ghini ghu Zisas, ia ta ke la leghu meha ta meha kopuna ghidi ghu ira nona noni.

Hiburu 11:18

geta kahe ghua iahi God ka manei, “Ka Aesake lamu ta age auna ghatu ira pagusu ka agho nake naiungene ghidio ara ka agho.”

Hiburu 11:2

Ka ia nodi va hohoghona lamu, neke veha vananina God ka ira nonidi sepao.

Hiburu 12:25

O balau, oka pake ghemu ghu nomohina God ta ngengene ghaunia. Ira nonidi sepao dike deoro gedi nomohi ghu ka ia fafata kahe ghidi va gigima meha ka malau iahi peka, dike deo gedi boka peloho ghini ghu ia vari va kilasa ka God. ?Heve da ghua ghu ngaini gada boka pelo kaini nga ia vari va kilasa, dato huhughi la ghita manei ka ia fafata ngengene va gigima ghita meha manei ka malaunao fate?

Hiburu 2:2

Ia nonomohona ia vetula ka God dike hioio ira engizeli dike vanadio ghu ira faada mu e hohoghona. Heiri dike deoro gedi leghui ghu mu, God neke vanadi ia va kilasa ta fata ka huhughu iranimu maneri.

Hiburu 2:3

?Heve, da boka peloho ghini mo ghita ia va kilasa, dato deo la gada va ghunaghunai ghu ia leghahaina ghaghahena mala hio va doli ghita? Ghaghahena mala hio va doli ghita iahi mu neke kusu kahe kavei taghona ia Lod Zisas, ghe dike va kahe ghini ghita nga ira dike nomohio.

Hiburu 3:5

Mosese mu neke kaike maneriva neke riva hohoghonao ka ia suga God. Ia riva ka manei mu, neke mala tuturi ghidi ira leghutau ta mala age turi ghidi God keha nareo.

Hiburu 4:8

Vununa geke to vanadi maghoso la Zosua ira noni Isiraeli ka ia ghaghahena neke naiungene ghinio God, geala God to deo ke turi ghinina keha ravata mala maghosonani take la mehana.

Hiburu 5:5

Taghe iala neke ghua molamo Kraes deona geke va vonavonai ghu taghonai mala meha hiama paunana. Nga God neke kahe ghua iahi ka manei, “Agho mu Tuugu ara, Ravata iahi, ara nato meha nou mama agho.”

Hiburu 9:19

Vununa ka ia leghuna izumuri Mosese leghu ungene va gigima nga ka ia vetula God vanadira ira leghu noni nga, manei neke hioi kaike hobona hisopu neke va piliga ghini lao ghu ka kalana sipisipi ta wulu omo'omo nia va boesi tuna ka busakadi rekahadi bulumakau nia gouti ta heni taremehana kolo, neke ghua. Ianimu tuna ghe neke va kefuru ghini lao nga ia buka vividuhuna ia vetula ka God nia ira noni haroharo, neke ghua.