Yohanis 15:3 - Kisar

³ Enla mi eniyenihe mim mouwedi me'e, ono Ainu'u wanakunu man Ya ala ki mi na'amouwedi mi me'e.

Yohanis 15:3 Iomraidhean Croise

Yohanis 13:10

Yesus na'aheni, “Ri ma narohedi me'e, onne mouwedi me'e, de yono wuri kemen me'e naukara wuri ein mehe. Mi eniyenihe mouwedi me'e, maa lolo mi eniyenie ri aile ma kan mou!”

Yohanis 15:2

Mi eniyenihe mamwali Ya'u hanan, la hanan ma kan woi Ainu'u Papa sopoledi, la hanan man woi, Ai na'amou leke eren wowoi.

Yohanis 17:17

Ya apanak Papa nodi Lirna Wawan ma namlolo wake'e hi'i hi ramwali Pap Nin ri mememen man moumou dewdewe.

Yohanis 17:19

Ya ala I kem'u Papa, la lernohi Pape Nina honorok aki mehe, leke hi onne ramwali Pape Nin ri mememen man lernohi O mamani, ono hi akin naili'il Pape Lirna Wawan ma namlolo eni.”

Epesus 5:26

An hi'i onne leke na'ono ika kamwali Nin ri aimehi, la Ai nodi oir unulu tanade noro Lirna Wawan na'amou na'adewe iknik morimori nano dohohala.

1 Petrus 1:22

I wal'uhe, lere eniyeni mim derne makaniyedi Makromod Lalap Lirna Wawan ma namlolo me'e, de mi kemmu ra'amou ra'adewedi nano dohohale me'e. Ende mi ida ma nararamyaka ida molmolle ri noro lodon walin mememen. Onne penia ya'u nounaku mi leke mi ida ma naramyak ida eren wawa'an modi honorok aki man mou,