Yohanis 1:6 - Kisar

^6-7 Enine Makromod Lalap hopon ri ida ma naran Yohanis mai noho wawan namwali ma na'amou na'aropo wanakunu ma na'ono ropropo onne, leke ri na'akeme man derne ainina wanakunu onne akinhe naili'il ropropo onne.

Yohanis 1:6 Iomraidhean Croise

Matius 11:10

Nonolu eni Makromod Lalap wekel Yohanis ma namwali Nin hophopon eni lolo Horok Lap na'ahenia, ‘Ya'u hopon Ainu'u ma nodi Lir'u nolu mai na'ahari kalla leke Om lole.’ ”

Matius 21:25

Yohanis onne lernala molollo nano ewi nodi oir ulutada ri? Nano Makromod Lalap, ee nano ri mormorie?” Kame'ede ida ma nawalha lira noro ida ra'ahenia, “Ik ka'aheni nodi Makromod Lalap Nina molollo, enlo'o na'ukani ik, ‘Alhi'ihepe mi akim ka naili'il Yohanis nina wanakunue?’

Lukas 1:13

Enimaa hophopon a'am raram onne ne'el Zakaria na'ahenia, “Yono mamkauk! Makromod Lalap dernedi numa lir napanak me'e. Na'amoli o houm Elisabet moriyana tatana mo'oni ida, la om waki naran Yohanis.

Lukas 1:76

Enla ya an'u Yohanis o, na'amoli rin wekwekel o nabi man ilitolle Makromod Lalap Man Kulu Narehi Man Lapa Narehi eni, ono o penia moluwedi Makromod leke ma'ahari la ma'akene kalla An lole.

Yohanis 3:28

Mi mehem dernedi nano nonolu ya'u kukunohi mouropo nahenia ya'u eni ka amwali Kristus, maa Makromod Lalap hopon ya'u mai nolu hari kalla Ai.

Honowok Nair 13:24

Yesus kan mai wakukuwala ri makun, Yohanis hopon ri mormori noho Israel na'ahenia, ‘Herredi minim morimori ma ka namlolo, wali derne makani Makromod Lalap, la mai oir leke ulutada mi.’