Yohanis 1:1 - Kisar

¹ Nonolu wake'e noho eni ka rakuku rawau makun, Ai ma namwali Lirna Wawan aiyedi me'e, la Ai noro Makromod Lalap aile wewerre, la Ai onne Makromod Lalap haenhi.

Yohanis 1:1 Iomraidhean Croise

Matius 1:23

“Dernala! Maekrara ida ma kan ho makun nornoro raramne, de moriyana mo'oni ida. Tatan eniyeni rin waki naran Imanuel.” Nano wanakunu Ibrani, naran ‘Imanuel’ napa'ahne, ‘Makromod Lalap aiyedi ik leken kalarna me'e.’

Lukas 24:53

Akilere hir lawuku lolo Makromod Lalap Nin Romleu Lape ra'uli rasa'a Ai mamani.

Yohanis 1:14

Lirna Wawan onne namwali ri mormori naise maika, de Ai kemen naise ik kemen haenhi, la An mai nano a'am raram minle ik leken kalarna. Ik do'onedi Nina ke'eke'el an'anha man ma'aruru wake'e man An kokala ono namwali Anan Kuru Mehe Lai Mehe, la An mai nano Aman, Makromod Lalap. Nano Ai penia ik do'on kauroin inhawe ma namlolo kokkoo lolo Makromod Lalap leken kalarna, la ik do'on kauroin Nin rere'e harharu man penpenu kemkeme maika.

Yohanis 1:18

Ri mahaku kan do'onala Makromod Lalap makun, kokoko Anan Kuru Mehe Lai Mehe. Ai onne Makromod Lalap, la An min wewerre noro Aman lolo a'am raram. Ai penia man loikaru Makromod Lalap Nina honorok panaeku maika, leke ik kauroin Makromod Lalap haenhi.

Yohanis 1:2

Nano nonolu wake'e onne Ai noro Makromod Lalap aile wewerre.

Yohanis 16:28

Ya'u mai nano Ainu'u Papa leke minle noho wawan eniyeni, maa ors eni Ya amhara noho wawan wali laa Ainu'u Pape.”

Yohanis 17:5

Enla Ya apanak Pape ma'akulu ma'alap Maya'u lolo Papa leken kalarna, leke Ik min lolo siksika lerlere raram wali'ur naise nonolu lere noho wawan ka namwali makun.

Yohanis 20:28

Tomas na'aheni, “Makrom'u! O eni Ya'u Makromod Lalap!”

Yohanis 8:58

Yesus na'aheni wali'ur, “Loi honorok wawa'an Ainu'u panaeku ma na'ono eniyeni: Lere kar mori Abraham makun, Ya'u aiyedi me'e!”

Roma 9:5

Hi onne upun a'an, melle Abraham, Isak, noro Yakup. Enla Kristus man Makromod Lalap kikan namwali Rai mai noho wawan, Ai penia hi upun anan haenhi! Kristus onne Makromod Lalap man kulu narehi lapa narehi na'akeme, de mai ik ka'uli kasa'a Ai rakan laa ewi-ewi. Amin.

Epesus 3:9

Ai naledi honowok ya'u leke ya'u konohi mouropo ri na'akeme Makromod Lalap Nin panaeku hi'i ri Yahudi roro ri ma ka namwali Yahudi enihe ramwali mahaku lolo Yesus. Nano nonolu rakan lere eniyeni Makromod Lalap man hi'iyedi ha wo'ira na'akeme kan hari Nin panaeku onne makun.

Pilipi 2:6

Kade Ai namnenehe noro Makromod Lalap, maa Ai ka nasala kerkerhe Nin molollo mori naisa Makromod Lalap,

Kolose 1:15

Ik po'on Kristus, ik do'onedi Makromod Lalap man ri kan dodo'onnala makun eni. Ka rakuku noho la ka raleu a'am makun, Kristus aiyedi me'e, la Ai nodi molollo ha rakukuku la raleleu na'akemeni,

Kolose 1:17

Ha wo'ira onne ka namwali makun, Kristus aiyedi nano nonolu me'e, la Ai nodi molollo ha wo'ira na'akeme leke yon yak.

1 Timotius 3:16

Memen Makromod Lalap Nin panaeku man ma'aruru wake'e. Nano nonolu eni ri ka nauroin Nin panaeku onne, maa lere eni Makromod Lalap nalhariyedie maika me'e. Eniyeni namwali panaeku ma na'ono nano Nin panaeku man ma'aruru onne: Makromod mai nalhariyedi kemen namwali ri mormori. Roh Kudus na'amou na'aropedi Ai leke ri nauroin Ai onne inhoi, la hophopon a'am raram meher do'odo'on Ai. Ri naderre nadauledi Ai Naran lolo noho-noho laa ri ma ka nauroin Ai makun. Lolo noho wawan na'akeme ri akin naili'iledi Ai, la Makromod Lalap kikanedi Ai laa a'am raram me'e.

Titus 2:13

Ik min mai noho wawan eni, ik kamkene weilapan Lere Alam man ma'aruru wake'e. Rakan Lere Alam onne Yesus wali mai noho wawan wali'ur. Enla ri mormori noho wawan na'akeme lo'o po'on ke'eke'el an'anha ma narehi nalewen nano Yesus Kristus ma namwali ik Makromod Lalap Man Lap Narehi, Man Huri We'er ika nano dohohala nin molollo.

Ibrani 13:8

Yesus Kristus onne kar herre nano nonolu, lere eni, la rakan laa ewi-ewi.

Ibrani 7:3

Ik ka kauroin Melkisedek eni upun a'an noro nin ri leleher inhoi, de ik ka kauroin ainina lere alam momori noro makmaki, maa ai eni namwali imam man kulu narehi naise Makromod Lalap Anan, ono ai namwali imam laa ewi-ewi haenhi.

2 Petrus 1:1

I wal'u na'ahoru ma noro mayai akin naili'il kokkoo Yesus Kristus! Ya'u eni Simon Petrus, la ya'u hi'i horok eni aku ki mi ma akin naili'il Kristus, la ya amwali Ainina hophopon wahwahan noro Nin hophopon ma nodi Lirna Wawa'an eni. Yesus Kristus eni namwali ik Makromod Lalap noro idewe iknik Rai man huri we'er ika nano dohohala nin molollo. An hi'i ik akin naili'il wawa'an, ono Ai penia man hi'i ha ma namlolo mamani.

1 Yohanis 5:20

Maa ik kauroin Makromod Lalap Anan maiyedi me'e haenhi, la nala woroin maika leke kauroin nahenia Ai penia ma namlolo. Ik moriwuku noro Makromod Lalap ono ik moriwuku noro Anan Yesus Kristus. Ai penia Makromod Lalap ma namlolo, la ma nala or'ori dardari ma kan horu.

1 Yohanis 5:7

Kunuku maka wokelu aile: Makromod Lalap Nin Roh, oir, noro rare. Wokelu eniyeni rir panaeku namnenehe la konohi maika kokkoo nahenia Makromod Yesus Makromod Lalap Ananne.

Wahyu 1:11

na'aheni, “Horokedi inhawa man om dodo'on, la aku horok onne laa kerei wo'ikku raramne enihe: Epesus, Smirna, Pergamus, Tiatira, Sardis, Piladelpia, noro Laodikia.”

Wahyu 1:17

Ya'u do'on ri onneni ne, ya alwali yawa ahinononow naise ri man makie, maa Ai nala liman malanna parhu maya'u na'aheni, “Yono mamkauk! Ya'u penia ma nolu, man kauli'ure,

Wahyu 1:2

Enla ha wo'ira na'akeme i dodo'on dederne ya'u kukunohi la horok mouwedi. Ha na'akeme eni Makromod Lalap Lirna noro idewe inhawa Yesus Kristus nalhari maya'u.

Wahyu 1:8

Makromod Lalap na'aheni, “Ya amwali Alfa noro Omega. Ya amwali man aile nano nonolu, man aile lere eniyeni, la man aile laa ewi-ewi. Ya'u peni Makromod Lalap Ma Nodi Molollo Narehi Nalewen Na'akeme.”

Wahyu 19:13

Nainair An nanair onne, rala kounedi rara me'e, la hi rapolu Ai ‘Makromod Lalap Lirna Wawan.’

Wahyu 2:8

Enime'ede Makromod Lalap Anan hopon ya'u na'ahenia, “Horokedi I Lir'u eni aku laa Makromod Lalap Nin hophopon man leluwai makrana kerei raramne lolo kota Smirna ma'aheni: Wanakunu Lirna eniyeni nano Makromod Yesus ma namwali ma nolu, la man kauli'ur, man makiyedi, maa mori wali'ur. Ai na'aheni,

Wahyu 21:6

Kame'ede Ai na'aheni wali'ur, “Ya'u hi'i ha rahu horuwedi me'e! Ya amwali Alfa la Omega, Man Dedesne la Man Horu. Inhoi man marou, Ya ala oir hi nano oir makan ma nala or'ori dardari ma kan horu eni. Oir onne Ya ala me'e, ka apanak mim pair.

Wahyu 22:13

Ya amwali Alfa noro Omega! Ya amwali Man Dedesne la Man Horu! Ya amwali Ma Nolu la Man Ka'uli'ur!”

Wahyu 3:14

Makromod Lalap Anan hopon ya'u wali'ur na'ahenia, “Horokedi I Lir'u eni aku laa Makromod Lalap Nin hophopon man leluwai makrana kerei raramne lolo kota Laodikia ma'aheni: Eniyeni Makromod Yesus ma Naran ‘Amin’, Lirna. Ai onne man kuku maka ma namkene wakunu panaeku ma namlolo mamani, la lolo Ai mehe Makromod Lalap hi'i hahaa na'akeme.