Wahyu 10:6 - Kisar

⁶ la kikan nou nodi Makromod Lalap Naran, ono Ai penia man mori laa ewi-ewi, la ma nakuku noho ma naleu a'am noro ne'en raram na'akeme. An nou na'ahenia, “Eih! Makromod Lalap kan lapan me'e!

Wahyu 10:6 Iomraidhean Croise

Wahyu 1:18

la man mori eni. Po'onala! Lere man laa onne, Ya'u maki, maa lere eni Ya'u mormori laa ewi-ewi. Ya asala konse rodi hari makmaki onno nin nika, leke ri man makiyedi ramhara enne la mori wali'ur.

Wahyu 12:12

Ende mi man minle a'am raram na'akeme, mi akim nahuwa'anedi here! Maa mi man minle noho wawan la lolo lour na'akeme mayo'o, ono Hayakyak Makromon kopuredi mai lolo mi herne kalarne me'e, la ai na'ahan wake'e ono nauroinedi nina lere alam ka nammori me'e.”

Wahyu 16:17

Onne horu, hophopon rew'ikku nine koledi nin manuk ihin laa hulik loiloi kakam larlari. Enla ya'u derne Lir lapida namhara nano Makromod Lalap Nina naikoronno man aile nina Romleu Lap raramne na'ahenia, “Ha rahu na'akeme kukkuku noknokor me'e!”

Wahyu 21:6

Kame'ede Ai na'aheni wali'ur, “Ya'u hi'i ha rahu horuwedi me'e! Ya amwali Alfa la Omega, Man Dedesne la Man Horu. Inhoi man marou, Ya ala oir hi nano oir makan ma nala or'ori dardari ma kan horu eni. Oir onne Ya ala me'e, ka apanak mim pair.

Wahyu 4:10

Hi ra'ul'uli rasasa'a ne, ri leleher lalap werro'o wo'akka onnenihe laa rahinonouwedi yawa, la ra'uli rasa'a Ai Man Mori laa ewi-ewi haenhi. Hi rala rira karpuse rodi mahe hihi'ie loile Nin naikoronno kalarna ra'aheni,

Wahyu 4:11

“Makrom'ee! O penia Makromod Lalap am horhawe! O penia ma namlolo de Num molollo aile kokala ainim ul'uli sasa'a na'akeme. Om hi'i ha naakeme namwali, la nano Num raram nodi penia umupala ha rahu na'akeme.”

Wahyu 4:9

Ha mormori wo'akka onne ra'uli rasa'a, ra'akulu ra'alap Oin Naran, ra'aheni trimkasi laa Ai ma naikokoro lolo Rai Nin naikoronno la Man mori laa ewi-ewi onne.

Wahyu 6:11

Makromod Lalap nala hi dohodoho rain wawarhe man sorsoru la na'aheni, “Warnala tarana nanu ono ri man ailanna mahar resne minim man howok wali enihe, naise nonolu hi resnedi mi, la man ailanna onne ka resne mi walinhe nokor makun.”