Wahyu 1:3 - Kisar

³ Inhoi lese horok ma namwali nabi lirna eni lolo heri kalarna, ai akin nahuwa'anedi. Enla inhoi derne nakanie, ai akin nahuwa'anedi haenhi, ono ka nalo'ol ha eniyenihe na'akeme namwali me'e.

Wahyu 1:3 Iomraidhean Croise

Matius 24:15

“Lere onne mim do'on ‘Ha Man Ailanna ma na'ihoru na'idaru Makromod Lalap mamani’ namriri lolo Moumou Dewdewe Onno. Nonolu nabi Daniel konohiyedi ha onne namwali. (Ri man lese horok eniyeni loi honorok wawa'an panaeku eniyeni.)

Lukas 11:28

Enimaa Yesus na'aheni, “Ma namlolo, inhoi man derne Makromod Lalap Lirna Wawan la hi'i wewhe, ai penia man akin nahuwa'an narehi.”

Roma 13:11

Wa'an rehi hi'i ha wo'ira na'akeme man ya'u konohiyedi mi me'e. Yom maise ri ma namkukuru, maa mamakedi herre, ono lere alam Yesus mai wali'ur na'akeki rakan me'e. Nano lere dedesne ik akin naili'il Ai rakan lere eniyeni, mi mauroinedi nahenia lere alam An mai nala or'ori dardari maika eren na'urani me'e.

Roma 13:12

Noho na'ikeki ropo me'e, de yon ik lernohi hini'i man metmetek nine me'e, maa hi'i ha man wa'an mamani. Lo'o ik hi'i wewhe ropropo nine, onne naisa kasala ilak raa ma namlolo me'e.

1 Petrus 4:7

Noho eniyeni nin man horu na'uraniyedi me'e, de madiyaka mi kemen la loi honorok wawa'an, leke yon maprehen hi'i lir napanak.

2 Petrus 3:8

I wal'u na'ahoru man ya aramyaka! Yom hamlinu panaeku ma na'ono eniyeni. Makromod kan hamlinu Nina nou, kade ri aile man pene'ek nahenia nalo'oledi me'e Ai kan mai de lo'o Nina nou onne ka namwali. Onne ka namlolo, ono lolo Makromod Lalap Nin honorok panaeku, alam ida naise alam riwan ida, la alam riwan ida naise alam ida. Hi onne ka rauroin nahenia Makromod Lalap mahan weilapan nala hunukum ri mormori leke yon ri mahaku lernala hunukum makmaki nako'uwedi Ai. Ainin honorok panaeku ri mormori na'akeme lernala leken paharin derne rakani Ai la herredi rir morimori man ailanna.

Wahyu 22:10

Ai na'aheni wali'ur, “Yono suwar Horok eni Lirna man Makromod Lalap nalhariyedi me'eni, ono ka nalo'ol me'e ha eniyenihe namwali.

Wahyu 22:12

Yesus na'aheni, “Makaniyala! Ka nalo'ol me'e Ya'u mai odi Ainu'u mahmaha kolkoli herre walha ri dohodoho rira hini'i wenewhe.

Wahyu 22:20

Man loikaru wanakunu na'akeme eniyeni na'aheni, “Namlolo! Ka nalo'ol Ya'u mai me'e!” Ya! Mai here, Makromod Yesus!

Wahyu 3:11

Ka nalo'ol Ya'u mai wali'ur, de masala kerkerhe wanakuku man mi mauroinedi me'e, leke yono ri mahakue nahoro mahmaha kolkoli ennen man ra'akenedi ki mi eni.