Pilipi 1:17 - Kisar

¹⁷ Enimaa ri ma akin apinha idedi enihe rodi honorok aki ma kan mou wakunu wanakunu ma na'ono Kristus. Hi raram nodi rin derne rakani hi mehe, la hi rahinorok hi'i ya akin eren apinha mai bui raram,

Pilipi 1:17 Iomraidhean Croise

Lukas 21:14

Ende hi'i mi akim namkene la yon ma'irhu inhawa mim walha modiyala mi kemmu lere rin tumdesne mi,

Honowok Nair 22:1

“Konohiyala i wal'uhe na'ahoruwedi. Makaniyala yo odiyala i kem'u mai i wal'uhe, leke mauroinale ka'u hi'i yaksala ida.”

Honowok Nair 26:1

Agripa lariyala Paulus na'ahenia, “Ya ala leken pa'e mehe modiyala kemmu.” Ende Paulus kikan liman laa wawan mene ai mehe nodiyala kemen na'ahenia,

Honowok Nair 26:24

Paulus mahan nodiyala kemen, Festus kaisedi na'ahenia, “Paulus o ma'iseriyedi me'e! Onuma woroin rahu onne hi'i o lo'o ma'iseri.”

Roma 2:8

Enimaa Ai na'ahan ri man ailanna de nala hunukum man werek, ono hir ilitolle rir morimori aimehi, de hi'i ha man ailanna mamani, la akin ka naili'il Makromod Lalap Lirna ma namlolo eni.

Pilipi 1:18

maa rir panaeku onne ka namwali ha ma na'ono maya'u! Hi akin mou, ee kan mou, kan hi'i haida! Ha ma na'ono, Kristus Lirna Wawa'an eni raderre radaul mamani, la onne penia ma nahuwa'an ya akin. Enla ya akin lo'o nahuwa'an mamani

Pilipi 1:7

I wal'uhe, lere ya'u horokala mi ya akin nahuwa'anedi me'e. Eni wa'an ono ya akin nala mi wake'e. Mi peni mamwali ainu'u man howok wali lolo honowok man ma'aruru man Makromod Lalap naledi ya'u eni. Mim paku ya'u mamani lere ya'u minle mai bui raram eni noro lere ya'u walha ri man kuku sala Yesus Lirna Wawa'an eni, noro idewe lere yo odiyala Lirna Wawa'an onne haenhi.

Pilipi 2:3

Mim hi'i haida yono modi minim raram nodi aimehi leke ra'uli rasa'a mi, la yon holi kukulu lalap, maa mi dohodoho holi helkaki namdaru la po'on ri namehin kulu narehi mi.

1 Timotius 2:7

Onne penia Makromod Lalap niliyedi maya'u, Nin hophopon ma nodi Yesus Lirna Wawa'an eni, leke ya aderre adaul Lirna Wawa'an eni laa ri ma ka namwali Yahudi. An hopon ya'u wakuku wanakuku ma namlolo leke hi akin naili'il Yesus. Ainu'u wanakunu eni namlolo, ka apoho.

2 Timotius 2:9

Onne penia rin kela'u, dasle, rala laa bui raram naise ri man ailanna, maa Makromod Lalap kan huri ri mahaku dasle Lirna Wawan, de raderre radaul mamani.

2 Timotius 4:16

Lere ya'u mehe odiyala i kem'u dedesne lolo hono'ok kanail onno, ri mahaku kan paku ya'u. Na'akeme huriyedi ya'u. Ya apanak Makromod Lalap yono nala sala onne hi ra'uwara.