Lukas 9:11 - Kisar

¹¹ Enimaa ri nammori dederne rauroiroin rira lalaa eni de lar lernohi Yesus. Hir rakanedi Yesus ne, An kokala hi la wakuku hi panaeku ma na'ono hi'ihehewi Makromod Lalap nodi molollo ri mormori. Enla An hi'i wa'an ma nakni'ir haenhi.

Lukas 9:11 Iomraidhean Croise

Matius 12:15

Yesus nauroin rira panaeku yakyaka penia Ai namhara lolo onne, la ri nammori lernohi. An hi'i wa'an ma nakni'ir na'akeme,

Matius 14:14

Yesus rakanedi ro, An do'on heri rahu onneni ne, Ai raram penu rehi. Enime'ede An kopur laa ro, hi'i wa'an ri ma nakni'ir enihe.

Matius 21:31

Nano tatana woro'o onne inhoi lernohi aman nin akie?” Hir walha, “Anulu eni.” Yesus ne'el imam lalap roro Yahudi rir leleher lalap onnenihe na'ahenia, “Horhorok Ainu'u nou ma na'ono eniyeni: Ri man ra'uk noho nin paipaire noro maeke man holi yaka leke yaka enihe laa onno man Makromod Lalap nodi molollo raram rolu mi.

Matius 21:43

Ende horhorok! Mi mamhene hurinohi Makromod Lalap nodi molollo mi, de An hi'i ri noho namehin ramwali Nin ri, ono hi penia derne rakani Nin konomdere. [

Lukas 1:53

Ai nala hanana'an man wa'an na'apehur ri ma namlara, maa An hopon ri orkanaru enihe rala'a ra'alehe haida-haida.

Lukas 5:31

Yesus walhe na'ahenia, “Ma kan apinha, ka nanoin ma na'inapin, maa man apinha penia nanoin ma na'inapin.

Lukas 8:1

Ka nalo'ol ne Yesus lan kuli leke-leke noro kota-kota loikaru Lira Wawa'an konohi hi'ihehewi Makromod Lalap nodi molollo ri mormori. Enla man lernohi pakunohi idaweli woro'o enihe roro Yesus laa wewerre,

Lukas 8:10

Ende An walhe na'ahenia, “Makromod Lalap nala woroin mi leke mauroin hi'ihehewi Ai nodi molollo ri mormori. Enimaa Ya'u nair wanakunu naho'ok eniyeni wakuku ri ma akin ka naili'il leke, ‘Hir do'odo'one, maa ka rauroin inhawa hir dodo'on; hir derderne, maa ka rauroin panaeku ida.’

Lukas 9:10

Rakanedi lere Yesus Nin hophopon ma nodi Makromod Lalap Lirna enihe wali mai ne, hir kukunohi Yesus inhawa hir hi'iyedi me'eni. Horu ne, Yesus noro hi laa onnida man ri ka nadedem minle na'uranrani leke ida naran Betsaida.

Lukas 9:12

Na'ikeki lere helem me'e, man lernohi pakunohi idaweli woro'o enihe mai Yesus ra'aheni, “Pape, mai eni noho mamun la nako'uwedi leke-leke, de hopon heri eni rala'a ranoin hanana'an noro onno ramkuru lolo leke-leke noro awak-awak ma aile waliwali eni.”

Lukas 9:2

An hopon hi laa loikaru lirna man konohi hi'ihehewi Makromod Lalap nodi molollo ri mormori la hi'i wa'an ma nakni'ir.

Yohanis 4:34

Yesus na'aheni, “Ya'u raram nodi lernohi Makromod Lalap man hopon Ya'u eni, la Ainu'u panaeku hi'i na'ahoruwedi honowok man Makromod Lalap nanala Maya'u. Panaeku woro'o onnenihe namwali Ainu'u hanana'an man hi'i Ya akin nahuwa'an naise ri ma namlara ma na'ak pehuredi me'e.

Yohanis 6:37

Ri man akin naili'il Maya'u, hi onnenihe Ainu'u Papa naledi Maya'u, la namlolo kokkoo Ya'u kokala hi na'akeme. Inhoi-inhoi mai Maya'u, ka'u huri we'erala ida,

Honowok Nair 28:31

Ai ka namka'uk konohi hi na'akeme hi'ihehewi Makromod Lalap nodi molollo ri mormori, la an wakuku Makromod Yesus Kristus Nin mamai noho wawan eni, la ri mahaku ka na'o'o ai wakuku lolo onne.

Roma 10:14

Ri nammori aile ma akin ka naili'il Makromod Lalap makun, maa ik man kokala Makromod Lalap Lirna Wawan onne kamwali ma akin nahuwa'anedi! Enpenia Horok Lape raram na'aheni, “Ri akin nahuwa'an wake'e ono ri man loikaru Makromod Lalap Lirna Wawa'an eni maiyedi me'e.” Ende wa'an rehi ik ma akin naili'il paku ri ma kan derne nakani Lirna Wawa'an makun. Lo'o ri kaale ma ne'e nala'a, ik hopon inhoi lan loikaru Lirna Wawa'an onne? Lo'o ri man loikaru Lirna onne kaale, hi'ihehewi rin derne Lirna onne? Lo'o ri kan derne makun, hi'ihehewi hi akin naili'il? Lo'o hi akin ka naili'il makun, hi'ihehewi hir hi'i lir napanak Makromod Lalap?

Roma 10:17

Ende ik kauroin nahenia rin derne Lira Wawa'an ma na'ono Kristus onne nanumene hi akin naili'il, la ri namehin mai loikaru Lira onne nanumene hir derne rakani la rauroin.

Roma 15:3

Lere Yesus Kristus min noho wawan Ai ka nanoin Nin wawa'an mehe, de lolo Horok Lap wanakunu aile ma na'ono onne na'ahenia, “Makrom'u! Hadwei hadwokor rahu na'akeme man Om lernanala, Ya'u lernala haenhi.”

2 Timotius 4:2

loikaru Makromod Lalap Lirna ri. Ma'akenkene o, alam wawa'an me alam yakyaka, loikaru Ai Lirna. Kukunohi hirira sala, la dadiyala hi leke yon hi'i wali'ur. Ma'alapa hi akin haenhi, la wakuku hi wawa'an modi lir mamamal,

Ibrani 4:16

Ende yon kamkauk kakpali Makromod Lalap hi'i lir napanak, ono Ai naramyaka ika, la kukul Nin aki man wa'an maika. Ai namre'e namharu la naramyaka ika, de lere ik kapanak An paku ika, Ai namkene paku.