Lukas 8:8 - Kisar

⁸ Enimaa, wini heruwali nadiyaur laa elimo'o man meur, de mori wawa'anedi rakan ihin ennen rewen rahu.” An loikaru panaeku onne horu, wakau na'ahenia, “Lo'o mi kilinum aile, makaniyala wawa'an!”

Lukas 8:8 Iomraidhean Croise

Matius 11:15

Inhoi kilinna aile, derne nakani!”

Matius 13:23

maa wini ma nadiyaur elimo'o man meur onne na'ono ri man derne nakani la nauroin Makromod Lalap Lirna Wawan eni. Ende ihin ennen nammori, heruwali lernala ihin ennen rewen rahu ida, heruwali welneme, la heruwali welikelu.”

Markus 4:20

Enimaa, wini ma nadiyaur elimo'o man meur na'ono ri man derne Makromod Lalap Lirna Wawan la kokala wawa'an, penia na'ili nadai ihin ennen nammori, de heruwali lernala rewen welikelu, heruwali lernala rewen welineme, la heruwali lernala rewen rahu.”

Markus 4:23

Ende mi kilinum aile, derne makaniyala!”

Markus 4:8

Wini ma nadiyaur elimo'o man meur onne mori wawa'anedi. Ende dipi woi nammori, de lernala rewen welikelu, welineme, rakan rahu rehi.”

Markus 7:16

Ende mi kilinum aile dernala.]”

Lukas 14:35

Kar nair me'e. Kan wa'an rodi hi'i pupuk man ri nala loile kiraram leke meur, de sopoledi ke'e. Lo'o mi kilinum aile, makaniyala here.”

Lukas 8:15

Enimaa wini ma nadiyaur lolo elimo'o ihi man meur na'ono ri man derne Makromod Lalap Lirna, la rasale rodi aki ma namdudu la man mou. Rir hini'i wenewhe man wa'an onne nodi kunukunohi nahenia hi ramkene lernohi Makromod Lirna mamani.”

Lukas 8:7

Wini namehin nadiyaur ruri roke raram, de mori, maa ruri roke eren lolode de elewesnedi.

Epesus 2:10

Kan wa'an ri na'aheni onne ono Makromod Lalap mehen du'ul kaliyedi ika koro Yesus Kristus me'e, de nala morimori worworu maika, leke ik hi'i ha man wa'an man Ai na'akenedi maika nano nonolu eni.

Kolose 1:10

Am hi'i lir napanak onne leke mim hi'i wewhe ha man wa'an lolo Makromod kalarna, la minim morimori na'akeme nahuwa'anedi Ai akin. Am hi'i lir napanak leke mim hi'i wewhe ha man wa'an mamani la eren nalolo'ol eren mauroroin Makromod Lalap wawa'an.

Wahyu 13:9

Ende inhoi man derderne, loi honorok wawa'an!

Wahyu 2:11

Lo'o mi kilinum aile, dernala! Makani wawa'an inhawa man Roh Kudus na'aheheni laa Nin kerei raramne na'akeme: Inhoi rehi ara noro Hayakyak Makromon, ai kan lernala apinpinha nano makmaki rewro'o nine.’ ”

Wahyu 2:7

Lo'o mi kilinum aile, dernala! Makani wawa'an inhawa man Roh Kudus na'aheheni laa Nin kerei raram na'akeme: Inhoi rehi ara noro Hayakyak Makromon, Ya'u hurinohi ai na'an Makromod Lalap Nina au woi ma nala or'ori dardari man aile Makromod Lalap Nin Kirna Firdaus.’ ”

Wahyu 3:13

Lo'o mi kilinum aile, dernala. Makani wawa'an inhawa man Roh Kudus na'aheheni laa Nin kerei raramne na'akemeni.’ ”

Wahyu 3:6

Lo'o mi kilinum aile, dernala! Makani wawa'an inhawa man Roh Kudus na'aheheni laa Nin kerei raramne na'akemeni.’ ”