Lukas 7:22 - Kisar

²² Ende Yesus walha hi na'ahenia, “Wali lam konohi Yohanis inhawe mim derne la do'onedi me'e. ‘Ri man makan tokedi, makan mouwedi; ri ma ka nauroin nala'a, nala'ala'edi, ri man ulik yaka hi'ie, wa'anedi, ri man rohedi, derne wali'uredi, ri man makiyedi, mori wali'ur, la Makromod Lalap Lirna Wawa'an Eni rodi laa loikaruwedi ri ma na'alehe naulinu me'e.

Lukas 7:22 Iomraidhean Croise

Matius 11:5

Ri man makan tokedi, makan mouwedi; ri ma ka nauroin nala'a, nala'ala'edi; ri man ulik yak hi'ie, wa'anedi; ri man rohedi, derne wali'uredi; ri man makiyedi, mori wali'ur; la Makromod Lalap Lirna Wawa'an eni rodi laa loikaru ri ma na'alehe naulinu.

Matius 21:14

Yesus aile nikoin makun, ri man mak toko roro ma ein he'ehe'e mai, la An hi'i wa'an.

Lukas 4:18

“Makromod Lalap Nin Roh aile Maya'u raram, ono Ai na'onedi Maya'u leke aderre adaul Lirna Wawa'an laa ri ma na'alehe haida-haida. Makromod Lalap hopon Ya'u mai kukunohi Lirna Wawa'an onne laa ri ma aile kali wunuku dadal rai raram, leke hi rahinuri rawine'eredi. An hopon Ya'u mai leke hi'i man makan toko wa'anedi la huri we'er ri man aile kenerne danalha raram.

Lukas 7:21

Lere onne me'e de Yesus hi'i wa'an ri nammori ma nakni'ir noro rir apinha warna-warna. Ai nohiyedi hayakyaka nano ri raramne, la hi'i wa'an maktoko de do'on wali'ur.

Lukas 7:23

Enla ri ma namkene akin naili'il Ya'u, ai akin nahuwa'anedi.’ ”

Yohanis 1:46

Enimaa Nataniel walha na'ahenia, “Hi'ihehewi ha man wa'an mai nano Nazaret?!” Pilipus na'aheni, “Mam lernohi mayai, leke mehem do'on idewe!”

Honowok Nair 26:18

leke ma'amouwedi hi makan, leke hi ramhara metmetek raram laa minle ropropeni raram, leke hi re'e Makromod Lalap huriyedi hi rano Hayakyak Makromon nin molollo, la rapanak Makromod Lalap nodi molollo hi. Mala'a hi leke hi akin naili'il Ya'u, de Makromod Lalap na'ohu nahaledi rira dohohala, la hi'i hi ramwali Nina ri man An niliyedi me'e.’ ”

Honowok Nair 8:7

Pilipus rohi hayakyak man hu'uhu'ur ri raramne, (hayakyak onne wakaukau naruri mene ramhara ri raramne), la an hi'i wa'anedi ri nammori ma naplu'uk noro man liman ein yaka haenhi.

Yakobus 2:5

I walin man ya aramyaka na'ahoru! Loi honorok ainu'u wanakunu eni wawa'an! Ri ma na'alehe naulinu enihe, kade hi ka ramwali orkanaru lolo noho eni wawan, maa Makromod Lalap kikanedi hi ramwali ri orkanaru lolo Ai leken kalarna ono hi akin namkene naili'il Ai. Makromod Lalap nodi molollo hi penia hir lernala Nin rere'e haharu An nouwedi ri ma naramyaka Ai me'e.