Lukas 20:17 - Kisar

¹⁷ Yesus po'on desnala hi na'aheni, “Mi ma'aheni, ‘Yono hi'i de namwali heheni’, maa onne lo'o namwali me'e. Onne penia wanakunu aile Horok Lape raram ma naho'ok Ya'u noro waku na'a'ar. Horok Lap Lirna onne na'ahenia, ‘Waku man ma nayapi nakar sopoledi me'eni, Makromod Lalap hi'iyedi namwali waku na'a'ar ma na'ono.’

Lukas 20:17 Iomraidhean Croise

Matius 21:42

Yesus na'ukani hi, “Lo'o kam lese Horok Lape lirna makun ma na'ahenia, ‘Waku man ma nayapi nakar sopoledi me'eni, Makromod Lalap hi'iyedi namwali waku na'a'ar ma na'ono. Makromod Lalap hi'i onne namwali, la ik do'on ma'aruru la wa'an wake'e.’

Markus 10:23

Enla Yesus po'on waliwali konohi Nina man lernohi pakunohi enihe na'ahenia, “Sus wake'e orkanaru laa onno man Makromod Lalap nodi molollo raram.”

Markus 12:10

Lo'o mim lesedi wanakunu ida lolo Horok Lape ma na'ahenia, ‘Waku man ma nayapi nakar sopoledi me'eni, Makromod Lalap hi'iyedi namwaliyedi waku na'a'ar ma na'ono.

Markus 3:5

Yesus nodi oi mahu po'on waliwali la na'ahan haenhi ono Ai nauroin ri enihe ra'uluwaku kekerhe la honorok akin kiki'il. Enime'ede Ai ne'el ri man liman maki eni na'ahenia, “Ma'aloledi o limmu.” Ri onne na'aloledi liman, idewe liman wa'anedie.

Lukas 19:41

Yesus na'uraniyedi Yerusalem ne, An po'on kota onne nahere me'e.

Lukas 22:37

ono Yesaya horokedi lira ma na'ono Ya'u na'ahenia, ‘Hi rahinorok Ai namwali ri man ailanna.’ Enla horhorok eniyeni namlolo kokkoo ra'akuku ra'anokoredi lolo I kem'u. Namlolo! Inhawa man horokedi lolo Horok Lape ma na'ono Ya'u, ik do'on namwali lere eniyeni.”

Lukas 22:61

Kame'ede Yesus waliyedi oin makan po'onale Petrus. Enine Petrus horoknaledi Makromod Lirna ma na'ahenia, “A'alam eni me'ede manu kan kokoroi makun, o ma'aheniyedi ka mauroin Ya'u rewkelu me'e.”

Lukas 24:44

Na'an horu, Ai ne'el hi na'ahenia, “Nonolu lere Yo oro mi minwuku makun Ya'u konohiyedi mi nahenia ha wo'ira ma na'ono Ya'u kemen man horokedi aile Musa noro nabi-nabi rira horok noro horok Mazmur onne kan sala, maa namlolo kokkoo namwali.”

Yohanis 15:25

Onne na'akeme namwali leke na'akuku na'anokor inhawe man horhorok aile hirira Horok Lape ma na'aheni, ‘Ka'u hi'i salida hi, Ya'u hi'i ha man wa'an mamani, maa hi ramhene kokala Maya'u.’

Honowok Nair 4:11

Horok Lap Lirna aile man kukul Yesus eni na'ahenia, ‘Waku man ri ma nayapi nakar sosopole, namwali waku na'a'ar.’ ”

Epesus 2:20

Ika ma akin naili'il Yesus naho'ok naise Romleu man Makromod Lalap mehe nayapi. Yesus Kristus mehe namwali Romleu nina kunuku polle, la Nin hophopon ma nodi Lirna Wawa'an roro nabi enihe ramwali Romleu onne nin lauriri. Ri ma akin naili'il Yesus namehin enihe ramwali Romleu horn arne. Ik na'akeme kahinuhu kawinawar noro Kristus leke kamwali Romleu man moumou dewdewe man wa'an de Makromod minle.

1 Petrus 2:6

Lolo Horok Lap raram horhorok aile ma na'ono Yesus Kristus na'ahenia, “Po'onala! Ya'u niliyedi waku na'a'ar ida man wella ai wawan wake'e! Ya ala waku na'a'ar ma na'ono onne leke loile Kote Sion. Inhoi akin naili'il Ai, kan hehel, ono na'akeme man Ya'u nou eni namwali kokkoo.”