Lukas 15:4 - Kisar

⁴ “Lo'o mi ri ida nina pipduma waku rahu ida, la pipduma waku ida moluwedi. Ai lo'o hoikaruwedi welihii-wohii mehe ra'an penek lolo onno man wa'an, laa nanoin man moluwedi eni hehen nanumene do'onedie.

Lukas 15:4 Iomraidhean Croise

Matius 12:11

An walha na'ahenia, “Nano mi eniyenihe, lo'o ri ida nina pipi waku ida nediyawedi laa ku'il raram lolo Alam Renren Warwarna, orpipi lo'o nahehe nala mai paharne, ee ka?

Lukas 13:15

Enime'ede Makromod na'aheni, “Eih! Mi man kokme'e mamwali ri molololo, maa kam peinohi ha ma namlolo! Alam Renren Warwarna me'ene, mi modi minim kude arpau laa romun oir menee.

Lukas 15:3

Onne penia Yesus nala wanakunu naho'ok ida hi na'ahenia,

Lukas 19:10

Ya'u, ma namwali Ri Mormori Anan, peni mai noho wawan anoin ri man molu la ma ka nauroin Makromod Nin kalla leke huri we'er hi nano rir dohohala nin molollo.”

Roma 2:1

I wal'u na'ahoru! Ik kauroin nahenia Makromod Lalap Nin hono'ok kanail namlolo mamani, de lere Ai nala hunukum ri ma nina hini'i wenewhe namehiyale eni, Nin hunukum onne namlolo. Mi mehem hi'i sala, de alhi'ihepe mala sala ri namehin? Kan wa'an mi mala sala ri namehin, ono minim hini'i wenewhe namnenehe noro hi! Minim hini'i ma ka namlolo onne mehe nala hunukum ki mi.

1 Petrus 2:25

Nonolu mi maise pipduma man sala kalla, de moluwedi, maa ors eni mim wali wali'ur lernohiyedi Yesus Man Huri la Man Leluwai Makrana mi hamaran me'e.